ИСТИҚЛОЛ ВА ВАҲДАТИ МИЛЛӢ - ПОЙДЕВОРИ ДАВЛАТИ МУТАМАДДИН

Имрӯз, 03.09.2025 дар Ҷамоати шаҳраки Чоруқдаррони шаҳри Гулистон дар доираи нақшаи кории бахши кор бо ҷавонон ва варзиши Мақомоти иҷроияи ҳокимияти давлати шаҳри Гулистон Конференсияи илмӣ-амалӣ бахшида ба 34-солагии Истиқлоли давлатии Ҷумҳурии Тоҷикистон таҳти унвони “Истиқлол ва Ваҳдати миллӣ-пойдевори давлати мутамаддин” бо иштироки ҷавонон, собиқадорон ва кормандони ташкилоту муассисаҳои ҳудуди шаҳраки Чоруқдаррон баргузор гардид.

Нахуст мудири бахши кор бо ҷавонон ва варзиши шаҳр Аҳлиддин Абдураҳмонов кори Конференсияро оғоз намуд.

Дар Конференсия муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов ва мудири бахши ҷавонони КИ ҲХДТ дар шаҳри Гулистон Фаридуншоҳ Абдуллоев суханронӣ намуданд.

ИСТИҚЛОЛИЯТ – ОРМОНИ ТАЪРИХИИ МИЛЛАТ

1-уми сентябри соли 2025 тибқи нақшаи кории бахши кор бо ҷавонон ва варзиши шаҳр дар қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти Суғд бахшида ба 34-умин солгарди Истиқлоли давлатии Ҷумҳурии Тоҷикистон конференсияи илмӣ - амалӣ таҳти унвони "Истиқлолият-ормони таърихии миллат"бо иштироки сарбозони қисми ҳарбии мазкур баргузор гардид. Дар чорабинии мазкур муовини Раиси шаҳр Шарифҷони Саидраҳмон, Аҳлиддин Абдураҳмонов мудири бахши кор бо ҷавонон ва варзиши шаҳр ва Абуалӣ Абдуворисзода муовини командири қисми ҳарбӣ иштирок ва суханронӣ намуданд.

Зикр карда шуд, ки дар ин давраи ҳассосӣ ҳаёти ҷамъиятӣ мо бояд зиракии сиёсиро аз даст надода, шукрона кунем, ки ормонҳои ҳазорсолаи давлатсозиву давлатдории ниёгони озодихоҳамон бо талошу пайкор ва бурду бохтҳои бешумор оқибат ҷомаи амал пӯшиданд ва мову шумо имрӯз соҳиби давлати мустақили миллии хеш ҳастем. Мо бори дигар итминон пайдо менамоем, ки он ҳама талошу муборизаҳои гузаштагонамон ба хотири озодиву Истиқлолият чун мероси аҷдодӣ аз насл ба насл интиқол ёфта, боиси умри ҷовид пайдо намудани суннатҳои пурқиммати таърихиву фарҳангӣ ва забону адаби ғановатманди мо гардиданд. Мову шумо аз фарози қарни XXI бояд ҳеҷ гоҳ фаромӯш насозем, ки озодӣ ва Истиқлолият муқаддастарин ва волотарин дастоварди миллат буда, саҳифаҳои пурифтихори озодихоҳиву ватанпарварии мардуми мо бо хуни ҳазорон далерону родмардони сарсупурда навишта шудаанд.

ИСТИФОДАИ ОҚИЛОНАИ ЗАМИН - ИДОМАИ СУҲБАТУ ВОХӮРИҲО БО УСУЛИ "ХОНА БА ХОНА"

Тибқи нақшаи муштараки сохторҳои дахлдори шаҳри Гулистон бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гурӯҳи кории таблиғотии шаҳр дар Ҷамоати шаҳраки Чоруқдаррон бо усули "Хона ба хона" аз заминҳои наздиҳавлигии як қатор сокинон дидан карда, бо онҳо суҳбат намуданд.

Ҳайати гурӯҳи корӣ - мудири бахши кор бо занон ва оилаи МИҲД-и шаҳр Матлуба Сатторова, сардори шуъбаи Агентии меҳнат ва шуғли аҳолӣ дар шаҳр Бахтовар Ҷӯразода, директори ФМД “Маркази рушди ҳунармандӣ ва малакаҳои касбии муосир” Муҳайё Муҳаммадалиева ва раиси ҷамоати шаҳрак Наргиза Бердиева зимни суҳбат бо сокинон доир ба исфтифодаи дурусту самараноки заминҳои наздиҳавлигӣ таъкид намуда, изҳор доштанд, ки яке аз воситаҳои муҳими таъмини зиндагии шоистаи ҳар сокини мамлакат истифодаи оқилонаи замин буда, инчунин заминаи хуби захирасозии маҳсулоти ғизоӣ барои фасли зимистон мебошад.

ҶАҲОНРО БА ДОНИШ ТАВОН ЁФТАН!

Субҳи имрӯз, 1-уми сентябри соли 2025 Раиси шаҳри Гулистон Илҳом Пӯлотзода, намояндаи Мақомоти иҷроияи ҳокимияти давлатии вилояти Суғд, сардори Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд Алимат Мавлонзода ва муовини роҳбари гурӯҳи кории ҷумҳуриявӣ бахшида ба Ҷашни 35-солагии Истиқлоли давлатӣ, сардори Раёсати Агентии таъминоти амволи махсуси назди Ҳукумати Ҷумҳурии Тоҷикистон дар вилояти Суғд Иззатулло Убайдзода дар маросими баргузории Рӯзи дониш ва Дарси сулҳ дар МТМУ №8-и шаҳраки Сирдарёи шаҳри Гулистон иштирок ва суханронӣ намуданд.

Раиси шаҳри Гулистон Илҳом Пӯлотзода хонандагону омӯзгоронро таҳният гуфта, иброз дошт, ки давлати соҳибистиқлоли мо дар партави сиёсати маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ба инкишофи илму маърифат, такомули раванди таълиму тарбия ва баланд бардоштани сатҳи маънавиёти ҷавонон ғамхорӣ зоҳир менамояд.