Ташрифи Раиси шаҳр ба фабрикаи заршӯӣ

Фабрикаи заршӯии ҶМ ТКММ «Апрелевка»  бо ваҷҳи фарсудагии таҷҳизот ва хатти технологӣ то соли 2001 аз фаъолият бозмонда буд. Баъди таҷдиду ворид кардани хатҳои замонавии коркарди маъдан корхона боз ба кор сар карда, дар он коркарди маъдани тиллою нуқрадор роҳандозӣ шуда буд.

Айни замон дар ин ҷо 153 нафар бо ҷойи кори доимӣ таъминанд, ки аз инҳо 22 нафарашонро бонувони маҳалӣ ташкил медиҳанд. 23-юми октябри соли равон баъди ифтитоҳи тӯйхонаи «Ҳидоят» Раиси шаҳри Қайроққум Матлубахон Амонзода ва ҳамроҳонаш ба фабрикаи заршӯӣ ташриф оварданд. Пас аз шиносоӣ бо фаъолияти фабрика ба васлкунии хатти асосии технологии дуюм Раиси шаҳр бо пахши тугмаи корӣ ба фаъолияти он оғози расмӣ бахшид.

Сафари корӣ

23-юми октябр Раиси шаҳри Қайроққум Матлубахон Амонзода ҷиҳати шиносоӣ бо фаъолияти фабрикаи заршӯӣ ва иштироки бевосита дар ифтитоҳи тӯйхонаи «Ҳидоят» ба шаҳраки Консой сафари корӣ анҷом дод.

Хамчунин Раиси шаҳрро дар ҷараёни сафар муовини вазири саноат ва технологияҳои нави ҶТ Сайдулло Гардуллозода, муовини Раиси вилояти Суғд Заробиддин Файзуллозода ва мудирони шуъбаю бахшҳои Мақомоти иҷроияи ҳокимияти давлатии шаҳр ҳамроҳӣ карданд.

Қайроққум: нақшаи даъвати тирамоҳӣ иҷро

Аз номи сардори ситоди генералии Қувваҳои Мусаллаҳ, муовини якуми вазири мудофиаи ҶТ, генерал-майор З.Шарифзода ба унвонии Раиси шаҳри Қайроққум Матлубахон Амонзода номаи сипос расид. Барои пеш аз муҳлат иҷро намудани Фармони Президенти Ҷумҳурии Тоҷикистон, ки 14 сентябри соли 2015, №567 ба тасвиб расида буд миннатдории бепоён дар сипоснома баён доштааст.

Нақшаи даъвати ҷавонон ба сафи Қувваҳои Мусаллаҳи Ҷумҳурии Тоҷикистон 19 октябри соли ҷорӣ 100 дарсад иҷро гардида бошад ҳам, то кунун гусели ихтиёриён бо низоми муайян идома дорад. Бино бар шарҳи комиссари ҳарбӣ Бомурод Холмуродов маъракаи даъват дар маркази шаҳр ва Ҷамоати шаҳракҳои Консой, Зарнисор, Сирдарё нисбатан хуб ба роҳ монда шуд ва саҳми онон дар иҷрои нақша назаррас аст.

Муҳимтарин шарти зиндагии шоиста

Тибқи дастуру супоришҳои Раиси шаҳри Қайроққум Матлубахон Амонзода, дар ҷаласаи фаъолон оид ба ҷамъбасти соҳоти хоҷагии халқ дар нӯҳ моҳи соли равон ва вазифаҳо барои семоҳаи баъдӣ шуъбаю бахшҳо дар ҳамкорӣ бо мақомотҳои ҳифзи ҳуқуқ вохӯриҳои муштарак дар ҷомеаҳои меҳнатӣ доир намуда истодаанд.

Шиддатёбии бархӯрди манфиатҳои геополитикии қудратҳои ҷаҳонӣ, тамоюли дубора ба қутбҳои сиёсиву низомӣ ҷудо намудани олам, паҳншавии тафаккури харобиоварӣ ифротгароӣ, қувватгирии фаъолияти ҳаракатҳои экстремистиву террористӣ ва монанди инҳо, ки суботи амниятро таҳдиди ҷиддӣ доранд ва бештар бо такя аз ҷавонони гумроҳ пайи амалисозии нақшаҳои ботиланд маҳаки асосии баромадкунандагон буд.