ВАБОИ АМНИЯТИ КИШВАР

Мушкилиҳое, ки солҳои охир ҷомеаи муосирро ба ташвиш овардаст ин зуҳуроти номатлубу хатарозои терроризму экстремизм мебошад. Барои ба ҳадаф расидани ташкилоти экстремистӣ, бештар ба эътиқоди динии шахс таъсир расонида, онҳоро бовар менамояд, ки сиёсати давлат бар зидди ақидаҳои динии онҳост. Бо ин роҳу восита онҳо мехоҳанд дини мубини исломро барои ноил шудан ба ҳадафҳои нопок истифода баранд. Онҳо мехоҳанд мақсаду мароми худро бо роҳи зӯроварӣ, куштор  тарсу ваҳм, содир намудани ҷиноятҳои дорои амали террористӣ ва эктремистӣ дошта амалӣ созанд. Дар ин ҷода ҳизби террористӣ-экстремистии ҲНИ ва шакли нави он бо номи паймони миллӣ беустухонанд. Имрӯзҳо ин душманони миллату давлати тоҷик ба воситаи шабакаҳои иҷтимоӣ мардумро ба ғояҳои ифротии худ пайваст карданӣ ҳастанд.

Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон дар мулоқот бо намояндагони ҷомеаи кишвар таъкид намуданд, ки: «Имрӯз терроризм ва экстремизм ҳамчун вабои аср ба амнияти ҷаҳон ва ҳар як сокини сайёра таҳдид карда, барои башарият хатари на камтар аз силоҳи ядроиро ба миён овардааст».

СИПАРИ БОЭЪТИМОДИ ВАТАНЕМ

Пешравиву тараққиёт ва оромиву тинҷии Тоҷикистонро наҳзатиҳои саркӯбшудаву шармандашуда ва паймонбастагони навбаромад - хоинони Ватан тавассути шабакаҳои иҷтимоӣ ба ангезаи худ сиёҳ кардани мешаванду ҳар гуна андешаҳои ғаразноки худро ба мардум гӯшрас месозанд. Зеро чашми бадбин ва зоҳири пурғараз доранду амалашон бар зидди рушду камоли миллати тоҷик равона карда шудааст.

Дар ҷараёни сафари навбатии кории Пешвои муаззами миллат ба давлатҳои Аврупо, аз ҷумла иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи 40-уми Конфронси Генералии ЮНЕСКО, ки дар қароргоҳи давлати Франсия шаҳри Париҷ қарор дорад, ки ба масъалаҳои тағйирёбии иқлим бахшида шуда буд, гурӯҳе аз бо ном мухолифин, намояндагони “Паймони миллӣ” ва “Гурӯҳи 24” тавассути шабакаҳои иҷтимоӣ онро ба таври худ шарҳ доданд.

Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи Парчами давлатӣ

23 ноябри соли 2019

Ҳамватанони азиз!

Бо камоли ифтихор тамоми сокинони Тоҷикистони соҳибистиқлолро ба муносибати Рӯзи Парчами давлатӣ, ки яке аз рамзҳои муҳимми давлати миллии мо буда, мояи сарбаландии ҳар як шаҳрванди ватандӯсту ватанпараст ба ҳисоб меравад, самимона табрик мегӯям.

Парчам барои мардуми тоҷик рамзи ватандорӣ, сарбаландӣ ва шуҷоату мардонагӣ буда, халқи мо аз замонҳои қадим ба он ҳамчун василаи муттаҳидкунанда арҷ мегузорад.

Парчами озодӣ ва соҳибдавлатии халқи тоҷик дар Иҷлосияи таърихӣ ва сарнавиштсози ХУ1-уми Шӯрои Олии Ҷумҳурии Тоҷикистон қабул гардид ва баъдан, 24 ноябри соли 2009 Рӯзи Парчами давлатӣ эълон шуд, ки имсол ба ин санаи муҳим даҳ сол пур мешавад.

Пешвои миллат Эмомалӣ Раҳмон бинои нави Факултаи фаъолияти фаврӣ — ҷустуҷӯии Академияи Вазорати корҳои дохилии Ҷумҳурии Тоҷикистонро мавриди истифода қарор доданд

22 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ бинои нави Факултаи фаъолияти фаврӣ — ҷустуҷӯии Академияи Вазорати корҳои дохилии Ҷумҳурии Тоҷикистонро мавриди истифода қарор доданд.

Президенти Ҷумҳурии Тоҷикистон муҳтарам Эмомалӣ Раҳмонро дар саҳни маҷмааи олии таълимӣ роҳбарият ва ҳайати шахсии Вазорати корҳои дохилии Ҷумҳурии Тоҷикистон ва устодону донишҷӯёни академия самимона истиқбол гирифтанд.

Сарвари давлат муҳтарам Эмомалӣ Раҳмон дар вазъияти тантанавӣ расман ба фаъолияти Факултаи фаъолияти фаврӣ — ҷустуҷӯии Академияи Вазорати корҳои дохилии Ҷумҳурии Тоҷикистон оғоз бахшиданд.