Табрикоти Раиси шаҳри Гулистон Матлубахон Амонзода ба ифтихори 15-уми сентябр - Рӯзи шаҳр

Ҳамшаҳриёни гиромӣ!

Дар ин рӯзҳои фараҳбахши фасли заррин, ки бо қадами мубораки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон қаламрави вилояти шуҳратманди мо файзбортар гардидааст ва тантанаҳои идонаи ҷашни ҳумоюни 25-умин солгарди Истиқлолияти давлатӣ шукӯҳу ҷалоли хоса пайдо намуда, ба мардуми шарифи шаҳри Гулистон рӯҳияи баланди ватандорӣ, хештаншиносӣ ва тафохури миллиро эҳдо кардааст, таҷлили нахустини Рӯзи шаҳри Гулистон дар ин раванд идомаи мантиқии ин ҳама шаҳомати бузургии даврони Истиқлолият мебошад.

Ба ҳамагон маълум аст, ки ҳар як шаҳр таҷлили Рӯзи худро дорад. Вобаста ба ин, бо қарори Маҷлиси вакилони халқи шаҳр аз 27 апрели соли 2016, № 73 “Дар бораи эълон намудани Рӯзи шаҳри Гулистон” ҳамасола рӯзи 15 сентябр – Рӯзи шаҳри Гулистон эълон карда шудааст.

Пирўзии китобдор

Ба ифтихори 25-умин солгарди Истиқлолияти давлатӣ ва “Рўзи китоб” бо ташаббуси Китобхонаи давлатии патентию техникии “Муассисаи давлатии Маркази миллии патенту иттилоот”-и Вазорати рушду иқтисод ва савдои Ҷумҳурии Тоҷикистон аз 25-уми июн то 20-уми август озмуни умумиҷумҳуриявии “Китобдор, китобхона ва китобхонаи шахсии сол дар Ҷумҳурии Тоҷикистон барои соли 2016” гузаронида шуд.

Дар арафаи ҷашн озмун ҷамъбаст ва ғолибон муайян гардиданд.

Идомаи ободкориҳо

Дар рўзҳои таҷлили ҷашни фархундаи Истиқлолияти давлатӣ корҳои ободкориву созандагӣ дар шаҳри Гулистон боз ҳам вусъати тоза гирифт.

Ба масофаи 1 километру 300 метр роҳи мошингарди кўчаҳои ба номи Мирзо Турсунзода, Абдураҳмони Ҷомӣ ва Дўстии халқҳо мумфарш карда шуд. Корҳои мумфаршкуниро ҶДММ “Манзил-2014” амалӣ менамояд.

Тантана дар шаҳракҳо

Зарнисор. 8 сентябр дар шаҳраки Зарнисор бахшида ба 25-умин солгарди Истиқлолияти давлатии Ҷумҳурии Тоҷикистон дар боғи фарҳангу фароғатии “Истиқлол” чорабинии идона доир гардид.

Дар он кулли бошандагони шаҳрак иштирок намуданд. Дар оғоз сардори шуъбаи Агентии меҳнат ва шуғли аҳолӣ Ғолибҷон Юлдошев муборакбодии Раиси шаҳри Гулистон Матлубахон Амонзодаро ба самъи ҳозирин расонид. Таъкид гардид, ки Истиқлолият неъмати бебаҳо буда, тавассути он миллати тоҷик дар арсаи байналмилалӣ муаррифӣ шуд. Ҳамзамон, пас аз ба даст овардани Истиқлолияти давлатии Ҷумҳурии Тоҷикистон ба ҳайси узви комилҳуқуқи ҷомеаи ҷаҳонӣ эътироф гардид.