МАКТАБ БА МАКТАБ: ДАЪВАТИ АҲОЛӢ БА ОБОДОНИВУ СОЗАНДАГӢ ВА ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ!

Имрӯз 27.01.2026 баҳри тақвияти корҳои мунтазами таблиғотӣ дар самти рушди иҷтимоӣ ва робита бо ҷомеа, тибқи нақшаи муштараки чорабинҳои Мақомоти иҷроияи ҳокимияти давлатии шаҳри Гулистон бо усули "мактаб ба мактаб" бо иштироки муовини Раиси шаҳр Муслимахон Ҷамолиён, мудири бахши занон ва оилаи МИҲД-и шаҳр Матлуба Сатторова, нозири калони кор бо ноболиғон ва ҷавонони ШВКД Ҷумҳурии Тоҷикистон дар шаҳри Гулистон Сулаймон Партобов, мудири шуъбаи маорифи шаҳр Дилрабо Каримӣ, директори МТМУ №3 Монад Раҳматуллоева бо ҷалби волидайни хонандагони МТМУ №3-и шаҳраки Консой мулоқоти судманд анҷом дода шуд.

Зимни баргузории мулоқот вобаста ба пешгирии шомилшавии ҷавонон, бахусус муҳоҷирон ва ҷавонони дар хориҷ таҳсилдошта ба гуруҳҳои ғайриқонунӣ, ба дарки мардум расонидани моҳияти терроризму экстремизм, бахусус хусусияти динидошта, ба аҳолӣ фаҳмонидани амалҳое, ки ҷиноятҳои махсусан вазнин ҳисоб мешаванд, огоҳонидани мардум, алалхусус ҷавонон аз макру найранг ва роҳҳои ҷалби ҷавонон ба ҳизбу ҳаракатҳои иртиҷоӣ ва террористиву экстремистӣ, истифодаи дурусти телефон ва шабакаҳои ичтимоӣ ва зери назорати волидон қарор додани истифодабарандагони ҷавон, эҳсоси масъулият доштан дар раванди ҳифзи амнияти кишвар, пешгирӣ аз таълимоти нодуруст ва ғайрирасмии динию мазҳабӣ ва дигар масъалаҳои мубрам маърӯзаҳо ироа карда шуд.

ҶАЛАСАИ КОРИИ НАЗДИ РАИСИ ШАҲРИ ГУЛИСТОН БАРГУЗОР ГАРДИД

Имрӯз, 27 январи соли 2026 дар толори хурди Мақомоти иҷроияи ҳокимияти давлатии шаҳри Гулистон ҷаласаи кории назди Раиси шаҳри Гулистон доир ба расонидани муҳтавои дастуру супоришҳои Пешвои муаззами миллат муҳтарам Эмомалӣ Раҳмон, ки дар Маҷлиси васеи Ҳукумати Ҷумҳурии Тоҷикистон санаи 23 январи соли 2026 баён доштанд баргузор гардид.

Дар ҷаласаи корӣ муовинони Раиси шаҳр, роҳбарони воҳидҳои сохторӣ, мудирони шуъбаву бахшҳо, раисони ҷамоати шаҳракҳо ва дигар шахсони масъул иштирок намуданд.

Раиси шаҳри Гулистон Илҳом Пӯлотзода кори ҷаласаро оғоз намуда, таъкид намуд, ки дар ҷараёни маҷлиси васеъ Сарвари давлат муҳтарам Эмомалӣ Раҳмон ба раисони вилоятҳо ва шаҳру ноҳияҳои мамлакат ҷиҳати густариш бахшидани раванди омодагӣ ба ҷашни 35-солагии истиқлоли давлатӣ, иҷрои вазифаҳои дар Паёми Президенти Ҷумҳурии Тоҷикистон гузошташуда, барномаву нақшаҳои қабулнамудаи Ҳукумати мамлакат, ҳалли саривақтии арзу шикоятҳои мардум, дастгирии соҳибкорӣ, тақвияти ҳамкорӣ бо бахши хусусӣ, таъмини рушди устувори иқтисодиву иҷтимоӣ, афзун намудани ҳаҷми истеҳсоли маҳсулоти саноативу кишоварзӣ, бештар намудани ҳаҷми содироти онҳо, тақвияти фаъолияти муассисаҳои маориф, тандурустӣ ва фарҳанг дастуру супоришҳои мушаххас доданд.

МАКТАБ БА МАКТАБ: ДАЪВАТИ АҲОЛӢ БА ОБОДОНИВУ СОЗАНДАГӢ ВА ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ!

Санаи 23.01.2026 бо мақсади истиқболи сазовори 35-солагии Истиқлоли давлатии Ҷумҳурии Тоҷикистон ва эълон гардидани соли 2026 ҳамчун "Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ" баҳри тақвияти корҳои мунтазами таблиғотӣ дар самти рушди иҷтимоӣ ва робита бо ҷомеа, тибқи нақшаи чорабинҳои Мақомоти иҷроияи ҳокимияти давлатии шаҳри Гулистон бо усули "мактаб ба мактаб" бо иштироки муовини раиси шаҳр Ҷамолиён Муслимахон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, мудири бахши занон ва оила Сатторова Матлуба, нозири калони кор бо ноболиғон ва ҷавонони ШВКД Ҷумҳурии Тоҷикистон дар шаҳри Гулистон Партобов Сулаймон, мудири шуъбаи маориф Каримӣ Дилрабо, директори МТТҲС Кенҷаева марҳабо, котиби ҳифзи ҳуқуқи кӯдаки МИҲД Каримова Мадина ва раиси Ҷамоати шаҳраки Чоруқдаррон Тахтаева Фирӯза бо ҷалби волидайни хонандагони МТМУ №2 мулоқоти судманд анҷом дода шуд.

Зимни баргузории мулоқот вобаста ба пешгирии шомилшавии ҷавонон, бахусус муҳоҷирон ва ҷавонони дар хориҷ таҳсилдошта ба гуруҳҳои ғайриқонунӣ, ба дарки мардум расонидани моҳияти терроризму экстремизм, бахусус хусусияти динидошта, ба аҳолӣ фаҳмонидани амалҳое, ки ҷиноятҳои махсусан вазнин ҳисоб мешаванд, огоҳонидани мардум, алалхусус ҷавонон аз макру найранг ва роҳҳои ҷалби ҷавонон ба ҳизбу ҳаракатҳои иртиҷоӣ ва террористиву экстремистӣ, истифодаи дурусти телефон ва шабакаҳои ичтимоӣ ва зери назорати волидон қарор додани истифодабарандагони ҷавон, эҳсоси масъулият доштан дар раванди ҳифзи амнияти кишвар, пешгирӣ аз таълимоти нодуруст ва ғайрирасмии динию мазҳабӣ ва дигар масъалаҳои мубрам маърӯзаҳо ироа карда шуд.

БАРГУЗОРИИ СЕМИНАРИ ОМӮЗИШӢ-ДАСТУРДИҲӢ ДОИР БА ДАСТУРАМАЛИ НАМУНАВИИ КОРГУЗОРӢ ДАР МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲР

Имрӯз, 22.01.2026 дар толори хурди Мақомоти иҷроияи ҳокимияти давлатии шаҳри Гулистон семинари омӯзишӣ-дастурдиҳӣ доир ба Дастурамали намунавии коргузорӣ дар мақомоти иҷроияи ҳокимияти давлатии шаҳр бо иштироки роҳбарони ташкилоту идораҳо ва коргузорон баргузор гардид.

Дар кори семинари омӯзшӣ-дастурдиҳӣ мудири шуъбаи ташкилӣ ва кор бо кадрҳои дастгоҳи Раиси шаҳри Гулистон Меҳрубон Қаҳҳорзода, мудири шуъбаи назорат, коргузорӣ ва муроҷиатҳои дастгоҳи Раиси шаҳр Гулбаҳор Алимова ва сармутахассиси шуъбаи назорат, коргузорӣ ва муроҷиатҳои дастгоҳи Раиси шаҳр Мирҷумъа Бобозода иштирок ва суханронӣ намуданд.