Марҳабо, ба «Баҳори ишқ»!

27 –уми ноябри соли равон, соати 14:00 дар Кохи Истиқлол барномаи консертии ҳофизони хушсалиқа, бародарон Ҳасанбой ва Ҳусейнбой Набиевҳо баргузор мегардад.

Дар чорабинии фарҳангӣ ҳунарварони шинохта Муҳиддин Ғозиев, Соҳиба Каримова ва Ҷурабек Набиев ширкат меварзанд.

Аз шоми таронаҳои дилангез ва рақсҳои мавзун таҳти унвони «Баҳори ишқ» бебаҳра намонед.

Ба консерти бародарон Набиевҳо марҳамат!

Чиптаҳоро метавонед аз Кохи Истиқлол дастрас намоед.

Телефон барои тамос:        (83443) 2-39-84.

Пленуми Шӯро

Дар толори шуъбаи маориф Пленуми V Шӯрои собиқадорони ҷангу меҳнат доир гардид. Ҳашт масоили тарҳрезӣ гардида мавриди ҳаллу фасл қарор гирифт. Оид ба такмили фаъолияти Шӯро, беҳтар намудани  тадбирҳои кӯмак ба ашхоси ниёзманд, иштироки муташаккилона дар чорабиниҳои сиёсию фарҳангии шаҳр, роҳандозии нақшаҳои мушаххас дар тарбияи насли ҷавон, тасдиқи нақшаи Шӯро барои соли 2016 ва амсоли инҳо аз зумраи масъалаҳои муҳокима гардида буданд.

Раиси Шӯрои собиқадорони ҷангу меҳнат Муҳаммадҷон Файзуллоев зимни баромади хеш кулли собиқадорони шаҳрро даъват намуд, ки дар самти татбиқи сиёсати оқилонаи Сарвари давлат Эмомалӣ Раҳмон, ки фарогири тинҷиву амонӣ, сулҳу осоиштагӣ ва зиндагии шоистаи халқ мебошад, корҳои фаҳмондадиҳиро боз ҳам вусъат бахшанд.

Самари фаъолият

Дар пойтахти кишвар – шаҳри Душанбе Пленуми VI Кумитаи марказии «Тоҷикметалл» ва ҷаласаи кумиҷроияи иттифоқи касабаи «Союзметалл» баргузор гашт. 50 – солагии таъсисёбии Кумитаи иттифоқи касабаи КВД «Ширкати алюминийи тоҷик» низ таҷлил карда шуд.

Дар ҷараёни чорабиниҳои идона пешсафони кумитаи иттифоқҳои  касаба бо мукофотҳои хотиравӣ қадрдонӣ  гардиданд. Раиси кумитаи иттифоқҳои касабаи ҶММ «Ширкати куҳӣ – саноатии Тоҷикистону Хитой» Ҳоҷимуҳаммад Салимзода барои кори фаъолона дар ҳифзи меҳнати иҷтимоӣ, ҳуқуқ ва ҷалби шавқмандии коргарон ба меҳнат бо Ифтихорномаи Фахрии Президенти Кумитаи иттифоқи касабаи марказии «Союзметалл» А.Нуралин сарфарозонида шуд.

Навидҳои варзишӣ

Карате-до

Дар толори якҳарбаи шарқии маркази шаҳр Чемпионати кушоди шаҳри Қайроққум оид ба карате-до годзю-рю баргузор гардид. Аз шаҳру ноҳияҳои вилоят 8 даста ширкат варзиданд. Дастаи мунтахаби шаҳри Хуҷанд мақоми аввал ва дастаҳои ноҳияи Б.Ғафуров ва шаҳри Қайроққум ҷойҳои дуюму сеюмро ноил гардиданд.

Годзю-рю

Бахшида ба Рӯзи Парчами давлатӣ дар толори МТМУ-и №23, ноҳияи Б.Ғафуров мусобиқа оид ба карате-до годзю-рю байни Лигаи касбии вилояти Суғд доир шуд. 6 дастаи шаҳру ноҳияҳои вилоят, ки дар онҳо зиёда аз 170 нафар варзишгарон иштирок намуданд варзишгарони шаҳри мо ҷойи сеюмро соҳибӣ карданд. Сорбон Алиев, Муҳаммад Ҷалилов, Анӯшервони Ғуфрон, Комрон Насриддинов, Улуғбек Турсунов ва Моҳрӯ Усмонова дар пирӯзии даста саҳми калон гузоштанд.