ВОХӮРӢ ДОИР БА ПЕШГИРИИ ЭКСТРЕМИЗМ ВА ТЕРРОРИЗМ

Имрӯз, 27.01.2025 дар толори Ҷамоати шаҳраки Сирдарёи шаҳри Гулистон вохӯрӣ доир ба пешгирии падидаҳои номатлуб дар ҷомеа аз қабили пешгирии экстремизм ва терроризм, ҷинояткорӣ, тақлид ба фарҳанги бегона ва шарҳу тавзеҳи мафҳумҳои асосии “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” бо иштироки сокинон ва кормандони соҳаҳои гуногун баргузор карда шуд.

Дар вохӯрии мазкур муовини Раиси шаҳри Гулистон Шарифҷони Саидраҳмон, сардори шуъбаи дар шаҳри Гулситон будаи Раёсати Кумитаи давлатии амнияти миллии Ҷумҳурии Тоҷикистон дар вилояти Суғд Қаҳҳоров Комрон ва мудири бахши кор бо ҷавонон ва варзиши шаҳр Аҳлиддин Абдураҳмонов иштирок ва суханронӣ намуданд.

ҚАБУЛИ ШАҲРВАНДОН ДОИР ГАРДИД

Санаи 25.01.2025 ҷиҳати амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи талаботи Қонуни Ҷумҳурии Тоҷикистон "Дар бораи муроҷиати шахсони воқеӣ ва ҳуқуқӣ" аз ҷониби иҷрокунандаи вазифаи Раиси шаҳри Гулистон Илҳом Пӯлотзода дар толори хурди мақомоти иҷроияи ҳокимияти давлатии шаҳр қабули шаҳрвандон доир гардид.

Сокинон доир ба масъалаҳои гуногун муроҷиат намуданд.

Илҳом Ппӯлотзода иҷрокунандаи вазифаи раиси шаҳр ба масъулин доир ба баррасӣ намудани муроҷиатҳо дастур дод.

Ҳамчунин, ба масъулин доир ба масъалаҳои ҷорӣ ва тақвияти корҳои ободониву созандагӣ супоришҳои мушаххас дода шуд.

БАРГУЗОРИИ ВОХӮРИИ МУФИД ДОИР БА РАВАНДИ МАЪРАКАИ ИНТИХОБОТ

Имрӯз, 25.01.2025 дар толори мактаби санъати маркази шаҳр вохӯрӣ бо сокинон , аъзои комиссияҳои учаткаҳои интихоботӣ вохӯрӣ баргузор карда шуд.

Дар вохӯрии мазкур муовини Раиси шаҳр Шарифҷони Саидраҳмон, коршиноси Комиссияи марказии интихобот ва раъйпурсии Ҷумҳурии Тоҷикистон Қурбон Қурбонов ва намояндаи мақомоти иҷроияи ҳокимияти давлатии вилоят, сармутахассиси шуъбаи ташкилӣ ва кор бо кадрҳои дастгоҳи Раиси вилоят Исматҷон Ҷумаев иштирок ва суханронӣ намуданд.

Зикр карда шуд, ки тибқи Фармони Президенти Ҷумҳурии Тоҷикистон муҳтарам Эмомалӣ Раҳмон аз 4 декабри соли 2024, №882 Дар бораи таъини интихоботи даъвати нави Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ - Интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо 2 марти соли 2025 таъин карда шуд.

ИДОМАИ БАРГУЗОРИИ КУРСИ ОМӮЗИШИИ ПАЙРАВОНИ ПЕШВОИ МИЛЛАТ, ДАР ШАҲРИ ГУЛИСТОН

Имрӯз, 24.01.2025 дар толори хурди мақомоти иҷроияи ҳокимияти давлатии шаҳр ба шунавандагони курси омӯзишии пайравони Пешвои миллат дарси навбатӣ дар мавзуи “Масъулият дар таълиму тарбияи кӯдак сармоягузорӣ ба хотири фардост” баргузор карда шуд.

Дар дарси мазкур мудири бахши кор бо ҷавонон ва варзиши шаҳр Аҳлиддин Абдураҳмонов ва муовини сардори шуъбаи ВКД Ҷумҳурии Тоҷикистон дар шаҳри Гулистон Кароматов Хуршед иштирок ва суханронӣ намуданд.

Зикр карда шуд, чӣ хеле ки мушоҳида мекунем имрӯзҳо дар ҷаҳони муосир яке аз масъалаҳои муҳими нигароникунанда ин паст шудани таълиму тарбияи насли наврас шудааст. Дар тӯли чанд соли охир ҳам аз тарафи волидайн ва ҳам аз тарафи муассисаҳои таълимӣ норозигӣ аз одобу ахлоқи хонандагон ба назар мерасад. Ҳамин боис шуд, ки аз тарафи Ҳукумати кишвар Қонун "Дар бораи масъулият барои таълиму тарбияи кӯдак"- ро ба тавсиб расонид. Бо вуҷуди ҳамаи ин то ҳол аз тарафи бархе аз волидон ба ин қонун чандон эътибор дода намешавад, ҳар чанд, ки ҳамеша аз пайи ташвиқ ва фаҳмондадиҳии он кӯшишҳо ба харҷ дода шавад ҳам.