БАРРАСИИ МУРОҶИАТИ ШАҲРВАНДОН

18-уми апрели соли 2026 дар Мақомоти иҷроияи ҳокимияти давлатии шаҳр қабули навбатии шаҳрвандон аз ҷониби Раиси шаҳр Илҳом Пӯлотзода баргузор гардид.

Зимни қабул шаҳрвандон бо масъалаҳои гуногуни иҷтимоӣ ба шаҳрдор муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

Раиси шаҳр ҳар як муроҷиатро мавриди омӯзиш қарор дода, ба нафарони масъул ҷиҳати баррасии ҳамаҷониба ва андешидани чораҳои мушаххас супоришҳо дод. Таъкид гардид, ки ҳалли саривақтии масъалаҳои шаҳрвандон ва расонидани кумаки амалӣ ба онҳо яке аз самтҳои афзалиятноки фаъолияти мақомоти маҳаллӣ ба шумор меравад.

ИДОМАИ КУРСИ ОМӮЗИШИИ ПАЙРАВОНИ ПЕШВОИ МИЛЛАТ

16.04.2026 дар толори хурди МИҲД-и шаҳр ба шунавандагони курси омӯзии пайравони Пешвои миллат дарси навбатӣ дар мавзуи “Рушди илм ва адабиёт дар солҳои соҳибистиқлоли кишвар” баргузор карда шуд.

Дар дарси мазкур мудири бахши кор бо ҷавонон ва варзиши шаҳр Аҳлиддин Абдураҳмонов ва мудири бахши адабиётшиносии Маркази илмии Камоли Хуҷандӣ Исмоил Саидов иштирок ва суханронӣ намуданд.

Зикр карда шуд, ки Истиқлолият, ба маънои аслӣ, на танҳо истиқлолияти сиёсӣ ва иқтисодӣ аст, балки ҳамчунин истиқлолияти маънавӣ ва илмӣ мебошад. Таърихи Тоҷикистон, ки аз ҳазорон сол пеш оғоз ёфтааст, бо худ орзуи озодӣ, рушди илм ва фарҳангро ҳамроҳ доштааст. Ин орзуҳо бо дастгирии Президенти Ҷумҳурии Тоҷикистон муҳтарам Эмомалӣ Раҳмон, ки аз рӯзҳои аввали истиқлолият нақши калидӣ дар ташаккули ҳокимияти навини Тоҷикистон доштанд, амалӣ шуданд.

ИЛМУ МАЪРИФАТ - САРЧАШМАИ САОДАТИ ИНСОН

Имрӯз, 16.04.2026 дар толори бахши ҳифзи муҳити зисти шаҳри Гулистон Рӯзи ягонаи ахбори сиёсӣ дар мавзуи «Илму маърифат – сарчашмаи саодати инсон» баргузор гардид.

Дар чорабинии мазкур кормандони соҳаҳои гуногуни хоҷагии халқи шаҳр иштирок намуданд. Ҳадафи асосии ҷамъомад баланд бардоштани маърифати сиёсӣ, тарғиби илму дониш ва нақши он дар рушди ҷомеа ба ҳисоб мерафт.

Дар рафти чорабинӣ муовини раиси шаҳр – Ҷамолиён Муслимахон, устоди МДТ "Донишгоҳи давлатии Хуҷанд ба номи академик Бобоҷон Ғафуров – Эркаев Сафар, намояндаи КИ ҲХДТ дар вилояти Суғд – Моҳира Раҳимзода ва собиқадори соҳаи фарҳанг – Раҳимова Хайринисо иштирок ва суханронӣ намуданд.

НАТИҶАҲОИ РУШДИ ИҶТИМОИЮ ИҚТИСОДИИ ШАҲРИ ГУЛИСТОН ДАР СЕМОҲАИ АВВАЛИ СОЛИ 2026 ҶАМЪБАСТ ГАРДИД

Имрӯз, 15 апрели соли 2026 дар толори хурди мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Илҳом Пӯлотзода маҷлиси ҷамъбастӣ оид ба натиҷаҳои рушди иҷтимоиву иқтисодии шаҳр дар семоҳаи аввали соли 2026 баргузор гардид.

Дар кори ҷаласа намояндаи Мақомоти иҷроияи ҳокимияти давлатии вилояти Суғд, муовини Раиси вилояти Суғд Зайнура Азимӣ иштирок намуд.

Инчунин, дар кори маҷлиси ҷамъбастӣ муовини якум, муовинони раиси шаҳр, роҳбарони воҳидҳои сохтории дастгоҳи раис, мақомоти ҳифзи ҳуқуқ, роҳбарони ташкилоту муассисаҳо, корхонаҳои саноатӣ, ва раисони ҷамоати шаҳракҳо иштирок намуданд.