Ғамхорӣ ба ятимону фарзандони оилаҳои ниёзманд дар арафаи соли нави хониш Дар арафаи соли нави хониш бо мақсади дастгирии қишрҳои ниёзманди ҷомеа, ятимону бепарасторон ва фарзандони оилаҳои камбизоат ҳамасола аз ҷониби Ҳукумати Ҷумҳурии Тоҷикистон тадбирҳ

Дар арафаи соли нави хониш бо мақсади дастгирии қишрҳои ниёзманди ҷомеа, ятимону бепарасторон ва фарзандони оилаҳои камбизоат ҳамасола аз ҷониби Ҳукумати Ҷумҳурии Тоҷикистон тадбирҳои муҳим амалӣ мегарданд.

Дар шаҳри Гулистон Раиси вилояти Суғд Раҷаб Аҳмадзода ба 35 нафар хонандагон аз оилаҳои ниёзманд аз номи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон либоси мактабӣ, пойафзол, ҷузвдон ва дигар лавозимоти зарурии хониш супорид.

Хонандагон бо рӯҳияи болида ба ин ғамхорӣ арҷ гузошта, ба Пешвои миллат муҳтарам Эмомалӣ Раҳмон миннатдорӣ баён намуданд. Онҳо изҳор доштанд, ки дар ҷавоб ба таваҷҷуҳу дастгириҳои давлату Ҳукумати мамлакат бо баҳои хубу аъло таҳсил мекунанд.

Табрикоти Раиси шаҳри Гулистон Илҳом Пӯлотзода ба муносибати Рӯзи кормандони соҳаи тиб

Муҳтарам собиқадорон ва кормандони соҳаи тиб!

Ҳамасола дар кишвари азизамон - Тоҷикистон санаи 18-уми август ҳамчун Рӯзи кормандони соҳаи тиб бо шукӯҳ таҷлил карда мешавад. Вобаста ба ин кулли собиқадорон ва кормандони соҳаро бо иди касбӣ-Рӯзи кормандони соҳаи тиб самимона муборакбод гуфта, ба Шумо фаъолияти садоқатмандона ба халқу ватан ва барои кору тансиҳативу иқболи баланд таманно менамоям.

Соҳаи тандурустӣ яке аз самтҳои аввалиндараҷаи сиёсати иҷтимоии давлати Тоҷикистон ба шумор рафта, дар давоми беш се даҳсолаи охир бомаром рушд карда, то ба имрӯз ба пешравиҳои назаррас ноил гардидааст.

Нақши мақомоти корҳои дохилии Ҷумҳурии Тоҷикистон дар таҳкими суботи сиёсӣ, тартиботи ҷамъиятӣ ва амнияти миллӣ дар даврони Истиқлоли давлатӣ

Истиқлоли давлатии Ҷумҳурии Тоҷикистон яке аз муҳимтарин дастовардҳои таърихии миллати тоҷик ба ҳисоб рафта, барои ташаккули давлатдории муосир, таҳкими ҳокимияти давлатӣ, рушди институтҳои сиёсӣ ва ҳуқуқӣ, таъмини ҳуқуқу озодиҳои инсон ва шаҳрванд ва муайян намудани самтҳои мустақили сиёсати дохиливу хориҷии мамлакат заминаи устувор фароҳам овард.

Дар баробари ин, солҳои аввали истиқлол барои Ҷумҳурии Тоҷикистон давраи ниҳоят мураккаби ташаккули давлатдорӣ ба шумор мерафт. Низоъҳои сиёсӣ, буҳрони иҷтимоию иқтисодӣ, заиф гардидани баъзе сохторҳои давлатӣ ва афзоиши таҳдидҳои дохиливу берунӣ ба суботи ҷомеа таъсири ҷиддӣ расониданд. Дар чунин шароит фаъолияти мақомоти ҳифзи ҳуқуқ, аз ҷумла мақомоти корҳои дохилӣ, аҳамияти махсус касб намуд.

Мумфаршкунии роҳҳои дохилӣ дар шаҳраки Адрасмон

Дар доираи омодагиҳо ба таҷлили 35-солагии Истиқлоли давлатии Ҷумҳурии Тоҷикистон сокинону соҳибкорони ватандӯсти шаҳраки Адрасмон ба корҳои ободонию созандагӣ, аз ҷумла мумфаршкунии роҳҳо таваҷҷуҳи хоса зоҳир намуда истодаанд.

Раиси вилояти Суғд Раҷаб Аҳмадзода зимни сафари корӣ ба шаҳраки Адрасмони шаҳри Гулистон дар маъракаи мумфаршкунии роҳҳои кӯчаҳои марказии шаҳрак иштирок намуда, ба ташаббуси сокинону соҳибкорони маҳаллӣ баҳои баланд дод.

Раиси вилоят таъкид намуд, ки саҳми сокинон дар ободонии маҳал шоистаи таҳсин буда, чунин иқдомҳои созанда бояд минбаъд низ идома дода шаванд. Зеро ободии маҳал ва беҳтар гардидани шароити зиндагӣ аз ҳамдилию ташаббускории худи сокинон низ вобастагии зиёд дорад.