Таҷлили Рӯзи Президенти Ҷумҳурии Тоҷикистон

Имрӯз 16.11.2025 дар толори Кохи фарҳангии “Истиқлол”-и маркази шаҳр ҷамъомати тантанавӣ ба муносибати таҷлили Рӯзи Президенти Ҷумҳурии Тоҷикистон баргузор карда шуд.
Ҷамъомад бо садо додани Суруди миллии Ҷумҳурии Тоҷикистон ифтитоҳ гардид.
Раиси шаҳри Гулистон Илҳом Пӯлотзода ба муносибати таҷлили Рӯзи Президенти Ҷумҳурии Тоҷикистон иштирокчиёнро табрику таҳният гуфт.Намояндаи Мақомоти иҷроияи ҳокимияти давлатии вилояти Суғд Зулфиқор Тоиров табрикоти Раиси вилояти Суғдро ба саъми иштирокдорон расонид.Зикр гардид, ки мансаби президентӣ муқаррароти конститутсионӣ буда, дар Конститутсияи Ҷумҳурии Тоҷикистон тартибу шартҳои ба ин мансаби олии ҳокимияти давлатӣ интихоб шудан ва лаҳзаи ба фаъолият шурӯъ намудани Президент муқаррар гардидааст.
31 сол муқаддам, рӯзи 16-уми ноябри соли 1994 маҳз дар ҳамин рӯзи тақдирсозу муайянкунандаи рушди минбаъдаи бомароми Тоҷикистон марҳилаи нави муҳими давлатӣ, яъне тибқи Конститутсияи давлати соҳибихтиёр дар Ҷумҳурии Тоҷикистон идоракунии президентӣ оғоз ёфта, Президенти тозаинтихобгардида ба иҷрои вазифа шурӯъ намудааст.

Табрикоти Раиси шаҳри Гулистон Илҳом Пӯлотзода ба муносибати Рӯзи Президенти Ҷумҳурии Тоҷикистон

Ҳамшаҳриёни гиромӣ!

Мансаби президентӣ муқаррароти конститутсионӣ буда, дар Конститутсияи Ҷумҳурии Тоҷикистон тартибу шартҳои ба ин мансаби олии ҳокимияти давлатӣ интихоб шудан ва лаҳзаи ба фаъолият шурӯъ намудани Президент муқаррар гардидааст.

16-уми ноябри соли 1994 маҳз дар ҳамин рӯзи тақдирсозу муайянкунандаи рушди минбаъдаи бомароми Тоҷикистон марҳилаи нави муҳими давлатӣ, яъне тибқи Конститутсияи давлати соҳибихтиёр дар Ҷумҳурии Тоҷикистон идоракунии президентӣ оғоз ёфта, Президенти тозаинтихобгардида ба иҷрои вазифа шурӯъ намудааст.

Бо манзури эҳтирому эътирофи фазилати сиёсатмадориву давлатдории навини кишвар, таъмини сулҳу ваҳдату ягонагии мардуми сарзамин ва болоравии обрӯву нуфузу мақоми Тоҷикистони соҳибистиқлоли мо дар арсаи байналмилалӣ, ки ин паёмадҳо дар маҷмӯъ, ба салоҳиятнокиву фаъолияти босамари Президенти Ҷумҳурии Тоҷикистон вобастагӣ дорад, дар қонунгузории кишварамон рӯзи 16 ноябр ҳамчун Рӯзи Президенти Ҷумҳурии Тоҷикистон пазируфта шудааст.

БАРГУЗОРИИ ҲАМОИШИ ТҶҶ “СОЗАНДАГОНИ ВАТАН” ТАҲТИ УНВОНИ “РОҲ БА СӮИ ХУДШИНОСӢ ВА ВАТАНДӮСТӢ” ДАР ШАҲРИ ГУЛИСТОН

Санаи 14-уми ноябри соли 2025 дар толори Кохи фарҳангии Истиқлоли шаҳри Гулистон дар асоси нақшаи кории Дастгоҳи Кумитаи Иҷроияи Марказии Ҳизби Халқии Демократии Тоҷикистон ва нақшаи муштараки Ташкилоти ҷамъиятиии ҷавонон “Созандагони Ватан” ва Кумитаи ҷумҳуриявии иттифоқи касабаи кормандони Ҳизби Халқии Демократии Тоҷикистон дар доираи баргузории фестивали ҷумҳуриявӣ таҳти унвони “Роҳ ба сӯи худшиносӣ ва ватандӯстӣ” бахшида ба Рӯзи Президенти Ҷумҳурии Тоҷикистон ва Иҷлосияи 16-уми Шӯрои Олии Ҷумҳурии Тоҷикистон ҳамоиш бо иштироки роҳбарони намояндагии ТҶҶ “Созандагони Ватан” дар шаҳру ноҳияҳои кишвар, аъзои фаъоли ТҶҶ “Созандагони Ватан” дар шаҳри Гулистон баргузор карда шуд.

Дар кори ҳамоиши мазкур муовини Раиси Ҳизби Халқии Демократии Тоҷикистон Мирзоқосим Каримзода, Раиси шаҳри Гулистон Илҳом Пӯлотзода, Раиси КИ ҲХДТ дар вилояти Суғд Ҷаҳонгир Салимзода, Раиси ТҶҶ “Созандагони Ватан” Оятулло Аҳмадзода, Раиси кумитаи ҷумҳуриявии иттифоқи касабаи кормандони Ҳизби Халқии Демократии Тоҷикистон Холмирзоев Муҳиддин иштирок ва суханронӣ намуданд.

РОҲ БА СӮИ ХУДШИНОСӢ ВА ВАТАНДӮСТӢ

Санаи 14.11.2025 дар шаҳри Гулистон дар доираи баргузории фестивали ҷумҳуриявии “Роҳ ба сӯи худшиносӣ ва ватандӯстӣ” бахшида ба Рӯзи Президенти Ҷумҳурии Тоҷикистон ва Иҷлосияи 16-уми Шӯрои Олии Ҷумҳурии Тоҷикистон дар шаҳри Гулистон роҳпаймоӣ баргузор карда шуд.

Дар роҳпаймоии мазкур муовини Раиси Ҳизби Халқии Демократии Тоҷикистон Мирзоқосим Каримзода, Раиси КИ ҲХДТ дар вилояти Суғд Ҷаҳонгир Салимзода, Раиси шаҳри Гулистон Илҳом Пӯлотзода, Раиси ТҶҶ “Созандагони Ватан” Оятулло Аҳмадзода, Раиси КИ ҲХДТ дар шаҳри Гулситон Бахтиёр Каримов, муовинони Раиси шаҳр, роҳбарони намояндагии ТҶҶ “Созандагони Ватан” дар шаҳру ноҳияҳои кишвар, аъзои фаъоли ТҶҶ “Созандагони Ватан” дар шаҳри Гулистон иштирок намуданд.

Роҳпаймочиён аз назди бинои КИ Ҳизби Халқии Демократии Тоҷикистон дар шаҳри Гулистон то назди майдони Парчами давлатии Ҷумҳурии Тоҷикистон дар шаҳр роҳпаймоӣ намуданд.