ДАВРИ ШАҲРИИ ОЗМУНИ ҶУМҲУРИЯВИИ “ДАСТАРХОНОРОӢ” БАРГУЗОР ГАРДИД

Имрӯз, 24.07.2023 дар тарабхонаи “Манижа”-и шаҳр даври шаҳрии озмуни ҷумҳуриявии “Дастархонороӣ” баргузор карда шуд. дар озмуни мазкур ҷамоати шаҳракҳо ва дигар муассисаҳо иштирок намуданд.

Муовини Раиси шаҳри Гулистон Шарифҷони Саидраҳмон зимни суҳбат зикр намуд, ки бо мақсади амалисозии банди 32 Амри Президенти Ҷумҳурии Тоҷикистон аз 3 январи соли 2023, №АП-318 Ҷадвали баргузории фестивал, намоиш, ид, озмунҳои анъана ва ҳунарҳои мардумӣ ва ҷашну солгардҳо дар Ҷумҳурии Тоҷикистон барои соли 2023 ва иҷрои қарори Раиси шаҳр даври шаҳрии озмуни ҷумҳуриявии "Дастархонороӣ" баргузор гардида истодааст.

Ҳадафи озмуни мазкур татбиқи муваффақонаи Қонуни Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон", дар амал татбиқ намудани дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати эҳё ва рушди суннату анъана ва ҳунарҳои мардумӣ оростани дастархон буда, имконият фароҳам меорад, ки бо истифодаи сарфакории моҳирона сифати дастархонороӣ дар тӯю маъракаҳо беҳтар гардад.

МАРОСИМИ ҶОИЗАСУПОРИИ ҒОЛИБОНИ ДАВРИ ШАҲРИИ ОЗМУНҲОИ ҶУМҲУРИЯВӢ ДОИР ГАРДИД

Имрӯз, 24.07.2023 дар толори калони мақомоти иҷроияи ҳокимияти давлатии шаҳр маросими ҷоизасупории ғолибони даври шаҳрии озмунҳои ҷумҳуриявии “Фурӯғи субҳи доноӣ китоб аст”, “Илм – фурӯғи маърифат”, “Тоҷикон” – оинаи таърихи миллат” баргузор гардид.

Раиси шаҳри Гулистон Раъно Ҳошимзода зимни суханронии хеш аз суханронии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии кишвар ёдовар гардида, таъкид намуд, ки: “Мо мактабро ба ҳайси боргоҳи илму дониш, саводу маърифат ва омӯзгорро чун шахси мафкурасозу тарбиятгари насли наврас эътироф карда, ба онҳо арҷу эҳтиром гузоштанро аз ҷумлаи масъалаҳои муҳимтарин медонем. Зеро агар мактаб ва омӯзгор набошад, сатҳи маърифатнокии мардум паст мегардад, миллат бесавод мемонад, ҷомеа ба ҷаҳолат гирифтор мешавад ва дар натиҷа оромиву сулҳу субот, амнияту осоиш ва муҳимтар аз ҳама, рушди давлат сахт халалдор мегардад.

Корҳои фаҳмондадиҳӣ бо сокинони шаҳраки Адрасмон доир ба захираи дусолаи маводи озуқаворӣ

Имрӯз, 22.07.2023 тибқи нақшаи кории мақомоти иҷроияи ҳокимияти давлатии шаҳри Гулистон ҳайати гурӯҳи таблиғотӣ бо сокинони шаҳраки Адрасмон тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба захираи дусолаи маводи озуқаворӣ корҳои фаҳмондадиҳӣ доир намуданд.

Гурӯҳи таблиғотӣ дар ҳайати муовини Раиси шаҳри Гулистон Шарифҷони Саидраҳмон, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, мудири бахши кор бо ҷавонон ва варзиши шаҳр Аҳлиддин Абдураҳмонов, и.в. мудири бахши кор бо занон ва оилаи мақомоти иҷроияи ҳокимияти давлатии шаҳр Матлуба Сатторова ва раиси ҷамоати шаҳрак Сарҳад Баротзода бо сокинон вохӯрда, аз рафти захираи маводҳои озуқаворӣ барои давраи зимистон ва захираи маводҳои озуқавории зарурӣ барои то ду сол дидан карда, суҳбат намуданд.