Маросими савгандёдкунии сарбозони қисми ҳарбии 07746, дар доираи Рӯзи Конститутсияи Ҷумҳурии Тоҷикистон

Имрӯз, 06.11.2025 тибқи нақшаи муштараки Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазораи мудофиаи Ҷумҳурии Тоҷикистон, дар назди муҷассамаи ёдбуди шаҳидони Ҷанги Бузурги Ватании солҳои 1941-1945 дар Ҷамоати шаҳраки Чоруқдаррони шаҳри Гулистон ба ифтихори Рӯзи Конститутсияи Ҷумҳурии Тоҷикистон маросими савгандёдкунии наваскарони қисми ҳарбии 07746 бо иштироки падару модарони сарбозон ва наврасону ҷавонони шаҳрак баргузор карда шуд.

Дар маросими савгандёдкунии сарбозон муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, командири қисми ҳарбии 07746 полковник Одиназода Амриддин ва раиси ҷамоати шаҳрак Наргиза Бердиева иштирок ва суханронӣ намуданд.

Маросими савгандёдкунии наваскарон бо пешниҳоди гузориш ва садо додани Суруди миллии Ҷумҳурии Тоҷикистон оғоз гардид.

Таҷлили 31-солагии Рӯзи қабули Конститутсияи Ҷумҳурии Тоҷикистон

Имрӯз 05.11.2025 дар толори Кохи фарҳангии "Истиқлол"-и маркази шаҳр бахшида ба 31-умин солгарди Рӯзи қабули Конститутсияи Ҷумҳурии Тоҷикистон чорабинии тантанавӣ баргузор карда шуд.

Чорабинии идона бо ба толор даровардани Парчами давлатӣ ва садо додани Суруди миллии Ҷумҳурии Тоҷикистон оғоз гардид.

Сардори Раёсати сармоягузории Мақомоти иҷроияи ҳокимияти давлатии вилояти Суғд Шарифҷон Ахмедов номаи табрикотии Раиси вилояти Суғдро манзури иштирокдорон намуд.

Раиси шаҳри Гулистон Илҳом Пӯлотзода зимни ироаи паёми табрикии худ ба ин муносибат зикр намуд, ки таҷрибаи қабули Конститутсия дар кишвари мо баръало нишон медиҳад, ки он ҳамчун ҳуҷҷати бисёр муҳими сиёсӣ ва санади олии ҳуқуқӣ бо Истиқлоли давлатӣ робитаи ногусастанӣ дорад. Қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият буда, ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян кардааст.

Табрикоти Раиси шаҳри Гулистон Илҳом Пӯлотзода ба муносибати Рӯзи Конститутсияи Ҷумҳурии Тоҷикистон

Ҳамшаҳриёни гиромӣ!

Таҷрибаи қабули Конститутсия дар кишвари мо баръало нишон медиҳад, ки он ҳамчун ҳуҷҷати бисёр муҳими сиёсӣ ва санади олии ҳуқуқӣ бо Истиқлоли давлатӣ робитаи ногусастанӣ дорад. Қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият буда, ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян кардааст.

Бузургӣ ва аҳамияти ин санади муҳими таърихӣ, пеш аз ҳама, дар он ифода меёбад, ки он бори нахуст аз ҷониби худи халқ ва барои халқ бо роҳи ифодаи озодонаи майлу иродаи шаҳрвандони мамлакат қабул карда шудааст.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, ки «Конститутсияи Тоҷикистон ҳамчун ҳуҷҷати сарнавиштсози мардуми куҳанбунёду соҳибтамаддуни мо оини давлату давлатдории тоҷиконро, ки дар тӯли таърихи чандинҳазорсолаи халқамон идома ва сайқал ёфтааст, ҳамчунин кӯшишу талошҳои фарзандони хирадманду фарзонаи ин халқро дар роҳи расидан ба соҳибистиқлолӣ ва давлатдории миллӣ ҷомаи амал пӯшонид».

Семинар-машварат оид ба рушди ҳунармандӣ

Санаи 03-юми ноябри соли равон дар бинои Муассисаи давлатии Маркази таҳсилоти иловагии шаҳри Гулистон аз тарафи Вазорати Агентии меҳнат ва шуғли аҳолӣ дар шаҳри Гулистон ва ФМД “Маркази рушди ҳунармандӣ ва малакаҳои касбии муосир”- дар шаҳри Гулистон, дар асоси мактуби Вазорати меҳнат, муҳоҷират ва шуғли аҳолии Ҷумҳурии Тоҷикистон аз 03- уми сентябри соли 2025, №1/14-1240 дар доираи Барномаи касбомӯзии Ҷумҳурии Тоҷикистон ва барномаи рушди ҳунармандӣ барои соли 2021-2025 семинар – машварат баргузор гардид.

Дар семинар намоянда аз Вазорати Агентии меҳнат ва шуғли аҳолии Ҷумҳурии Тоҷикистон Меҳроҷиддин Давлатов ва Пириев Гулмат, муовини Раиси шаҳри Гулистон Ҷамолиён Муслимахон иштирок намуданд.