ШИНОСОӢ БО ФАЪОЛИЯТИ МУАССИСАҲОИ ТАЪЛИМӢ ДАР ШАҲРАКИ АДРАСМОН

Санаи 13-уми апрели соли 2026 дар доираи сафари корӣ ба шаҳраки Адрасмон Раиси шаҳри Гулистон Илҳом Пӯлотзода аз муассисаҳои таҳсилоти миёнаи умуми маркази шаҳрак дидан намуд.

Нахуст аз муассисаи таҳсилоти миёнаи умумии №13 дидан карда шуд. Иттилоъ дода шуд, ки дар муассисаи таълимӣ 292 нафар хонанда аз ҷумла 149 нафар духтар ба таҳсил фаро гирифта шудаанд. Барои таҳсили пурсамар шароитҳои мусоид фароҳам оварда шудаанд.

Сипас, аз муассисаи таҳсилоти миёнаи умумии №13 дидан карда шуд. Иттилоъ дода шуд, ки дар муассисаи таълимӣ 454 нафар хонанда аз ҷумла 216 нафар духтар ба таҳсил фаро гирифта шудаанд.

ҚАБУЛИ ШАҲРВАНДОН ДАР ҶАМОАТИ ШАҲРАКИ АДРАСМОН

13-уми апрели соли 2026 дар доираи сафари корӣ ба Ҷамоати шаҳраки Адрасмон Раиси шаҳри Гулистон Илҳом Пӯлотзода як қатор шаҳрвандонро ба ҳузур пазируфта, муроҷиатҳои онҳоро шунида мавриди баррасӣ қарор дод.

Зимни қабул шаҳрвандон бо масъалаҳои гуногуни иҷтимоӣ муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

Раиси шаҳр ҳар як муроҷиатро мавриди омӯзиш қарор дода, ба нафарони масъул ҷиҳати баррасии ҳамаҷониба ва андешидани чораҳои мушаххас супоришҳо дод. Таъкид гардид, ки ҳалли саривақтии масъалаҳои шаҳрвандон ва расонидани кумаки амалӣ ба онҳо яке аз самтҳои афзалиятноки фаъолияти мақомоти маҳаллӣ ба шумор меравад.

ШИНОСОӢ БО ҶАРАЁНИ КОРҲОИ СОЗАНДАГИВУ БУНЁДКОРӢ ДАР ШАҲРАКИ АДРАСМОН

Санаи 13 апрели соли 2026 Раиси шаҳри Гулистон Илҳом Пӯлотзода бо мақсади шиносоӣ бо вазъи корҳои ободониву созандагӣ ба истиқболи ҷашни 35-солагии Истиқлоли давлатӣ ва эълон гардидани соли 2026 "Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ" аз Ҷамоати шаҳраки Адрасмон дидан намуд.

Дар ҷараёни сафари корӣ нахуст аз пойгоҳи обкашии "Дреш-сой" дар маҳаллаи Боғот-1 дидан карда шуд. Бо таъмиру азнавсозии он вазъи таъмини оби нӯшокӣ ба аҳолӣ беҳтар мегардад. Сипас, аз рафти корҳои сохтмонии майдончаи варзишӣ дар маҳаллаи Эшмергани деҳаи Зарчашма, фаъолияти бунгоҳи тиббии деҳаи Зарчашма, корҳои сохтмонии майдончаи варзишӣ дар кӯчаи Рӯдакӣ дидан карда шуд.

БАРГУЗОРИИ ДАВРИ ШАҲРИИ ОЗМУНИ КВОТАИ ПРЕЗИДЕНТӢ

Санаи 11 апрели соли 2026 дар толори муассисаи таҳсилоти миёнаи умумии №1-и маркази шаҳр мутобқи қарори Раиси шаҳри Гулистон аз санаи 14-уми марти соли 2026 ва фармоиши мудири шуъбаи маорифи шаҳр бо иштироки 97 нафар хонандагони муассисаҳои таълимии шаҳри Гулистон даври шаҳрии Озмуни квотаи Президенти Ҷумҳурии Тоҷикистон баргузор гардид. Дар кори Озмуни мазкур муовини Раиси шаҳр Муслимахон Ҷамолиён иштирок ва суханронӣ намуд.

Инчунин дар озмун масъулини шуъбаи маориф ва роҳбарони муассисаҳои таълимӣ иштирок доштанд. Тибқи нақшаи тасдиқшуда довталабон аз рӯйи 26 ихтисос аз ҷумла, 13 ҷой барои духтарон ва 13 ҷой барои писарон донишу маҳорати худро нишон доданд. Қайд кардан бамаврид аст, ки квотаи Президенти Ҷумҳурии Тоҷикистон як барномаи давлатии дастгирии ҷавонон буда, барои ҷалби хонандагони лаёқатманд, махсусан аз минтақаҳо, ба муассисаҳои таҳсилоти олии кишвар равона шудааст.