ПУШАЙМОНӢ АЗ ХИЁНАТИ ҲАМСАФОН

Аз расонаҳои хабарӣ огаҳ шудем, ки як тан аз зани тоҷик Зарафо Раҳмонӣ, узви Шўрои сиёсии Ҳизби наҳзати исломии Тоҷикистон (ин ҳизб дар Тоҷикистон мамнўъ эълон гардидааст ва кунун ин созмон чун ташкилоти тундрав ва ифротгаро маҳв дониста мешавад) ба озодӣ баромадааст. На, ўро чун модари тоҷик Президенти мамлакат тараҳҳум карда, авф намудаанд, ба озодӣ баромадааст. Бале, сиёсати инсонпарваронаи Пешвои муаззами миллат буд, ки ин зани раҳгумзада ва зудбоварро бахшиданд.

Худи ў мегӯяд: «Ба номи Президенти кишвар нома навишта, аз он кас хоҳиш намуда будам, ки маро бахшанд. Боварӣ доштам, ки он кас нисбат ба як зан тараҳҳум хоҳанд кард ва чунин ҳам шуд, ки ман хеле ва хеле миннатдорам».

ҲАНГОМАИ КОРОНАВИРУС

Пешрафту тараққиёти мамлакат ба солимии ҷомеа сахт вобаста аст ва беҳуда ҳам нест, ки рушди соҳаи тандурустӣ ҳамеша мавриди назару таваҷҷуҳи давлату ҳукумат қарор дорад. Алъон коронавируси Ковид-19 тамоми оламро фаро гирифтааст. Дар ин хусус ақидаҳо оид ба пайдоиши ин беморӣ мухталифанд. Бархе аз одамон пайдоиши онро маҳсули дасти америкоиҳо гӯянд, дигарон ба худи хитоиҳо мансуб мекунанд, ки барои кам кардани аҳолии кишварашон вируси бемориро пайдо карда бошанд.

Дар авохири моҳи апрел вақте эълон шуд, ки дар кишвари мо ҳам мавҷудияти вирус ба қайд гирифта шудааст, якбора ҳамаро ваҳм зер кард. Кӯчаву растаҳо бидуни ин ки карантин эълон шавад, холӣ шуданд, бештари мардум узлатро интихоб карданд. Рӯҳияи мардум ба якборагӣ тағир ёфт. Воҳима ҳолати равониест, ки дар асари шидати баланди эҳсосоти тарс аз чизе, ҳодисае ё рӯйдоде ба вуҷуд меояд ва қобилияти дарки воқеият ва мантиқан фикр карданро аз инсон мегирад ва боиси ошуфтагии равонӣ мегардад. Воҳима хусусияти инфиродӣ ва иҷтимоӣ дорад ва зуҳури он дар ҳар сурат барои фард ва ҷомеа хатарнок мебошад.

МАШВАРАТИ КОРӢ

Дар толори калони мақомоти иҷроияи ҳокимияти давлатии шаҳри Гулистон машварати корӣ бо иштироки муовини Раиси вилоят Анвар Яъқубӣ доир гардид. Дар машварат масъулини мақомоти иҷроияи ҳокимияти давлатии шаҳр, роҳбарони корхонаҳои саноатӣ, нозироти андоз, раёсати молияи шаҳр ва дигар шахсони масъул иштирок карданд. Раиси шаҳри Гулистон Фирдавс Шарифзода машваратро ифтитоҳ намуд.

Муовини якуми Раиси шаҳри Гулистон Нуринисо Комилзода доир ба вазъи соҳаи иқтисодиёти шаҳр дар давоми панҷ моҳи соли 2020-ум гузориши муфассал манзур кард.

Муовини Раиси вилояти Суғд Анвар Яъқубӣ соҳаи иқтисодиёт ва саноати шаҳрро таҳлил намуда, аз роҳбарони корхонаву муассисаҳои дахлдор пурсиш ба амал оварда, бобати таҳким бахшидани фаъолият дар самти саноатикунонии босуръати шаҳр, дастгирии бахши хусусӣ, ҷалби сармояҳо, таъмини саривақтии сифатноки нақшаи воридоти андозҳо ба буҷет, инчунин суръат бахшидани корҳои ободониву созандагӣ ба истиқболи ҷашни 30-солагии Истиқлолияти давлатии Ҷумҳурии Тоҷикистон, назорати равуои мардум ба соҳили “Баҳри тоҷик”, ба масъулин дастур дод.

Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки Ҷаҳонӣ хонум Анна Бйерде суҳбати видеоконфронсӣ анҷом доданд

10 июн Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Ноиби Президенти Бонки Ҷаҳонӣ оид ба кишварҳои Аврупо ва Осиёи Марказӣ хонум Анна Бйерде, ки дар қароргоҳи Бонки Ҷаҳонӣ дар шаҳри Вашингтони ИМА ҳузур доштанд, суҳбати видеоконфронсӣ анҷом доданд.

Дар ҷараёни суҳбат ҷонибҳо ҳолати кунунӣ ва дурнамои муносибатҳои ҳамкорӣ, вазъи ҷомеаи ҷаҳонӣ, тадбирҳои табобат ва пешгирии бемории сироятии коронавирус COVID-19-ро дар Тоҷикистон баррасӣ карданд.

Президенти мамлакат муҳтарам Эмомалӣ Раҳмон аз сатҳи ҳамкории Тоҷикистон бо ин ташкилоти бонуфузи молиявӣ изҳори қаноатмандӣ намуданд.

Таъкид гардид, ки Бонки ҷаҳонӣ аз рӯзҳои аввали бақайдгирии сироятёбии ин беморӣ дар Тоҷикистон, барои пешгирӣ аз паҳншавии ин беморӣ дар кишвари мо кӯмакҳои молиявӣ ҷудо кард.