КОНФЕРЕНСИЯ: ВАҲДАТ ПОЙДЕВОРИ ДАВЛАТ ВА ҲАСТИИ МИЛЛАТ АСТ

Санаи 22.06.2023 тибқи нақшаи тасдиқгардида аз ҷониби Шӯрои вилоятии ҳаракати ҷамъиятии Ваҳдати миллӣ ва эҳёи Тоҷикистон ва шӯрои шаҳрии Ҳаракати ҷамъиятии Ваҳдати миллӣ ва эҳёи Тоҷикистон дар шаҳр дар толори Муассисаи давлатии “Маркази таҳсилоти иловагӣ”-ишаҳр таҳти унвони “Ваҳдат пойдевори давлат ва ҳастии миллат аст” ба ифтихори 26-умин солгарди Рӯзи Ваҳдати миллӣ бо иштироки кормандони соҳаи маориф, тандурустӣ, фарҳанг ва дигар соҳаҳо конференсия баргузор гардид.

Дар кори конференсия муовини Раиси шаҳр Ғайрат Оқилзода, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, мудири бахши кор бо ҷавонон ва варзиши шаҳр Аҳлиддин Абдураҳмонов, сармуҳаррири рӯзномаи “Шуълаи умед” Мирзоаъзам Мақсудов ва устоди МДТ “Донишгоҳи давлатии Хуҷанд ба номи академик Бобоҷон Ғафуров” Бароатхон Махкамова иштирок ва суханронӣ намуданд.

Баргузории мизи мудаввар оид ба татбиқи Қонуни Ҷумҳурии Тоҷикистон "Дар бораи ҳуқуқҳои кӯдак" ва пешгирии ҷудошавии оилаҳо, хушунат дар оила ва ба касбомӯзӣ ҷалб намудани занон

Оид ба татбики Қонуни Ҷумҳурии Тоҷикистон "Дар бораи ҳуқуқҳои кӯдак" ва пешгирии зӯроварӣ дар оила, инчунин бекоршавии ақди никоҳ, баланд бардоштани мавқеи зан дар ҷомеа, бартараф намудани хушунат дар оила ва ба касбомӯзӣ ҷалб намудани занону бонувон мизи мудаввар дар Ҷамоати шаҳраки Чоруқдаррон баргузор гардид.

Дар семинар-тренинг намояндагон аз маркази таълими калонсолон, занҳои хонашин ва занҳои болаёқат иштирок доштанд.

Иҷрокунандаи вазифаи мудири бахши кор бо занон ва оилаи шаҳр доир ба пешгирии ҷудошавии оилаҳо, пешгирии хушунат дар оила ва ҷалби занону бонувон ба касбомӯзӣ суханронӣ намуд.

Гулистон: Академияи футболи “Сомониён” ба фаъолият оғоз намуд

Дар шаҳри Гулистон аз ҷониби собиқ футболбози тими мунтахаби кишвар ва сарбони ҳозираи дастаи “Хуҷанд”-и шаҳри Хуҷанд Ҷаҳонгир Эргашев академияи футболи “Сомониён” таъсис дода шуд.

Академияи футболи “Сомониён” бо чорабинии тантанавии идона ба фаъолият оғоз намуд.

Дар марҳилаи кушодашавии академияи футболи “Сомониён” аъзои академия, мураббиён, волидайн иштирок намуданд.

Чорабинии тантанавии кушодашавии академия бо садо додани Суруди миллии Ҷумҳурии Тоҷикистон оғоз гардид.

ҶАЛАСАИ КОРӢ БО ФАЪОЛОН

Санаи 17.06.2023 дар толори хурди Мақомоти иҷроияи ҳкоимияти давлатии шаҳр бо фаъолони шаҳр бо иштироки роҳбари гурӯҳи корӣ оид ба 35-солагии Истиқлоли давлатӣ директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва Раиси шаҳри Гулистон Раъно Ҳошимзода ҷаласаи корӣ баргузор карда шуд. Дар ҷаласаи кории мазкур муовини якум, муовинон, роҳбари дастгоҳи Раиси шаҳр, роҳбарони воҳидҳои сохторӣ, мудирони шуъбаву бахшҳо, раисони ҷамоати шаҳракҳо ва соҳибкорон иштирок доштанд.

Нахуст муовини Раиси шаҳр Ғайрат Оқилзода доир ба рафти иҷрои нақшаи иншооти ҷашнӣ ба муносибати 35-солагии Итсиқлоли давлатӣ маълумот дод. Зикр гардид, ки Мақомоти иҷроияи ҳокимияти давлатии шаҳри Гулистон ҷиҳати иҷрои Фармони Презиенти Ҷумҳурии Тоҷикистон аз 7-уми январи  соли  2022, №311 “Дар бораи ҷашни 35-солагии Истиқлолияти давлатии Ҷумҳурии Точикистон”, қарори Раиси Вилояти Суғд аз 11-уми феврали соли 2022, №41 ва қарори Раиси шаҳри Гулистон аз 5-уми марти соли 2022, №76 “Дар бораи ҷашни 35-солагии Истиқлолияти давлатии Ҷумҳурии Точикистон” ба тавсиб расида, нақшаи чорабиниҳо бо назардошти тағйиру иловаҳо дар 117 иншоот тасдиқ намуда, ҷиҳати иҷрои он корбарӣ намуда истодааст.