Зуҳуроти хатарноки асри нав

Дар гӯшаҳои гуногуни дунё фаъолшавии созмонҳои террористӣ ва ниҳодҳои маблағгузори он ба мушоҳида мерасад. Имрӯз терроризм беш аз пеш хусусияти фаромиллӣ ва глобалӣ касб кардааст. Вазъи мураккаби баъзе аз мамлакатҳо нишон медиҳад, ки падидаи номатлуби ҷомеа терроризм ва экстремизм рӯз то рӯз вусъат мегирад. Зуҳуроти ниҳоят хатарноки асри нав сабаби муташанниҷ гардидани вазъи сиёсии сайёра ва шиддат гирифтани буҳрони молиявию иқтисодӣ дар бисёр кишварҳои олам мегардад, ки мутаассифона, тамоми ҷомеаро фаро гирифта, яке аз мушкилоти асосии ҷомеаи муосир гардидааст

Он дар минтақаҳои том ва умуман ҷаҳон доман  паҳн карда, хатари бузурги иҷтимоӣ дорад ва барои амнияти давлатҳои алоҳидаю минтақаҳо воқеан таҳдид эҷод менамояд.

НЕСТ БОД ТЕРРОРИЗМ!

Имрӯз экстремизм ва терроризм дар минтақаҳои гуногуни ҷаҳон доман паҳн карда, хатари бузурги иҷтимоӣ дорад ва барои амнияти давлатҳои алоҳида ва минтақаҳо воқеан таҳдид эҷод менамояд. Терроризм ва экстремизм яке аз зуҳуроти номатлуб дар замони имрӯза ба шумор меравад, зеро зуҳуроти мазкур боиси ба миён омадани оқибатҳои нохуш таҳдид ё истифодаи зӯроварӣ, расонидани зарари вазнин, беинтизомӣ, барангехтани низоми миллӣ, иҷтимоӣ ва динӣ мебошад ва он на танҳо ба марзу бум, ба ҳастии миллату инсоният таҳдид месозад.

Дар гӯшаҳои гуногуни ҷаҳон фаъолшавии созмонҳои террористӣ ва ташкилоту созмонҳои маблағгузории онҳо ба мушоҳида мерасад. Ба ин гурӯҳҳо асосан, ҷавононро ҷалб карда истодаанд. Дар ҷомеаи имрӯза мавқеи ҷавонон хеле муҳим аст. Чунки ҷавонон дорои афкори тозаю нав, неруи муҳими пешбарандаи иқтисодиёт буда, истифодаи васеи технологияи муосирро дар истеҳсолот метавонанд, ба хубӣ таъмин созанд. Барои ҳамин террористон аз қувваи бузургии ҷавонон барои манфиати худ истифода бурда истодаанд.

Пешвои миллат Эмомалӣ Раҳмон дар як қатор вазорату идораҳо ва шаҳру ноҳияҳо таъиноти кадрӣ ба амал оварданд

Имрӯз дар бинои Ҳукумати Ҷумҳурии Тоҷикистон Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои сатҳи роҳбарӣ дар вазорату идораҳо, шаҳру  навоҳӣ ва дигар шохаҳои ҳокимияти давлатӣ таъин гардиданд, ба ҳузур пазируфтанд.

Бо фармонҳои Президенти Ҷумҳурии Тоҷикистон Сатторӣ Изатулло бо сабаби ба кори дигар гузаштанаш аз вазифаи Вазири кишоварзии Ҷумҳурии Тоҷикистон озод ва Салимзода Амонулло Файзулло — Вазири кишоварзии Ҷумҳурии Тоҷикистон таъин гардид.

Тибқи фармонҳои Президенти Ҷумҳурии Тоҷикистон Саломзода Сиҷоуддин аз вазифаи раиси шаҳри Исфара, Сулаймонзода Акрам Раҳим аз вазифаи раиси ноҳияи Спитамен, Салимзода Комил аз вазифаи раиси ноҳияи Ҷаббор Расулов, Раҷабзода Муҳаммадҷобир аз вазифаи раиси ноҳияи Кӯҳистони Мастчоҳи вилояти Суғд, Исмоилзода Абдуалим Абдулазиз аз вазифаи раиси шаҳри Бохтар, Зоирзода Маърифат Оймаҳмад аз вазифаи раиси ноҳияи Балҷувони вилояти Хатлон бо сабаби ба кори дигар гузаштанашон озод гардиданд. Сулаймонзода Акрам Раҳим – иҷрокунандаи раиси шаҳри Исфара, Нуъмонзода Темур – иҷрокунандаи раиси ноҳияи Спитамен, Қудратзода Тоҳир Толибӣ – иҷрокунандаи вазифаи ноҳияи Ҷаббор Расулов, Бобозода Хайрулло — иҷрокунандаи вазифаи раиси ноҳияи Кӯҳистони Мастчоҳи вилояти Суғд, Саломзода Сиҷоуддин – иҷрокунандаи вазифаи раиси шаҳри Бохтар, Ҷалилзода Шералӣ – иҷрокунандаи вазифаи раиси ноҳияи Балҷувони вилояти Хатлон  таъин гардиданд.

ОЗМУНИ ШАҲРИИ ДАСТАРХОНОРОӢ

Дар толори бахши фарҳанги шаҳри Гулистон даври шаҳрии озмуни дастархонӣ баргузор гардид. Дар озмун шаш нафар кадбонуҳои моҳир аз ҷамоати шаҳракҳо, корхонаву идора ва ташкилотҳо ширкат варзиданд.

Ҳайати ҳакамон тибқи талаботи низомномаи озмун онро ҷамъбаст намуда муайян кард, ки иштирокчиён бо як маҳорати баланд бо истифодаи сарфакории моҳирона, зебову дилписанд, риояи анъанаҳои миллӣ, пешниҳоди анвои гуногуни хӯрокворӣ, нӯшобаҳо, шириниҳо ва дигар навъи таому хӯришҳо дастархонҳои худро пешниҳод ва муаррифӣ намуданд.

Дар ҷамъбасти ниҳоӣ Гулчеҳра Машарифова аз шаҳраки Чоруқдаррон ғолиб дониста шуда, ба озмуни вилоятӣ роҳхат гирифт. Мақоми дуввум насиби Ирода Қодирова аз маркази шаҳр ва ҷойи сеюмро намояндаи ҷамоати шаҳраки Адрасмон Барчиной Мирзораҳимова ишғол намуд. Кадбонуҳои чирадаст Сафина Султонова,  Саодат Ҷӯраева ва Зулфия Баротова барои иштироки фаъолона дар пешниҳоди намудҳои анвои таомҳои миллӣ маҳорат ҷолиб нишон дода, бо сипосномаи мақомоти иҷроияи ҳокимияти давлатии шаҳр сарфароз гардиданд.