БАРГУЗОРИИ ШӮРОИ РУШДИ ТАРБИЯИ ҶИСМОНӢ ВА ВАРЗИШИ МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН

Тибқи нақшаи тасдиқгардида, дар толори бахши ҳифзи муҳити зисти шаҳри Гулистон Шӯрои рушди тарбияи ҷисмонӣ ва варзиши Мақомоти иҷроияи ҳокимияти давлатии шаҳри Гулистон баргузор гардид.

Дар кори Шӯро аъзои Шӯро, мураббиёни мактаби варзишӣ, роҳбарони муассисаҳои таълимӣ ва омӯзгорони тарбияи ҷисмонӣ иштирок доштанд. Муовини раиси шаҳр, раиси Шӯро Шарифҷони Саидраҳмон ҳозиринро бо рӯзномаи Шӯро шинос намуд. Дар Шӯро масъалаҳои рафти иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, зимни баргузории мулоқоту вохӯриҳо бо варзишгарон, тасдиқи нақшаи кории Шӯро барои соли 2025 ва масъалаҳои ҷорӣ баррасӣ гардиданд. Аз рӯйи масъалаи якум Аҳлиддин Абдураҳмонов мудири бахши кор бо ҷавонон ва варзиши шаҳр ҳисоботро пешниҳод намуда, иброз дошт, ки боиси ифтихор ва сафарозист, ки маҳз дар натиҷаи таваҷҷӯҳ ва дастгириҳои доимии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон рушд ва оммавияти варзиш дар кишвар барои сокинони маҳал ҷиҳати таҳкими тарзи ҳаёти солим имконпазир гардид. Аз ҷумла дар шаҳри Гулистон низ ба рушди варзиш ва оммавигардонии варзиш таваҷҷуҳи хоса зоҳир гардида истодааст. Қайд гардид, ки варзишгарони шаҳри Гулистон дар 9 моҳаи соли 2025 дар мусобиқаву чемпионатҳои вилоятӣ, ҷумҳуриявӣ ва байналмилалӣ фаъолона иштирок намуда, сазовори ҷойҳои ифтихорӣ гардидаанд. Ҳамзамон, дар баромади мудири бахши ҷавонон ва варзиши шаҳр тамоми камбудиҳо ва мушкилотҳои соҳаи варзиши шаҳр муфассал мавриди таҳлил қарор гирифт.

БАРГУЗОРИИ ВОХУРӢ ДОИР БА ПЕШГИРИИ ОМИЛҲОИ НОМАТЛУБ ВА РИОЯВУ АМАЛӢ НАМУДАНИ ҚОНУНУ СТРАТЕГИЯҲОИ АМАЛКУНАНДА ДАР БАЙНИ СОКИНОН

Тибқи нақшаи муштараки Мақомоти иҷроияи ҳокимияти давлатии шаҳри Гулистон ва бахши кор бо ҷавонон ва варзиши шаҳр оид ба баргузории мулоқоту суҳбатҳо ҷиҳати баланд бардоштани зиракии сиёсии шаҳрвандон, паст намудани сатҳи хурофотпарастӣ дар ҷомеа, татбиқи қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», «Дар бораи масъулият дар таълиму тарбияи кӯдак», «Дар бораи тарбияи ватандӯстии шаҳрвандон» ва «Дар бораи пешгирии зӯроварӣ дар оила», «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», риояи тартиботи ҷамъиятӣ, ҷалби ҷавонон ба хизмати ҳарбӣ ва тозаву озода нигоҳ доштани маҳаллаҳо санаи 24 октябри соли 2025 дар толори МТМУ №8 Ҷамоати шаҳраки Сирдарёи шаҳри Гулистон бо ҷалби сокинон мулоқот доир гардид.

Дар мулоқоти мазкур муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, сардори шуъбачаи кор бо ноболиғон ва ҷавонони ШВКД Ҷумҳурии Тоҷикистон дар шаҳри Гулистон Партобов Сулаймонбек, намояндаи комиссирияти ҳарбии шаҳр Алиев Ҷамшед, намояндаи шуъбаи маориф Ғаниев Фирӯз, намояндаи бахши танзим Раҳматов Шаҳбоз ва раиси Ҷамоати шаҳраки Сирдарё Охунова Мушарафа иштирок ва суханронӣ намуданд.

МАКТАБ БА МАКТАБ: - баргузории мулоқот бо омӯзгорон, хонандагони синфҳои болоӣ

Бо мақсади амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар асоси нақшаи чорабиниҳои Мақомоти иҷроияи ҳокимияти давлатии шаҳри Гулистон 24 октябри соли 2025 дар толори МТМУ №6-и Ҷамоати шаҳраки Зарнисори шаҳри Гулистон бо омӯзгорон ва хонандагони синфҳои болоӣ мулоқот доир гардид.

Дар кори мулоқот мудири бахши кор бо ҷавонон ва варзиши шаҳр - Аҳлиддин Абдураҳмонов, намояндаи мудири шуъбаи маориф - Ғаниев Фирӯз, нозири калони шуъбачаи кор бо ноболиғон ва ҷавонони ШВКД дар шаҳри Гулистон майёр Партобов Сулаймонбек ва раиси ҷамоати мазкур Мавлонов Хуршед ширкат намуданд.

Раҷаб Аҳмадзода бо ҷараёни корҳои сохтмонӣ дар иншооти ҷашнии шаҳри Гулистон шинос гардид

Раиси вилояти Суғд Раҷаб Аҳмадзода дар шаҳри Гулистон бо раванди бунёд ва навсозии як қатор иншооти истеҳсоливу иҷтимоӣ шинос шуд.

Тибқи иттилои масъулин дар шаҳри Гулистон аз ҷониби соҳибкорони ватанӣ сохтмони корхонаи истеҳсоли зарфҳои алюминӣ ва пластикӣ, инчунин коргоҳи истеҳсоли рангҳои сохтмонии ҶДММ “Тиглат” идома дорад. Корхона дорои се сехи истеҳсолӣ мебошад. Дар сехи зарфҳои алюминӣ ва пластикӣ ҳафт намуд маҳсулот, дар сехи истеҳсоли рангҳои сохтмонӣ то 12 намуд ранг ва дар сехи сеюм хокаи ороишиву пардоздиҳӣ истеҳсол карда мешавад.

Дар дохили корхона инчунин анборҳои нигоҳдории маҳсулот ва сехҳои ёрирасон бунёд ёфтаанд. Таҷҳизоти коргоҳ аз Ҷумҳурии мардумии Чин ва Ҷумҳурии Туркия ворид гардида, истеҳсолот мутобиқ ба талабот ва меъёрҳои байналмилалӣ ба роҳ монда мешавад.