МУЛОҚОТИ СУДМАНДИ ГУРӮҲИ ДОИМАМАЛ ДОИР БА ЭЪЛОН ГАРДИДАНИ “СОЛИ МАЪРИФАТИ ҲУҚУҚӢ”

Санаи 15.05.2024 тибқи нақшаи тасдиқгардида аз ҷониби Раиси вилояти Суғд аз 30-юми апрели соли 2024 доир ба вобаста намудани гурӯҳи кории доимамал дар самти баланд бардоштани маърифати ҳуқуқии шаҳрвандон дар сатҳи шаҳру ноҳияҳо бахшида ба эълон гардидани “Соли маърифати ҳуқуқӣ” дар Кохи фарҳангии “Истиқлол”-и маркази шаҳр бо сокинон мулоқот баргузор гардид.

Дар мулоқот муовини Раиси шаҳр Шарифҷони Саидраҳмон, Ифтихор Самадзода, муовини сардори Раёсати адлияи вилояти Суғд,  Толиб Давлатзода судияи суди иқтисодӣ, Мирҷамол Мирмаҳмадов, сармутахассиси шуъбаи маъмурии ҳуқуқии дастгоҳи Раиси вилояти Суғд,  Фирдавс Фахриддинзода, муовини сардори Раёсати кор бо ҷавонон ва варзиши вилояти Суғд, Мунира Сармисоқова сармутахассиси Раёсати маорифи вилояти Суғд, Маҳина Нематуллоева, сармутахассиси Раёсати кор бо занон ва оилаи МИҲД-и вилоят, Равшан Ризозода сармутахассиси шуъбаи дин, танзими анъана ва ҷашну маросими вилоят,  Сорбон Раҷабзода судяи суди шаҳри Гулистон, Зафар Муҳаммадзода устоди Донишгоҳи давлатии ҳуқуқ бизнес ва сиёсати Тоҷикистон ва Муҳаммадҷон Усмонов сархатиби масҷиди ҷомеи шаҳр иштирок ва суханронӣ намуданд.

Ба муносибати Рӯзи оила Раиси шаҳр Раъно Ҳошимзода модар ва кӯдаки навзодро муборакбод намуд

Имрӯз, 15.05.2024 Раиси шаҳри Гулистон Раъно Ҳошимзода ба шуъбаи таваллудхонаи беморхонаи марказии шаҳр ташриф оварда ба муносибати Рӯзи оила модар ва тифли навзодро аёдат намуда, Рӯзи оиларо ба онҳо муборакбод гуфт. Зикр карда шуд, ки давлату ҳукумат ҷиҳати солимии модару кӯдак дар кишвар тадбирҳои зиёдеро ба роҳ мондааст ва мақомоти иҷроияи ҳокимияти давлатии шаҳр низ ба ин раванд таваҷҷуҳи хоса зоҳир менамояд. Оила хурдтарин ниҳоди ҷамъият ва оилаи солим боиси ташаккул ёфтани ҷомеаи солим аст.

Ба модари кӯдак шаҳодатномаи таваллуди фарзанд ва туҳфаҳои хотиравии мақомоти иҷроияи ҳокимияти давлатии шаҳр тақдим карда шуд.

Ба масъулин ҷиҳати аҳамияти ҷиддӣ додан ба солимии модарону кӯдакон дар таваллудхона ва ба модарон фаҳмонидани тарзи дурусти нигоҳубини кӯдак  ва пешгирии ҳамагуна ҳолатҳои нохуш супоришҳо дода шуд.

РӮЗИ ОИЛА БОШУКӮҲ ТАҶЛИЛ ГАРДИД

Имрӯз, 15.05.2024 дар тарабхонаи “Темурмалик”-и шаҳри Гулистон Рӯзи оила бо иштироки оилаҳои намунавӣ бо шукӯҳ таҷлил карда шуд.

Нахуст Раиси шаҳри Гулистон Раъно Ҳошимзода иштирокчиёни чорабиниро ба муносибати Рӯзи оила муборакбод гуфт.

Зикр карда шуд, ки оила дар фарҳанги куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад. Оила асоси ҷомеа, муҳимтарин ячейкаи ҷамъияту давлат мебошад.

Табрикоти Раиси шаҳри Гулистон Раъно Ҳошимзода ба ифтихори Рӯзи байналмилалии оила

Ҳамшаҳриёни гиромӣ!

Оила дар фарҳанги куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад. Оила асоси ҷомеа, муҳимтарин ячейкаи ҷамъияту давлат мебошад.

Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, ки: «Масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзанд, омода кардани фарзандон ба ҳаёти мустақилона ва пойдории оила аз ҷумлаи проблемаҳое мебошанд, ки диққати доимии тамоми мақомоти давлатӣ, муассисаҳои таҳсилотӣ ва кулли аъзои ҷомеаро тақозо мекунад».