Маориф соҳаи афзалиятнок

1 декабри соли 2015 вохӯрии раиси Кумитаи иҷроияи шаҳрии ҲХДТ Каромат Қосимова  бо кормандони соҳаи маориф баргузор гардид. Дар ҷараёни чорабинӣ Каромат Қосимова баромад намуда, оид ба мақсаду мароми ҳизб, дастовардҳои Тоҷикистон дар солҳои соҳибистиқлолӣ бо роҳбарии бевоситаи раиси ҲХДТ,

Президенти кишвар Эмомалӣ Раҳмон,  Барномаи пешазинтихоботии ҳизб,  баланд гардидани обрӯву нуфузи он ва зиёд шудани теъдоди  ҳизбиён дар соҳаи маориф сухан кард.

Дар интиҳои вохӯрӣ ба 6 нафар пешқадамони соҳа шаҳодатномаҳои ҳизбӣ дар вазъияти тантанавӣ супорида шуд.

Ғамхорӣ ба маъюбон

Аз соли 1983 то соли 1992 Созмони Милали Муттаҳид даҳсолаи маъюбонро эълон карда буд. Сипас дар соли 1992 Ассамблеяи Генералии СММ 3-юми декабрро Рӯзи байналхалқии маъюбон эълон намуд.

Таҷлили ин рӯзро ба хотири ҳифзи масъалаҳои иҷтимоии маъюбон, ҷалби атрофиён ба ҳуқуқҳои фарҳангӣ, сиёсӣ ва иҷтимоӣ эълон намуда буданд.

Дар ҷумҳурии мо низ сол ба сол ба одамони имконияташон маҳдуд диққати бештар дода мешавад. Президенти мамлакат ҳанӯз чандин сол пеш дар яке аз баромадҳояш гуфта буд, ки мо ҳеҷ гоҳ маъюбонро фаромӯш намесозем ва онҳоро намегузорем, ки хору зор шаванд.

Ярмарка барои дарёфти кор

4 декабр пешорӯи бахши фарҳанг ярмаркаи ҷойҳои холии корӣ ташкил карда шуда, ба шаҳрвандон имконият фароҳам овард, то ҷойҳои корӣ дарёфт намоянд.

Тавре сарвари шуъбаи Агентии меҳнат ва шуғли аҳолӣ дар шаҳри Қайроққум Ғолибҷон Юлдошев иттилоъ дод соли равон дар қаламрави шаҳр 14 маротиба ярмаркаи ҷойҳои холии корӣ гузаронида шуд.

Соли ҷорӣ 1855 ҷойи нави корӣ бо қайд гирифта шуд, ки қисми асосии онҳоро ҷойҳои кории мавсимӣ ва муваққатӣ ташкил медод.

Дастгирии «Ғамгусор»

Бо иқдоми Раиси шаҳри Қайроққум Матлубахон Амонзода ва дастгирии ташкилоти ҷамъиятии «Ғамгусор» 50 нафар оилаҳои ниёзманд бо маводи сӯзишворӣ таъмин гардиданд.