Баргузории ҷаласаи Шӯрои ҳамоҳангсозии фаъолияти мақомоти ҳифзи ҳуқуқи шаҳри Гулистон

Имрӯз, 22 октябри соли 2026 дар толори Мақомоти иҷроияи ҳокимияти давлатии шаҳри Гулистон таҳти раёсати Раиси Шӯрои ҳамоҳангсозии фаъолияти мақомоти ҳифзи ҳуқуқи шаҳр, прокурори шаҳр Вазирзода Вазир Зокир ҷаласаи навбатии Шӯро баргузор гардид. Дар кори ҷаласа, аъзои Шӯро, роҳбарони мақомоти ҳифзи ҳуқуқ, муовини якуми Раиси шаҳр Даврон Муҳаммадзода, сардори шуъбаи шаҳри Гулистони РКДАМ ҶТ дар вилояти Суғд Комрон Қаҳҳоров, сардори ШВКД ҶТ дар шаҳри Гулистон Мирзоватан Раҳимзода ва сардори нозироти андози шаҳр Исмат Холов иштирок намуданд.

Ба ҷаласаи Шӯро роҳбари дастгоҳи раиси шаҳр, сардори раёсат, шуъбаву бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, раисони ҷамоатҳо, роҳбарони корхонаҳои саноатӣ, сардорони шуъбачаҳои милитсияи ҷамоатҳо ва минтақаи осоишгоҳ ва нозирони минтақавии милитсия даъват шуданд.

ҶДММ «Қолинҳои Қайроққум» дар озмуни ҷумҳуриявии «Беҳтарин содироткунандаи Тоҷикистон – 2026» дар номинатсияи «Маҳсулоти беназир» соҳиби ҷоиза гардид

Дар шаҳри Душанбе маросими ҷоизасупорӣ ба ғолибони Озмуни ҷумҳуриявии «Беҳтарин содироткунандаи Тоҷикистон» баргузор гардид.

Дар Озмуни ҷумҳуриявии «Беҳтарин содироткунандаи Тоҷикистон» 85 субъекти ватанӣ, сарфи назар аз шакли моликият, ки ба содироти маҳсулот, кор ва хизматрасонӣ машғул мебошанд, дархост пешниҳод намуданд. Беҳтарин содироткунандагон аз рӯи номинатсияҳои дахлдори Қоидаҳои муқаррарнамудаи озмун интихоб шуданд. Ғолибон соҳиби ҳайкалча ва Диплом гардиданд.

Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода иброз дошт, ки давоми солҳои истиқлолияти давлатӣ бо ибтикору дастгириҳои Президенти Тоҷикистон муҳтарам Эмомалӣ Раҳмон ва Ҳукумати ҷумҳурӣ бо мақсади таҳкими Низоми миллии дастгирии содирот чораҳои зарурӣ амалӣ гардида, дар ин самти стратегӣ татбиқи тадбирҳои дахлдор идома дорад.

БАРРАСИИ МУРОҶИАТИ ШАҲРВАНДОН

Имрӯз, 17-уми октябри соли 2026 дар толори мақомоти иҷроияи ҳокимияти давлатии шаҳр қабули навбатии шаҳрвандон аз ҷониби Раиси шаҳр Илҳом Пӯлотзода баргузор гардид.

Зимни қабул шаҳрвандон бо масъалаҳои гуногуни иҷтимоӣ ба шаҳрдор муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

ХОНИШИ СИЁСӢ: "Конститутсия - бахтномаи миллат"

15-уми октябри соли 2026 дар толори мақомоти иҷроияи ҳокимияти давлатии шаҳр тибқи барқияи МИҲД-и вилояти Суғд Рӯзи ягонаи ахбори сиёсӣ ва хониши сиёсӣ дар мавзуи "Конститутсия - бахтномаи миллат" бо иштироки кормандони соҳаҳои гуногун баргузор карда шуд.

Дар чорабинии мазкур муовини Раиси шаҳр Шарифҷони Саидраҳмон, собиқадори соҳаи фарҳанг Хайринисо Раҳимова ва устоди Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд Сайёд Юнусзода иштирок ва суханронӣ намуданд.