ВОХӮРИИ КОРВОНИ “МОДАРОНИ ВАҲДАТСАРО” БО САРБОЗОНИ ҚИСМИ ҲАРБИИ 45025

Санаи 12.07.2023 -и корвони “Модарони ваҳдатсаро”  ба қисми ҳарбии 45025-и Кумитаи ҳолатҳои фавқулода ва мудофиаи граждании назди ҳукумати Ҷумҳурии Тоҷикистон дар вилояти Суғд ташриф оварда, бо сарбозуну афсарон вохӯрӣ доир намуда, аз вазъи буду бош ва хизмати сарбозон дидан намуданд.

Нахсут Раиси шаҳри Гулистон Раъно Ҳошимзода вохӯриро оғоз намуда, ҳадафи ташрифи корвони “Модарони ваҳдатсаро” зикр намуд. таъкид карда шуд, ки ҷиҳати иҷрои дастуру супоришҳои Пешвои муаззами миллат муҳтарам Эмомалӣ Раҳмон ва бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон рӯзҳои 10-15-уми июли соли 2023 бахшида ба ҷашни Ваҳдати миллӣ, бо мақсади таҳкими пойдории бузургтарин дастоварди замони истиқлол – сулҳу оромӣ, суботи сиёсӣ, ваҳдати миллӣ, тақвияти корҳои фаҳмондадиҳӣ ва тарғиботию ташвиқотӣ дар байни занону модарон ва наврасону ҷавонон чорабиниҳои таблиғотӣ таҳти унвони “Модарони Ваҳдатсаро” ҳайати корвон ба назди шумо – сарбозон ташриф овардаанд.

ТАШРИФИ КОРВОНИ “МОДАРОНИ ВАҲДАТСАРО” БА ШАҲРИ ГУЛИСТОН

Ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи нақшаи кории Кумитаи кор бо занон ва оилаи назди Ҳукумати Ҷумҳурии Тоҷикистон рӯзҳои 10-15-уми июли соли 2023 бахшида ба ҷашни Ваҳдати миллӣ, бо мақсади таҳкими пойдории бузургтарин дастоварди замони истиқлол – сулҳу оромӣ, суботи сиёсӣ, ваҳдати миллӣ, тақвияти корҳои фаҳмондадиҳӣ ва тарғиботию ташвиқотӣ дар байни занону модарон ва наврасону ҷавонон чорабиниҳои таблиғотӣ таҳти унвони “Модарони Ваҳдатсаро” дар ҳудуди шаҳру ноҳияҳои Вилояти Суғд ба нақша гирифта шудааст.

Бо ин мақсад,  корвони “Модарони ваҳдатсаро”, аз вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе ва ноҳияҳои тобеи ҷумҳурӣ ба шаҳри Гулистон ташриф оварданд.

НАТИҶАҲОИ РУШДИ ИҶТИМОИЮ ИҚТИСОДИИ ШАҲР ДАР ДАВОМИ НИМСОЛАИ АВВАЛЛИ СОЛИ 2023 ҶАМЪБАСТ ГАРДИД

Имрӯз 11 июли соли 2023, дар толори калони Мақомоти иҷроияи ҳокимияти давлатии шаҳри Гулистон маҷлиси фаъолони шаҳр доир гардид, ки дар он натиҷаҳои фаъолияти соҳаҳои хоҷагии халқи шаҳр дар давоми нимсолаи аввали соли 2023 мавриди таҳлилу баррасӣ қарор дода шуд.

Дар маҷлиси фаъолон муовинон ва роҳбари дастгоҳи раиси шаҳр, мудирони шуъбаву бахшҳо ва роҳбарони сохторҳои мақомоти иҷроияи ҳокимияти давлатии шаҳр, роҳбарони мақомотҳои ҳифзи ҳуқуқ, расиони ҷамоати шаҳракҳо, роҳбарони корхонаҳои саноатӣ, инчунин муовини роҳбари гурӯҳи корӣ оид ба таҷлили Ҷашни 35-солагии Истиқлоли давлатии Ҷумҳурии Тоҷикистон Муҳаммадӣ Абдусатторзода ва мудири бахши бойгонии Мақомоти иҷроияи ҳокимияти давлатии вилояти Суғд Зайнура Шарифӣ иштирок намуданд.

Раиси шаҳри Гулистон Раъно Ҳошимзода кори маҷлисро оғоз намуд. Муовини якуми Раиси шаҳр Даврон Муҳаммадзода доир ба натиҷаҳои фаъолияти соҳаҳои хоҷагии халқи шаҳри Гулистон дар нимсолаи аввали соли 2023 маърӯза намуд.

Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Узбекистон Шавкат Мирзиёев барқияи шодбошӣ ирсол намуданд

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Ҷумҳурии Узбекистон муҳтарам Шавкат Мирзиёев барқияи шодбошӣ ирсол намуданд, ки дар он гуфта мешавад:

«Муҳтарам Шавкат Миромонович,

Табрикоти самимии моро ба муносибати пирӯзии қатъиятон дар интихоботи Президенти Ҷумҳурии Узбекистон бипазиред.

Натиҷаҳои ин рӯйдоди муҳими сиёсӣ далели равшани нуфузи баланди Шумо, эътимод ва ҳимояи қавии мардуми Узбекистон аз роҳи стратегиатон мебошад, ки ба навсозии устувори иҷтимоию иқтисодии кишвар ва тақвияти пайвастаи мавқеи он дар арсаи байналмилалӣ нигаронида шудааст.