Гузоштани санги асос барои бунёди мактаби санъати бачагона

30 октябри соли равон дар шаҳри Қайроққум, дар рӯзҳои омодагӣ ба ҷашни 21 – умин солгарди Конститутсияи (Сарқонуни) Ҷумҳурии Тоҷикистон рухдоди фараҳбахше ба вуқӯъ пайваст. Аз ҷониби Раиси шаҳри Қайроққум Матлубахон Амонзода ва роҳбари ширкати «Ал - Шафар» Ҷаноби Аҳмад-ал-Шафар санги асос барои бунёди мактаби санъати бачагона гузошта шуд.

Матлубахон Амонзода, Раиси шаҳри Қайроққум дар назди иштирокчиёни чорабинӣ суханронӣ кард. Раиси шаҳр оғози иншооти фарҳангиро ба кулли сокинони шаҳр муборакбод гуфта, изҳор дошт, ки Ҳукумати мамлакат дар сиёсати иҷтимоии худ навсозиҳоро идома дода, маблағгузории соҳаро дар соли 2015 нисбат ба соли гузашта 10 фоиз зиёд пешбинӣ намуда буд.

Иҷлосияи сеюми Маҷлиси вакилони халқи шаҳри Қайроққум (даъвати панҷум)

30-уми октябри соли 2015 дар толори маҷлисгоҳи Мақомоти иҷроияи ҳокимияти давлатии шаҳр иҷлосияи сеюми Маҷлиси вакилони халқи шаҳр (даъвати панҷум) доир гардид. Раиси Маҷлиси вакилони халқи шаҳри Қайроққум Матлубахон Амонзода  кори иҷлосияро ифтитоҳ бахшид.

Баъди садо додани Суруди миллӣ вакилон котиботи иҷлосияро интихоб ва рӯзномаи иҷлосияро иборат аз хафт банд тасдиқ намуданд.

Ташаккули афкори экологӣ

Дар остонаи қарни ХХI ҳалли проблемаҳои экологӣ, бедорсозии ҳиссиёти табиатдӯстии аҳолӣ ва вусъати маърифати экологӣ ба яке аз масъалаҳои мубрами рӯз табдил ёфтанд.

Қарори Раиси шаҳри Қайроққум, ки 1 сентябри соли равон, таҳти №210 ба тасвиб расида буд фарогири Барномаи давлатии экологӣ бо ҳадафи амалисозии ташаккули афкори экологӣ мебошад. Назорати иҷрои қарор ба зиммаи Бахши ҳифзи муҳити зист вогузор гардидааст.

Ифтихори ватандорӣ

Мақомоти иҷроияи ҳокимияти давлатии шаҳри Қайроққум ба самти беҳтар гардонидани вазъи таълиму тарбияи наврасону ҷавонон дар руҳияи инсондӯстиву ватанпарастӣ ва риояи бечунучарои қонунияту тартибот таваҷҷуҳи доимӣ меандешад.

Қарори №209, аз 1 сентябри соли 2015 ба тасвиб расидаи Раиси шаҳр ба тақвият бахшидан ба раванди худшиносии милливу ифтихори ватандорӣ тадбирҳои мушаххасро баҳри  роҳандозӣ намудан нигаронида шудааст.