Баргузории машварати кории Раиси шаҳр Илҳом Пӯлотзода

Дар толори мақомоти иҷроияи ҳокимияти давлатии шаҳри Гулистон таҳти роҳбарии Раиси шаҳр Илҳом Пӯлотзода ҷаласаи назоративу дастурдиҳӣ баргузор гардид. Дар кори ҷаласа муовини якум, муовинон, роҳбари дастгоҳ, раисони ҷамоатҳо, роҳбарони воҳидҳои сохторӣ, мудирони шуъбаву бахшҳо, раисони маҳаллаҳо ва дигар шахсони масъул иштирок намуданд.

Дар машварати кории имрӯза масъалаҳои муҳими рӯз аз қабили ташкили корҳои ободониву созандагӣ, мумфаршкунии роҳҳо, обтаъминкунӣ, беҳтар намудани шароити зиндагии аҳолӣ , иҷрои саривақтии барномаҳои давлатӣ ва нақшаҳои корӣ баррасӣ карда шуд.

ҲАМОИШ ДОИР БА ҚАБУЛИ ҚАТЪНОМА АЗ ҶОНИБИ МАҶМАИ УМУМИИ СОЗМОНИ МИЛАЛИ МУТТАҲИД ДАР БОРАИ "ДАҲСОЛАИ БАЙНАЛМИЛАЛӢ ОИД БА ТАҲКИМИ СУЛҲ БА ХОТИРИ НАСЛҲОИ ОЯНДА, СОЛҲОИ 2027-2036"

Бегоҳии рӯзи 26 июни соли 2026 дар майдони Парчами давлатии Ҷумҳурии Тоҷикистон дар шаҳри Гулистон доир ба қабули қатъномаи махсус аз ҷониби Маҷмаи Умумии Созмони Милали Муттаҳид аз рӯи пешниҳоди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зери унвони "Даҳсолаи байналмилалии таҳкими сулҳ ба хотири наслҳои оянда" ҳамоиш доир гардид.

Дар ҳамоиши мазкур Раиси шаҳри Гулистон Илҳом Пӯлотзода ва раиси Шурои собиқадорони ҷанг ва меҳнати шаҳри Гулистон Каромат Қосимова иштирок ва суханронӣ намуданд.

Раиси шаҳри Гулистон Илҳом Пӯлотзода кулли сокинони шаҳрро бо ин рӯйдоди фараҳбахш шодбош намуд.

Зикр карда шуд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар паёми табрикотии худ ба ин муносибат таъкид намуданд, ки: “Имрӯз барои Ҷумҳурии Тоҷикистон ва мардуми сулҳпарвари ҷаҳон рӯзи таърихӣ ва хотирмон мебошад.

Конференсияи илмӣ-назариявӣ таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» - иқдоми наҷиби сулҳофарини Пешвои миллат муҳтарам Эмомалӣ Раҳмон

Имрӯз, 26-уми июни соли 2026 дар толори КИ ҲХДТ дар шаҳри Гулистон бахшида ба қабули қатъномаи Маҷмаи Умумии Созмони Милали Муттаҳид таҳти унвони "Даҳсолаи байналмилалии таҳкими сулҳ ба хотири наслҳои оянда" аз рӯи пешниҳоди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Конференсияи илмӣ-назариявӣ таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» - иқдоми наҷиби сулҳофарини Пешвои миллат муҳтарам Эмомалӣ Раҳмон” бо иштироки фаъолони ҳизб доир карда шуд.
Дар кори Конференсия Раиси шаҳри Гулистон Илҳом Пӯлотзода, сардори шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд Комрон Қаҳҳоров ва Раиси КИ ҲХДТ дар шаҳри Гулистон Бахтиёр Каримов иштирок ва суханронӣ намуданд.

ТАҶЛИЛИ РӮЗИ ВАҲДАТИ МИЛЛӢ

Имрӯз, 26.06.2026 дар толори Кохи фарҳангии "Истиқлол"-и маркази шаҳр чорабинии тантанавии идона ба муносибати 29-умин солгарди Рӯзи Ваҳдати миллӣ баргузор гардид.Чорабинӣ бо садо додани Суруди миллӣ оғоз шуд.

Мудири шуъбаи кадрҳо ва корҳои махсуси дастгоҳи Раиси вилояти Суғд Ғолибҷон Шарифзода номаи табрикотии Раиси вилояти Суғдро ба самъи иштирокдорон расонид.Раиси шаҳри Гулистон Илҳом Пӯлотзода ҳозиринро муборакбод гуфта, таъкид дошт, ки рӯзи 27-уми июни соли 1997 дар шаҳри Москва Созишномаи умумии истиқрори сулҳ ва ризоияти миллӣ имзо гардид. Бо имзо намудани ин ҳуҷҷат дар назди аҳли башар бори дигар таҳаммулпазирӣ ва иродаи сулҳҷӯёнаву бунёдкоронаи халқи тоҷик собит гардид.Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон - поягузор ва меъмори Ваҳдати миллӣ дар бораи машаққати ба даст овардани сулҳ таъкид намудаанд, “Бо дарназардошти он ки Ваҳдати миллӣ барои тамоми мардуми Тоҷикистон арзиши бисёр муқаддасу азиз ба ҳисоб рафта, асоси хушбахтӣ ва саодати халқамон мебошад, вазифаи ҳар шахси бедордилу огоҳ, худшиносу ватандӯст аз он иборат аст, ки Ваҳдати миллиро чун омили муҳимтарини бақои давлату рушди ҷомеаи Тоҷикистон ҳифзу ҳимоят намояд ва онро чун дастоварди бузурги миллӣ пос дорад”.