Дар толори шуъбаи маориф Пленуми V Шӯрои собиқадорони ҷангу меҳнат доир гардид. Ҳашт масоили тарҳрезӣ гардида мавриди ҳаллу фасл қарор гирифт. Оид ба такмили фаъолияти Шӯро, беҳтар намудани тадбирҳои кӯмак ба ашхоси ниёзманд, иштироки муташаккилона дар чорабиниҳои сиёсию фарҳангии шаҳр, роҳандозии нақшаҳои мушаххас дар тарбияи насли ҷавон, тасдиқи нақшаи Шӯро барои соли 2016 ва амсоли инҳо аз зумраи масъалаҳои муҳокима гардида буданд.
Раиси Шӯрои собиқадорони ҷангу меҳнат Муҳаммадҷон Файзуллоев зимни баромади хеш кулли собиқадорони шаҳрро даъват намуд, ки дар самти татбиқи сиёсати оқилонаи Сарвари давлат Эмомалӣ Раҳмон, ки фарогири тинҷиву амонӣ, сулҳу осоиштагӣ ва зиндагии шоистаи халқ мебошад, корҳои фаҳмондадиҳиро боз ҳам вусъат бахшанд.
Дар пойтахти кишвар – шаҳри Душанбе Пленуми VI Кумитаи марказии «Тоҷикметалл» ва ҷаласаи кумиҷроияи иттифоқи касабаи «Союзметалл» баргузор гашт. 50 – солагии таъсисёбии Кумитаи иттифоқи касабаи КВД «Ширкати алюминийи тоҷик» низ таҷлил карда шуд.
Карате-до
Бо мақсади идома бахшидан ба аксияи «Мо ҳомиёни Ватанем» 13 ноябри соли 2015 аз ҷониби КИ ҲХДТ дар шаҳри Қайроққум аёдати волидайни 3 нафар сарбозони дар хизмати Ватан буда аз Ҷамоати шаҳраки Чоруқдаррон ба ифтихори Рӯзи Парчами давлатӣ ба роҳ монда шуд.
Бо ибтикори шуъбаи маорифи шаҳр дар МТМУ-и №1 бо иштироки ҷонишинони директор оид ба корҳои тарбиявӣ семинар доир гардид. Ҷонишини директори МТМУ-и №1 Муҳаббат Кӯзиева, мушовири шуъбаи маориф оид ба корҳои тарбиявӣ Фазилат Фаридунова, мудири кабинети методии шуъбаи маориф Зебо Шокирова дар мавзӯҳои «Ҳуҷҷатнигорӣ», «Муносибати роҳбари синф ва омӯзгорон бо хонандагон» ва «Омӯзгор ҳам педагог ва ҳам психолог» суханронӣ намуданд.
