МУБОРИЗА БАР МУҚОБИЛИ ПАДИДАҲОИ НОМАТЛУБ КОРИ ДАСТАҶАМЪИСТ

Имрӯз, 20.02.2025 дар толори хурди мақомоти иҷроияи ҳокимияти давлатии шаҳр рӯзи ягонаи ахбори сиёсӣ доир ба пешгирии падидаҳои номатлуб дар ҷомеа, аз қабили экстремизм ва терроризм бо иштироки намояндагони соҳаҳои гуногуни хоҷагии халқи шаҳр баргузор гардид.

Дар вохӯрии мазкур мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, Одинаев Алиҷон дотсенти ДДҲБС Тоҷикистон дар шаҳри Хуҷанд, Бобоҷонова Дилбар дотсенти МДТ "ДДХ ба номи академик Бобоҷон Ғафуров" ва Абдуллозода Шуҳратҷон ҳуқуқшинос иштирок ва суханронӣ намуданд.

Зикр карда шуд, ки вазъи мураккаби геополитикии ҷаҳони муосир ва паҳншавии зуҳуроти номатлубу даҳшатовари терроризм ва экстремизм, ки барои ҷомеаи башарӣ, сулҳу субот, амнияти давлат ва рушди устувори давлатҳо таҳдиди бевосита менамояд, на танҳо Ҷумҳурии Тоҷикистон, балки сайёраро ба ташвиш овардааст.

ЭМОМАЛӢ РАҲМОН – БУНЁДГУЗОРИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

Имрӯз, 19.02.2025 дар маркази таълимии ВМ Ҷумҳурии Тоҷикистон дар вилояти Суғд тибқи нақшаи кории бахши кор бо ҷавонон ва варзиши шаҳр бахшида ба 32-юмин солгарди Қувваҳои Мусаллаҳи Ҷумҳурии Тоҷикистон конференсияи илмӣ-амалӣ таҳти унвони “Эмомалӣ Раҳмон – бунёдгузори Қувваҳои мусаллаҳи Ҷумҳурии Тоҷикистон” бо иштироки сарбозону афсарон баргузор гардид.

Дар кори конференсия Аҳлиддин Абдураҳмонов, мудири бахши кор бо ҷавонон ва варзиши шаҳр, Фаридуншоҳ Абдуллоев мудири бахши ҷавонони КИ ҲХДТ дар шаҳри Гулистон ва Одиназода Амруддин командири қисми ҳарбии мазкур иштирок ва суханронӣ намуданд.

Зикр карда шуд, ки Қувваҳои Мусаллаҳи Тоҷикистони соҳибистиқлол дар шароити ниҳоят мураккабу ҳассоси сиёсиву низомӣ ва иқтисодиву иҷтимоии таърихи мардуми тоҷик ва давлати тоҷикон таъсис дода шуданд.

Бунёди корхонаи нави коркарди партов дар шаҳри Гулистон

Дар вилояти Суғд ба рушди соҳаи саноати куҳӣ-металлургӣ ва истифодаи мақсадноку оқилонаи захираҳои табиӣ таваҷҷуҳи зарурӣ зоҳир карда мешавад.

Бахшида ба 35-солагии Истиқлоли давлатии Ҷумҳурии Тоҷикистон дар шаҳраки Консойи шаҳри Гулистон корхонаи коркарди партовҳои истеҳсолии корхонаи муштараки “Апрелевка” бунёд гардида истодааст.

Зимни шиносоӣ бо раванди корҳои васлу насби таҷҳизоту дастгоҳ ва дигар тадбирҳои бунёдкориву созандагӣ ба Раиси вилояти Суғд Раҷаббой Аҳмадзода маълумот дода шуд, ки иқтидори истеҳсолии корхонаи нав коркарди то 100 тонна партов дар як шабонарӯз буда, дар он беш аз 150 нафар бо ҷойи кор таъмин карда мешаванд.

МО ҲОМИЁНИ ВАТАНЕМ!

Озмуни ҳарбӣ-варзишии "Ватанпарвар" як чорабинии муҳимми варзишӣ буда, бо мақсади баланд бардоштани ҳисси ифтихори миллӣ, таҳкими ғояҳои худшиносиву ватандӯстӣ ва омодагии ҷавонон ба хизмати ҳарбӣ ҳамасола дар сатҳи вилоят баргузор мегардад. Он ба хонандагон неруву тавон мебахшад ва ҷисму руҳи шогирдонро тақвият ва омодагии онҳоро ба хизмати ҳарбӣ беҳтар мекунад.

Дар асоси фармоиш ва Низомномаи Раёсати маорифи вилояти Суғд аз 27.01.2025 №21 бо мақсади тарғибу ташвиқи ҳисси ватандӯстиву ватанпарастӣ дар байни хонандагон, баланд бардоштани ҳуввияти миллӣ, ташаккули инсони комил ва ҳимоягари манфиатҳои Ватани хеш, аз худ намудани барномаи омодагии дифои ҳарбӣ дар синфҳои болоӣ, ташаббускорӣ ва худфаъолиятӣ, тарщибу ташвиқи хештаншиносиву бародарӣ мустаҳкам намудани дӯстиву рафоқат, ҷасорату зиракӣ, таҳкими дӯстӣ, ташвиқоти хизмат ба сафи Қувваҳои Мусаллаҳи Ҷумҳурии Тоҷикистон, инкишоф ва оммавияти мусобиқаи варзишӣ байни хонандагони муассисаҳои таҳсилоти умумӣ, муайян намудани ҳайати дастаи беҳтарин ва баланд бардоштани маҳорати варзишии онҳо ба истиқболи 23- юми феврал - Рӯзи таъсисёбии Қувваҳои Мусаллаҳи Ҷумҳурии Тоҷикистон даври шаҳрии озмуни ҳарбӣ-варзишии «Ватанпарвар» санаи 11.02.2025 дар толори варзишии шаҳр баргузор карда шуд, ки дар он шаш дастаи ғолиби даври муассисавӣ аз рӯйи 6 шарт дар сатҳи баланд ташкил ва баргузор гардид.