Идона ба ашхоси ниёзманд

15 нафар ашхоси ниёзманд ва собиқадори Ҷанги Бузурги Ватанӣ Воҳид Самадов дар арафаи ҷашни Конститутсия аз саховати Раиси шаҳри Қайроққум Матлубахон Амонзода комгор гардидаанд.

Бо ҳидояти Раиси шаҳр масъулини шуъбаи хизматрасонии иҷтимоӣ дар хона ба табақаҳои ниёзманд маводҳои ғизоиро дастрас ва ононро ба ифтихори Рӯзи Сарқонуни кишвар таҳният намуданд.

Муборакбодии Раиси шаҳри Қайроққум Матлубахон Амонзода ба ифтихори 21-умин солгарди Конститутсия

Ҳамшаҳриёни азиз!

Ҳамасола 6-уми ноябр дар мамлакат Рӯзи Конститутсияи (Сарқонун)-и Ҷумҳурии Тоҷикистон таҷлил карда мешавад. Зеро 6-уми ноябри соли 1994 тариқи раъйпурсии умумихалқӣ Конститутсияи (Сарқонун)-и Тоҷикистони соҳибистиқлол қабул гардид.

Конститутсияи Ҷумҳурии Тоҷикистон аз ҷумлаи дастовардҳои бузурги мардуми Тоҷикистон  буда, бунёди давлати соҳибистиқлол, демократӣ, ҳуқуқбунёд ва дунявии миллати кӯҳанбунёди тоҷикро заминагузорӣ кардааст. Ба ҳамагон маълум аст, ки бо шарофати қабули Қонуни асосӣ пояи Истиқлолияти давлатӣ мустаҳкам гардид ва заминаи ҳуқуқии рушди тамоми соҳа барои солҳои минбаъда фароҳам оварда шуд.

Қайроққум дар фазои иттилоотӣ

Афзоиши сафи ҳизбиён

«Сухани халқ» 28 октябри соли 2015, №40 .

Доир ба ифтитоҳи тӯйхонаи «Ҳидоят» ва фаъолияти васеъи фабрикаи заршӯӣ, фузудани теъдоди ихтиёриён ба сафи ҲХДТ мавод чоп гардидааст.

Джамоат Кансай развивается

«Согдийская правда» 28 октября 2015 года, №88.

Маводи Л.Негматзода низ фарогири рухдоди фараҳбахши шаҳраки Консой мебошад.

Тенниси рӯи миз

31 октябр дар шаҳраки Зарнисор ба муносибати 21-умин солгарди Конститутсияи (Сарқонуни) Ҷумҳурии Тоҷикистон мусобиқаи варзишии тенниси рӯи миз доир шуд. Дар даври ниҳоӣ ғолибон муайян шуданд. Корманди саридораи ШСКТХ Ши Бо Ся мақоми аввал, Руслан Абдурашид, аз қисми низомӣ ва Ғафурҷон Латифов, сармуҳосиби кумитаи иттифоқи касабаи ширкат ҷойҳои дуюму сеюмро ишғол намуданд.

Раиси кумитаи иттифоқи касабаи ШСКТХ Ҳоҷимуҳаммад Салимзода ба ғолибон Ҷоми мусобиқа ва диплому мукофотҳои хотиравиро супорид.