Ташрифи рӯзноманигорон ба шаҳри Гулистон

Санаи 15 июли соли 2026 дар доираи иқдоми “Корвони журналистон”, ки бо ташаббуси бахши суғдии Иттифоқи журналистони Тоҷикистон ва дастгирии Мақомоти иҷроияи ҳокимияти давлатии вилояти Суғд роҳандозӣ гардидааст, ҳайати журналистони вилоятӣ ба шаҳри Гулистон ташриф оварданд.
Маросими истиқболи меҳмонон дар Боғи фарҳангӣ-фароғатии “Темурмалик” бо иштироки Раиси шаҳри Гулистон Илҳом Пӯлотзода дар фазои тантанавӣ бо эҳтироми хоса баргузор гардид.
Меҳмонон зимни сафар аз мавзеъҳои таърихиву фарҳангӣ, иншооти иҷтимоӣ, истеҳсолӣ, ва сайёҳии шаҳр, аз ҷумла корҳои ободониву созандагӣ бахшида ба ҷашни 35-солагии Истиқлоли давлатии Ҷумҳурии Тоҷикистон дидан намуданд.

Раиси шаҳри Гулистон аз рафти корҳои омодагӣ ба ҷашни 35 солагии Истиқлоли давлатии Ҷумҳурии Тоҷикистон дидан намуд.

Бо мақсади шиносоӣ аз ҷараёни корҳои созандагию ободонӣ ва омодагӣ ба истиқболи 35-солагии Истиқлоли давлатии Ҷумҳурии Тоҷикистон, Раиси шаҳри Гулистон аз як қатор иншоотҳои ҷашнӣ ва сохтмонҳои муҳими шаҳр аз қабили  ҶДММ "Шамс тиҷорат ",  ҶДММ "Паррандаи заррин" , Сехи истеҳсоли коркарди коғаз соҳибкор Нуруллоев Сайфулло,  маркази хизматрасонӣ ва меҳмонхонаи Рофиев Дилшод ва  тарабхонаи Турсуной Зокирова  боздид ба амал овард.
Зимни боздид Раиси шаҳр аз рафти корҳои сохтмонӣ, сифати иҷрои корҳои ободонӣ ва сатҳи омодагии иншоотҳо шинос шуда, бо масъулини соҳа ва роҳбарони иншоотҳо суҳбат анҷом дод. Ба масъулин ҷиҳати дар муҳлатҳои муқарраргардида ва бо риояи меъёрҳои сохтмонӣ ба анҷом расонидани корҳо, баланд бардоштани сифати иҷрои корҳои бунёдкорӣ ва таъмини омодагии ҳамаҷонибаи иншоотҳо дастуру супоришҳои мушаххас дода шуданд.

МАҶЛИСИ КУМИТАИ ИҶРОИЯИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ШАҲРИ ГУЛИСТОН БАРГУЗОР ГАРДИД

Дар толори Кумитаи иҷроияи Ҳизби Халқии Демократии Тоҷикистон дар шаҳри Гулистон санаи 8 июли соли 2026 маҷлиси ҷамъбасти нимсолаи аввали соли 2026 доир гардид, ки дар он нишондиҳандаҳои фаъолияти сиёсию ташкилии кумитаи иҷроияи шаҳрии ҳизб ва вазифаҳо барои давраи минбаъда мавриди таҳлили ва баррасӣ қарор гирифтанд.

Дар кори маҷлис муовини раиси шаҳри Гулистон Муслимахон Ҷамолиён, мудири шуъбаи занони КИ ҲХДТ дар вилояти Суғд, Азиза Мирзохоҷаева, раиси КИ ҲХДТ дар шаҳри Гулистон Бахтиёр Каримов, раисони ташкилотҳои ибтидоии ҳизбӣ, аъзои кумиҷроияи шаҳрӣ, собиқадорони соҳа ва намояндагони ТҶҶ «Созандагони Ватан» иштирок ва суханронӣ намуданд.

Вазъи иҷтимоӣ ва иқтисодии шаҳри Гулистон дар нимсолаи якуми соли 2026

Санаи 8- уми июл дар толори мақомоти иҷроияи ҳокимияти давлатии шаҳр Маҷлиси фаъолон оид ба ҷамъбасти натиҷаҳои рушди иҷтимоию иқтисодии шаҳри Гулистон дар шашмоҳаи якуми соли 2026 доир гардид. Дар кори ҷаласа директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва муовини Раиси вилояти Суғд Зайнура Азимӣ иштирок ва суханронӣ намуданд.

Дар ҷараёни маҷлис муовини аввали Раиси шаҳри Гулистон оид ба соҳаҳои иқтисодӣ Даврон Муҳаммадзода ҳисоботи натиҷаҳои рушди иҷтимоию иқтисодии шаҳрро дар шаш моҳи аввали соли 2026 ба саҳми ҳозирин расонид. Натиҷаҳо мавриди таҳлил қарор дода шуда, зимни суханронӣ зикр гардид, ки дар ин давра ҷиҳати иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Ҳукумати Ҷумҳурии Тоҷикистон тадбирҳои мушаххас амалӣ гардида, дар аксари самтҳои хоҷагии халқ нишондиҳандаҳои мусбат ба даст омада истодаанд.