«Соли 2016 – Соли маҳалла, деҳа ва шаҳраки обод»

Қарори Раиси шаҳри Қайроққум аз 15 январи соли 2016, таҳти №2 доир ба тасдиқи нақша - чорабиниҳои МИҲД шаҳр бо ҳадафи таъмини Барномаи вилоятии «Соли 2016 – Соли маҳалла, деҳа ва шаҳраки обод» ба тасвиб расид.

Таваҷҷуҳ ба ободии маҳалли зист, ташкили ҳашарҳои дастаҷамъона дар маъракаҳои ниҳолшинонӣ, бунёди иншоотҳои фароғатию варзишӣ, азнавбарқароркунии хатҳои  обу барқ, эҳёи анъанаҳои сабзкорӣ, таъмиру тармими роҳҳои автомобилгарду пайроҳаҳои одамгузар, саривақт супоридани маблағҳои хизмати коммуналӣ, чароғонкунии кӯчаҳо ва риояи Қонунҳои ҶТ «Дар бораи танзими анъана ва ҷашну маросимҳо дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» аз умдатарин тадбирҳои нақша-чорабинӣ ба шумор меравад.

Ҷаласаи кории Раиси шаҳр

25-уми январи соли 2016 дар толори Мақомоти иҷроияи ҳокимияти давлатии шаҳр таҳти Раёсати Матлубахон Амонзода, Раиси шаҳри Қайроққум ҷаласаи корӣ бо фаъолон баргузор гардид. Паёми Президенти Ҷумҳурии Тоҷикистон, Асосгузори сулҳу ваҳдати миллӣ- Пешвои миллат, Ҷаноби Олӣ, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон мавриди гуфтугузори Раис шаҳр қарор гирифт.

-Паёми имсолаи Президенти Ҷумҳурии Тоҷикистон Эмомалӣ Раҳмон ба Маҷлиси Олии мамлакат нисбат ба Паёмҳои солҳои пешин боз ҳам фарогиртару пурмуҳтаво буд. Он, пеш аз ҳама, далели барҷастаест оид ба рушди тадриҷӣ ва бомароми Ватани азизамон дар тамоми ҷабҳаҳои ҳаёт. Паём ҳисси ифтихори аҳли сокинони Ватани маҳбубамонро аз сарзамини хеш, аз истиқлолияти он ва аз комёбиҳои барҷастааш то солҳои охир боз ҳам афзуд, - иброз дошт Матлубахон Амонзода.

Паёми раҳнамо ба сӯи фардои ободу дурахшон

22 январ дар шаҳри Қайроққум Рӯзи ягонаи ахбор доир шуд. Тарғибгарони Мақомоти иҷроияи ҳокимияти давлатии вилояту шаҳр ба ташкилоту корхона, Ҷамоати шаҳракҳо рафта оид ба мӯҳтавои асосии нуктаҳои Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон  дар назди ҷомеаҳои меҳнатӣ баромад намуданд.

Нахуст онҳо оид ба дастовардҳои хоҷагии халқи мамлакат дар ҳамаи самтҳо, талошу тараддудҳои роҳбарияти кишвар ҷиҳати боз ҳам баланд бардоштани иқтисодиёти ҷумҳурӣ, беҳбуди бахшидани рӯзгори мардум сухан гуфта, роҳҳои ҳаллу фасли мушкилиҳои феълӣ назари хешро баён намуда, аз нақшаҳои нави ободониву созандагӣ таваққуф карданд. Яке аз мушкилиҳои имрӯзи ҳаёти Тоҷикистон, ин норасоии қувваи барқ аст, ки дар ин самт соли 2016 дар ҳаҷми 300 мегаватт иқтидорҳои иловагии энергетикӣ ба истифода супорида мешавад, баробари ин дар давоми сол ба кор андохтани иқтидорҳои нави саноатиро дар ҳаҷми 350 мегаватт ба нақша гирифта шудааст.

Паём - раҳнамо ба сӯи фардои ободу дурахшон

Санаи 22 январ тибқи нақшаи мақомоти иҷроияи ҳокимияти давлатии вилояти Суғд дар мавзӯи «Паёмии Президенти Ҷумҳурии Тоҷикистон – раҳнамо ба сӯи фардои ободу дурахшон» дар толори муассисаи кӯмаки аввалияи тиббӣ-санитарии шаҳри Қайроққум рӯзи ягонаи ахбор муташаккилона ба вуқӯъ пайваст.

Дар хониши сиёсӣ намояндаи мақомоти иҷроияи ҳокимияти давлатии вилояти Суғд, директори ширкати давлатии суғуртаи вилоят Б. Юлдошев, декани факултаи педагогикаи ДДХ ба номи академик Бобоҷон Ғафуров Х. Сабуров, дотсенти кафедраи сиёсатшиносии ДДҲБСТ А. Одинаев, мудири шуъбаи рушди иҷтимоӣ ва робита бо ҷомеаи дастгоҳи раиси шаҳр И. Мадализода иштирок ва баромад намуда, доир ба муҳтавои Паёми Президенти Ҷумҳурии Тоҷикистон, муҳтарам Эмомалӣ Раҳмон сухаронӣ намуданд.