Раиси вилоят Раҷаб Аҳмадзода бо корҳои созандагӣ дар шаҳраки Адрасмон шинос шуд

19 январ Раиси вилояти Суғд Раҷаб Аҳмадзода дар Ҷамоати шаҳраки Адрасмони шаҳри Гулистон бо рафти корҳои ободониву созандагӣ шинос гардид.

Дар ҷамоат беш аз 16 ҳазору 700 нафар аҳолӣ зиндагӣ доранд ва сокинон дар ҳамбастагӣ бо Мақомоти иҷроияи ҳокимияти давлатии вилояти Суғд вашаҳри Гулистон дар корҳои ободониву созандагӣ фаъолона саҳм мегузоранд.

Бо ҳашари дастаҷамъона ва маблағгузории сокинони деҳаи Зарчашмаи ҷамоат бинои бунгоҳи тиббӣ навсозӣ ва таъмир шуда истодааст. Бинои мазкур қаблан якошёна буда, дорои се ҳуҷраи корӣ буд. Айни замон сокинон қабати дуюмро бо панҷ ҳуҷраи иловагӣ бунёд намудаанд, ки ин ба баланд бардоштани сатҳи хизматрасонии тиббӣ ва расонидани кӯмаки аввалияи саривақтӣ мусоидат хоҳад кард.

Дар «Комбинати маъдантозакунии Адрасмон» 500 нафар бо ҷойи кор таъмин мешаванд

Раиси вилояти Суғд Раҷаб Аҳмадзода дар Ҷамоати шаҳраки Адрасмони шаҳри Гулистон бо ҷараёни корҳои созандагӣ дар ҶСК «Комбинати маъдантозакунии Адрасмон» шинос гардид.

Зикр гардид, ки корхонаи муҳими саноатӣ аз соли 2013 инҷониб фаъолият надошт. Дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади саҳмгузорӣ дар татбиқи саноатикунонии босуръати кишвар "Комбинати маъдантозакунии Адрасмон" аз нав ба фаъолият оғоз менамояд.

Зимни муаррифии лоиҳаҳо таъкид шуд, ки таҷҳизоти муосир аз Ҷумҳурии мардумии Чин, ки аз беҳтаринҳо дар соҳа маҳсуб меёбанд, ворид карда шудаанд. Дар марҳилаи кунунӣ барои сохтмони ин иншооти саноатӣ 369 нафар ба кор ҷалб гардидаанд ва мутахассисони ватаниву хориҷӣ корҳои асосии сохтмониро анҷом медиҳанд.

ҲИФЗИ АРЗИШҲОИ МИЛЛӢ—СУЛҲУ СУБОТИ КИШВАР, МУҲИМТАРИН ВАЗИФАИ ҶАВОНОН

Санаи 19.01.2026 дар қисми ҳарбии 0216-и дидбонгоҳи сарҳадии КДАМ Ҷумҳурии Тоҷикистон дар деҳаи Зарчашмаи Ҷамоати шаҳраки Адрасмони шаҳри Гулистон тибқи нақшаи муштараки Раёсати кор бо ҷавонон ва варзиши вилояти Суғд ва Мақомоти иҷроияи ҳокимияти давлатии шаҳри Гулистон шаҳр хониши сиёсӣ таҳти унвони “Ҳифзи арзишҳои миллӣ-сулҳу суботи кишвар, муҳимтарин вазифаи ҷавонон” баҳри баланд бардоштани ҳувияти миллӣ, хештаншиносӣ, ватандӯстӣ ва меҳанпарастии ҷавонон бо сарбозони дидбонгоҳи мазкур хониши сиёсӣ баргузор гардид.

Дар кори хониши сиёсӣ Сардори Раёсати кор бо ҷавонон ва варзиши вилояти Суғд Исматзода Бахтёр, муовини Раиси шаҳри Гулистон Шарифҷони Саидраҳмон, комисирияти ҳарбии шаҳри Гулистон Раҳмонзода Фитрат ва мудири бахши кор бо ҷавонон ва варзиши шаҳр Аҳлиддин Абдураҳмонов иштирок ва суханронӣ намуданд.

ПАЁМ-ОМИЛИ МУҲИМИ ТАРБИЯИ ВАТАНДӮСТӢ ВА ХУДШИНОСИВУ ХУДОГОҲИИ МИЛЛИИ ҶАВОНОН!

Имрӯз, 19.01.2026 дар асоси нақшаи муштараки Раёсати кор бо ҷавонон ва варзиши вилояти Суғд ва Мақомоти иҷроияи ҳокимияти давлатии шаҳри Гулистон, дар доираи вохуриҳо доир ба шарҳу тавзеҳи Паёми навбатии Пешвои муаззами миллат муҳтарам Эмомалӣ Раҳмон ҳамоиши илмӣ-амалӣ таҳти унвони "Паём-омили муҳими тарбияи Ватандӯстӣ ва худшиносиву худогоҳии миллии ҷавонон" бо иштироки ҷавонони Ҷамоати шаҳраки Адрасмони шаҳри Гулистон ташкил ва баргузор карда шуд.

Дар кори ҳамоиш Сардори Раёсати кор бо ҷавонон ва варзиши вилояти Суғд Исматзода Бахтёр, муовини Раиси шаҳри Гулистон Шарифҷони Саидраҳмон ва Аҳлиддин Абдураҳмонов мудири бахши кор бо ҷавонон ва варзиши шаҳри Гулистон иштирок ва суханрони намуданд.

Таъкид карда шуд, ки Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 16.12.2025, ба Маҷлиси Олии кишвар доир ба тамоми самтҳои рушди иқтисодиву иҷтимоӣ, сиёсати дохилӣ ва хориҷии кишвавр ироа гардид, дар воқеъ чун санади раҳнамои миллӣ барои сокинон бахусус ҷавонони кишвар хидмат мекунад.