Рӯзи варзиш ва солимгардонӣ

Чун анъана ин моҳ низ рӯзи шанбе бо мусоидат ба қарори Раиси шаҳр таҳти №1, аз 5 январи соли 2015 намояндагони ҷомеаҳои меҳнатӣ ва бошандагони шаҳр ба майдонҳои варзишӣ баромада оид ба футбол, волейбол, бокс шоҳмот варзиши сабук, гуштини юнонӣ румӣ шашка, шоҳмот, каратэ-до, таэквон-до ва дастхобонӣ мусобиқаҳои гуногун гузарониданд. Фаъолияти хуби Ҷамоати шаҳракҳои Адрасмон, Зарнисор, Сирдарё ва Маркази шаҳр қобили қайд аст.

Ташрифи Раиси шаҳр ба фабрикаи заршӯӣ

Фабрикаи заршӯии ҶМ ТКММ «Апрелевка»  бо ваҷҳи фарсудагии таҷҳизот ва хатти технологӣ то соли 2001 аз фаъолият бозмонда буд. Баъди таҷдиду ворид кардани хатҳои замонавии коркарди маъдан корхона боз ба кор сар карда, дар он коркарди маъдани тиллою нуқрадор роҳандозӣ шуда буд.

Айни замон дар ин ҷо 153 нафар бо ҷойи кори доимӣ таъминанд, ки аз инҳо 22 нафарашонро бонувони маҳалӣ ташкил медиҳанд. 23-юми октябри соли равон баъди ифтитоҳи тӯйхонаи «Ҳидоят» Раиси шаҳри Қайроққум Матлубахон Амонзода ва ҳамроҳонаш ба фабрикаи заршӯӣ ташриф оварданд. Пас аз шиносоӣ бо фаъолияти фабрика ба васлкунии хатти асосии технологии дуюм Раиси шаҳр бо пахши тугмаи корӣ ба фаъолияти он оғози расмӣ бахшид.

Сафари корӣ

23-юми октябр Раиси шаҳри Қайроққум Матлубахон Амонзода ҷиҳати шиносоӣ бо фаъолияти фабрикаи заршӯӣ ва иштироки бевосита дар ифтитоҳи тӯйхонаи «Ҳидоят» ба шаҳраки Консой сафари корӣ анҷом дод.

Хамчунин Раиси шаҳрро дар ҷараёни сафар муовини вазири саноат ва технологияҳои нави ҶТ Сайдулло Гардуллозода, муовини Раиси вилояти Суғд Заробиддин Файзуллозода ва мудирони шуъбаю бахшҳои Мақомоти иҷроияи ҳокимияти давлатии шаҳр ҳамроҳӣ карданд.

Қайроққум: нақшаи даъвати тирамоҳӣ иҷро

Аз номи сардори ситоди генералии Қувваҳои Мусаллаҳ, муовини якуми вазири мудофиаи ҶТ, генерал-майор З.Шарифзода ба унвонии Раиси шаҳри Қайроққум Матлубахон Амонзода номаи сипос расид. Барои пеш аз муҳлат иҷро намудани Фармони Президенти Ҷумҳурии Тоҷикистон, ки 14 сентябри соли 2015, №567 ба тасвиб расида буд миннатдории бепоён дар сипоснома баён доштааст.

Нақшаи даъвати ҷавонон ба сафи Қувваҳои Мусаллаҳи Ҷумҳурии Тоҷикистон 19 октябри соли ҷорӣ 100 дарсад иҷро гардида бошад ҳам, то кунун гусели ихтиёриён бо низоми муайян идома дорад. Бино бар шарҳи комиссари ҳарбӣ Бомурод Холмуродов маъракаи даъват дар маркази шаҳр ва Ҷамоати шаҳракҳои Консой, Зарнисор, Сирдарё нисбатан хуб ба роҳ монда шуд ва саҳми онон дар иҷрои нақша назаррас аст.