Баргузории ҷаласаи Шӯрои ҳамоҳангсозии фаъолияти мақомоти ҳифзи ҳуқуқи шаҳри Гулистон

Санаи 31 марти соли 2022 дар толори Мақомоти иҷроияи ҳокимияти давлатии шаҳри Гулистон таҳти раёсати Раиси Шӯрои ҳамоҳангсозии фаъолияти мақомоти ҳифзи ҳуқуқи шаҳр, прокурори шаҳр Вазирзода Вазир Зокир ҷаласаи навбатии Шӯро баргузор гардид. Дар кори ҷаласа, аъзои Шӯро, роҳбарони мақомоти ҳифзи ҳуқуқ, иҷрокунандаи вазифаи раиси шаҳр Раъно Ҳошимзода ва раиси суди шаҳр Фарҳод Абдуллозода иштирок намуданд.

Ба ҷаласаи Шӯро муовин ва роҳбари дастгоҳи раиси шаҳр, сардори раёсат, шуъбаву бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, раисони ҷамоатҳо, роҳбарони корхонаҳои саноатӣ, сардорони шуъбачаҳои милитсияи ҷамоатҳо ва минтақаи осоишгоҳ ва нозирони минтақавии милитсия даъват шуданд.

ПАЁМИ ШОДБОШИИ Пешвои миллат Эмомалӣ Раҳмон ба муносибати фарорасии моҳи шарифи Рамазон

01.04.2022, шаҳри Душанбе

Ҳамватанони азиз!

Ҳамаи шуморо ба муносибати моҳи шарифи Рамазон, ки фардо фаро мерасад, самимона табрик гуфта, ба ҳар хонадони кишвар файзу баракат, рӯзгори ободу осуда ва сулҳу оромӣ орзу менамоям.

Моҳи Рамазон инсонро ба сабру таҳаммул, қаноату парҳезкорӣ, раҳму шафқат ва некиву накӯкорӣ ҳидоят карда, имони ӯро комил, иродаашро қавӣ ва зоҳиру ботинашро пок мегардонад.

Дар ин моҳи муборак, баробари ба ҷо овардани фаризаву суннатҳои динӣ, иҷрои амалҳои солеҳ, аз ҷумла хайру эҳсон ва дастгириву навозиши ятимону маъюбон ва камбизоатҳову муҳтоҷон аз сифатҳои шоиставу башардӯстонаи ҳар як мусулмони савобҷӯ мебошанд.

Бовар дорам, ки на танҳо соҳибкорону тоҷирон, балки ҳар як инсони хайрхоҳу ҳимматбаланд дар ин моҳи шариф иқдому аъмоли неку писандидаи худро густариш мебахшад ва бо саховату ҷавонмардӣ намунаи ибрат нишон дода, соҳиби савоби зиёд мегардад.

Баргузории даври шаҳрии суҳбат-озмуни квотаи Президенти Ҷумҳурии Тоҷикистон барои солҳои 2022-2023

Бо мақсади таъмини иҷрои қарори Ҳукумати Ҷумҳурии Тоҷикистон  аз 1 майи соли 2020, №254 “Дар бораи қабули донишҷӯён ба муассисаҳои таҳсилоти олии касбии Ҷумҳурии Тоҷикистон тибқи квотаи Президенти Ҷумҳурии Тоҷикистон ва қарори Раиси шаҳри Гулистон аз 14.03.2022, №72 “Дар бораи таъсиси Комиссияи шаҳрӣ оид ба қабули донишҷӯён   ба муассисаҳои олии кишвар тибқи квотаи Президенти Ҷумҳурии Тоҷикистон барои солҳои 2022-023” санаи 29.03.2022 дар муассисаи таҳсилоти миёнаи умумии №1-и маркази шаҳр даври шаҳрии озмуни Квотаи Президентӣ баргузор гардид. Мудири шуъбаи маорифи Мақомоти иҷроияи ҳокимияти давлатии шаҳр Мирзозода Нуммуҳаммад озмунро ҳусни оғоз бахшид. Дар озмун аъзои Комиссия ва ҳайати ҳакамон иштирок доштанд.

Мавриди зикр аст, ки ба шаҳри Гулистон тибқи "Нақшаи қабули донишҷӯён ба муассисаҳои таҳсилоти олии касбии ҷумҳурӣ тибқи квотаи Президенти Ҷумҳурии Тоҷикистон барои соли таҳсили 2022-2023", ки бо супориши муовини Сарвазири Ҷумҳурии Тоҷикистон аз 7 январи соли 2022, №19182 (26.5) тасдиқ гардидааст дар маҷмуъ 19 адад квота муқаррар гардидааст, ки аз ин теъдод 10 адад барои духтарон аз рӯи ихтисосҳои математика, физика-информатика, биология, химия, забон ва адабиёаи рус, забони хориҷӣ, технология (омӯзгор-муҳандис), таҳсилоти ибтидоии томактабӣ, психология (Донишгоҳи давлатии Хуҷанд ба номи академик Бобоҷон Ғафуров) ва кори табобатӣ (Донишгоҳи давлатии тиббии Тоҷикистон ба номи Абӯалӣ ибни Сино) ва 9 адад барои писарон аз рӯйи ихтисосҳои забони хориҷӣ (англисӣ), технология (омӯзгор-муҳандис), физика математика, информатика (МДТ "Донишгоҳи давлатии Хуҷанд ба номи академик Бобоҷон Ғафуров"), кори табобатӣ (Донишгоҳи давлатии тиббии Тоҷикистон ба номи Абӯалӣ ибини Сино), математика (Донишгоҳи давлатии омӯзгории Тоҷикистон ба номи Садриддин Айнӣ), химияи татбиқӣ (фаъолияти илмию таҳсилотӣ) (Донишгоҳи миллии Тоҷикистон), забон ва адабиёти рус (Донишгоҳи давлатии Хоруғ ба номи М. Назаршоев) ва тарбияи ҷисмонӣ (Донишкадаи тарбияи ҷисмонии Тоҷикистон ба номи Саидмуъмин Раҳимов) муқаррар гардидааст.

Имрӯз маҷлиси Ҳукумати Ҷумҳурии Тоҷикистон баргузор гардид

30 март таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар кори маҷлис нахуст дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2022-2023 ҳисоботи вазири рушди иқтисод ва савдо Завқӣ Завқизода шунида шуд.

Таъкид гардид, ки ҳадаф аз таҳияи қарори Ҳукумати Ҷумҳурии Тоҷикистон муайян намудани супоришу тадбирҳо вобаста ба ҳалли масъалаҳои омодагии соҳаҳои иқтисодиёт ва иҷтимоиёти ҷумҳурӣ ба мавсими тирамоҳу зимистони солҳои 2022-2023 мебошад.