Тақвияти корҳои созандагӣ

Дар толори калони мақомоти иҷроияи ҳокимияти давлатии шаҳри Гулистон ҷаласаи ҳисоботӣ роҷеъ ба фаъолияти соҳаҳои хоҷагии халқи шаҳр дар давоми нуҳ моҳ мавриди баррасӣ қарор гирифт. Дар ҷаласа намояндагони сохторҳои мақомоти маҳаллӣ, ниҳодҳои қудратӣ, Ҷамоати шаҳракҳо, корхонаву муассиса, ташкилоту идораҳо ва фаъолони шаҳр иштирок доштанд.

Муовини Раиси шаҳри Гулистон Ғайратҷон Оқилов доир ба фаъолияти соҳаҳои хоҷагии халқи шаҳр дар нуҳмоҳаи соли 2016 маърӯза намуда, зикр кард, дар ин марҳила дар натиҷаи татбиқи саривақтии вазифаҳои муайяншуда ба дастовардҳо ва нишондиҳандаҳои хуб муяссар гардид. Мавсуф зикр кард, ки дар нуҳмоҳа ба қисми даромади буҷети давлатӣ 66,8 млн. сомонӣ маблағҳои андозу пардохтҳо ворид гашт ва он баробар ба 102,8 фоизи нақшаи пешбинишуда мебошад. Ба буҷет 1 млн. 849,2 ҳазор сомонӣ аз нақша зиёд маблағ ворид гашт. Нақшаи қисми хароҷоти буҷети маҳаллӣ 100,1% иҷро шуда, ба ду соҳҳои асосӣ - маориф ва тандурустӣ 13,5 млн. сомонӣ, ё 68,8% маблағи буҷет равона гашт.

Меҳргон дар Гулистон

Бо ибтикори  мақомоти иҷроияи ҳокимияти давлатии шаҳри Гулистон бахшида ба Иди Меҳргон дар майдони бозори шаҳр ярмарка-фурӯши маҳсулоти кишоварзӣ ва молҳои ниёзи мардум баргузор гардид. Дар он намояндагони сохторҳои мақомоти маҳаллӣ, ниҳодҳо қудратӣ, корхонаву муассисаҳо, ташкилотҳо ва сокинони маркази шаҳр иштирок намуданд.

Дар ярмарка-фурӯш маҳсулоти корхонаву муассисаҳои шаҳр ва хоҷагиҳои деҳқонии ҳамсояноҳияи Бобоҷон Ғафуров маҳсулоти худро бо нархҳои нисбатан ба бозор ба андозаи 15-20 фисад арзон ба харидорон пешкаш намуданд. Дар ярмарка-фурӯш маҳсулотҳои мавриди ниёз ва кишоварзӣ, ба миқдори 4 тонна орд, 500 килограмм равған, 5 тонна пиёз, 3 тонна картошка, 1 тонна сабзӣ, 1 тонна себ, 500 килограммӣ ангур, бодиринг, помидор, карам, 400 килограмм моҳӣ, 500 килограмм асал ва монанди ин ба фурӯш бароварда шуд. Сокини маркази шаҳр Саёҳат Бадалова нисбати ташкили ярмарка-фурӯш ибрози андеша намуда, аз ҷумла чунин зикр дошт:

Таъмири роҳҳо идома дорад

Дар идомаи қарори Раиси вилоят оид ба эълони Соли роҳҳои обод як қатор роҳҳои автомобилгарди шаҳр таъмир гардида истодаанд. Аз рўи нақша бояд 45 км роҳҳо, аз ҷумла 2 км-таъмири асосӣ, 23 км таъмири ҷорӣ, 20 км, шағалпўш карда мешаванд.

Тибқи иттилои ба мо расида то ба имрўз 49 км роҳҳои автомобилгарди Ҷамоати шаҳракҳо таъмиру тармим гардиданд, ки аз ҷумла 3 км таъмири асосӣ, 21 км таъмири ҷорӣ, 25 км шағалпўш шуданд.

Муборакбодии Раиси шаҳри Гулистон Сатториён Матлубахон Амонзода ба ифтихори Рўзи забони давлатӣ

Забон ҳамсафари доимии ҷамъияти инсонӣбуда, тамоми дигаргуниҳои ҷомеа дар он инъикос меёбанд. Масъалаи густариши забон ҳамчун яке аз рукнҳои асосии давлатдорӣ ва муқаддасот ҳамеша маркази таваҷҷўҳи давлати мо қарор дорад. Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон забони миллӣ ва ташаккули пайвастаи онро дар мақоми давлатӣ муҳимтарин рамз ва рукни истиқлолияти давлативу сиёсии мо арзёбӣ намудаанд.

Ҳанўз, 22 июли соли 1989 дар ҷаласаи Шўрои Олӣ забони тоҷикӣ мақоми давлатӣ гирифта буд. Ин иқдом пеш аз ҳама ба таҳкими давлатдорӣ ва посдории эҳтироми гузаштагони фарҳангшиноси мо равона гашта, аз ҷониби кулли мардуми кишвар бо мамнуният пазируфта шуд. Бо дарназардошти тақозои замон зарурияти дохил намудани тағйиру иловаҳо ба забон ба миён омаданд.Қонуни нави Ҷумҳурии Тоҷикистон «Дар бораи забони давлатии Ҷумҳурии Тоҷикистон» аз 5 октябри соли 2009 қабул гашта,ҳар сол дар ин сана Рўзи забони давлатӣҷашн гирифта мешавад.