Омодагӣ ба Наврӯз

Мақомоти иҷроияи ҳокимияти давлатии шаҳри Қайроққум ба тозагии муҳити атроф, ниҳолшинонӣ ва сабзкорӣ таваҷҷуҳи махсус зоҳир менамояд. Аз ин ҷост, ки рӯзи шанбе кулли сокинони шаҳр ба ҳашар баромада, бо иштироки фаъолона дар тоза намудани маҳалли зист, ҳудуди корхонаҳо корҳои зиёдеро ба сомон расониданд.

Тибқи нақша бо ҳадафи омодагии хуб ба истиқболи ҷашни Наврӯзи байналмилал гузаронидани чунин ҳашарҳои умумӣ ҳар ҳафта дар назар аст.

Конференсия

5 феврал дар толори МИҲД-и шаҳр конференсияи Кумитаи иттифоқи касабаи кормандони муассисаҳои давлатӣ, ҷамъиятӣ ва бонкии шаҳри Қайроққум баргузор гардид.

Ҳайдар Муродов оид ба фаъолияти Кумитаи иттифоқи касаба гузориши муфассал дод.

Раиси комиссияи тафтишотӣ Истадҷон Артукова дар бораи хароҷотҳои молиявӣ маълумот пешниҳод кард.

Муҳокимаи барномаи рушд

4 феврали соли равон дар толори бахши ҳифзи муҳити зист семинар дар мавзӯи “Асосҳои ба нақшагирии рушди маҳал ва интегратсияи масъалаҳои камбизоатӣ ба барномаҳои рушди шаҳрҳои Ҷумҳурии Тоҷикистон” доир гардид.

Дар кори семинар намояндагони масъули МИҲД ва ташкилотҳои ғайридавлатӣ аз шаҳрҳои Истиқлол, Чкалов ва Қайроққум иштирок намуданд. Ба нақшагирии стратегӣ, ҳамшарикии иҷтимоӣ, масоили камбизоатӣ ва монанди инҳо аз зумраи масъалаҳои баррасии семинар буд.

Ба таваҷҷуҳи падару модарон, омӯзгорон ва хонандагон!

Маркази дарёфт ва рушди истеъдодҳои назди шуъбаи маорифи шаҳри Қайроққум бо ҳадафи ҷалби хонандагон ба донишомӯзӣ ва дарёфти истеъдодҳои нав хоҳишмандонро дар самтҳои зер даъват менамояд:

-омодасозии хонандагон ба озмун, Академияи хурди илмҳо ва ҳамаи намуди олимпиадаҳо аз фанҳои таълимӣ;

-тайёр кардани шавқмандон ба ҷодаи фарҳанг;

-тарбияи соҳибистеъдодҳо дар эҷоди шеъру тарона ва дигар ҷанрҳои рӯзноманигорӣ;