ДАСТАРХОНИ ИДОНА БАРОИ КӮДАКОНУ НАВРАСОН

Санаи 1-уми июни соли 2026 ба муносибати таҷлили Рӯзи байналмилалии ҳифзи кӯдакон дар тарабхонаи “Манижа”-и маркази шаҳр бо дастгирии соҳибкорзани маҳаллӣ барои беш аз 180 нафар кӯдакони ятим, нимятим ва аз оилаҳои камбизоат дастархони идона ороста шуд.

Муовини Раиси шаҳри Гулистон Муслимахон Ҷамолиён кӯдакону наврасонро ба муносибати таҷлили Рӯзи байналмилалии ҳифзи кӯдакон табрику таҳният гуфт.

Зикр карда шуд, ки ғамхори нисбати кӯдакони ятиму камбизоат зери таваҷҷуҳи ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

Баргузории даври шаҳрии Озмуни ҷумҳуриявии «Илм – фурӯғи маърифат» дар шаҳри Гулистон

Санаи 30 майи соли 2026 дар толори Кохи Истиқлоли шаҳри Гулистон маросими ифтитоҳи даври шаҳрии Озмуни ҷумҳуриявии «Илм – фурӯғи маърифат» бо иштироки намояндагони Мақомоти иҷроияи ҳокимияти давлатии шаҳр, кормандони соҳаи маориф, ҳайати ҳакамон ва дигар меҳмонони гиромӣ баргузор гардид.

Дар чорабинӣ муовини Раиси шаҳри Гулистон Ҷамолиён Муслимахон, мудири шуъбаи маорифи шаҳр Ҳайдарзода Алишер, раисони ҳайати ҳакамон аз муассисаҳои таҳсилоти олии касбӣ, роҳбарони муассисаҳои таълимӣ ва дигар меҳмонон иштирок намуданд.

ТАҶЛИЛИ РӮЗИ БАЙНАЛМИЛАЛИИ ҲИФЗИ КӮДАКОН

Имрӯз, 1-уми июни соли 2026 дар Муассисаи давлатии Боғи фарҳангӣ-фароғатии “Темурмалик”-и шаҳри Гулистон ба муносибати Рӯзи байналмилалии ҳифзи кӯдакон чорабинии идона баргузор гардид. Дар даромадгоҳи Муассисаи давлатии Боғи фарҳангӣ-фароғатии “Темурмалик” намоиши омода намудаи кӯдакони муассисаҳои таълимии томактабӣ ба намоиш гузошта шуд ва Раиси шаҳри Гулистон Илҳом Пӯлотзода ба кӯдакону наврасон туҳфаҳои хотиравӣ тақдим намуд.

Сипас, Раиси шаҳр Илҳом Пӯлотзода кӯдакону наврасонро ба муносибати Рӯзи байналмилалии ҳифзи кӯдакон таҳният гуфт. Зикр гардид, ки рўзи 1-уми июн дар ҷаҳон ҳамчун Рўзи байналмилалии ҳифзи кўдакон таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем. Ба ин муносибат ин рӯзи некро ҳамчун рӯзи баробариву бародарӣ ва ҳифзи манфиатҳои кӯдакони ҷаҳон, ба кулли сокинони шаҳри Гулистон самимона табрик мегӯям.

Номаи табрикотии Раиси шаҳри Гулистон Илҳом Пӯлотзода ба муносибати Рӯзи байналмилалии ҳифзи кӯдакон

Кӯдакону наврасони хушбахти даврони истиқлол!

Рўзи 1-уми июн дар ҷаҳон ҳамчун Рўзи байналмилалии ҳифзи кўдакон таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем. Ба ин муносибат ин рӯзи некро ҳамчун рӯзи баробариву бародарӣ ва ҳифзи манфиатҳои кӯдакони ҷаҳон, ба кулли сокинони шаҳри Гулистон самимона табрик мегӯям.

Аввалин ва ҳуҷҷати асосии байналмилалии ҳуқуқие, ки дар он ҳуқуқҳои кӯдак дар сатҳи ҳуқуқи байналмилалӣ баррасӣ шудааст ин Конвенсия оид ба ҳуқуқи кӯдак буд, ки аз ҷониби Созмони Милали Муттаҳид 20 ноябри соли 1989 қабул шудааст. Ҷумҳурии Тоҷикистон Конвенсияро 26 ноябри соли 1993 ба тасвиб расонидааст ва ба ҳар як кӯдаке, ки дар қаламрави он қарор дорад, тамоми ҳуқуқҳои дар ин Конвенсия пешбинигардидаро эътироф ва таъмин менамояд. Дар ин давра бо мақсади таъмини манфиатҳои беҳтарини кӯдакон, фароҳам овардани шароити мусоид барои рушди ҳамаҷонибаи онҳо, ҳимояи ҳуқуқ ва озодиҳои кӯдак, ки самти афзалиятноки сиёсати давлат ва бо мақсади таъмини уҳдадориҳои байналмилалӣ мебошад дар ҷумҳурӣ дар ин соха чорахои дахлдор андешида шудаанд. Дар Тоҷикистони маҳбубамон ҳуқуқу озодиҳои кӯдакон риоя гардида, барои рушду камолоти онҳо дар шароити озоду арзанда тамоми имкониятҳо фароҳам оварда шудааст. Дар натиҷаи саъю талошҳо ҳаёти фарзандони кишвар сол аз сол беҳтару рангинтар мегардад.