Боздид аз ҷараёни корҳои ободониву созандагӣ ба муносибати Ҷашни 35-солагии Истиқлоли давлатӣ аз шаҳраки Чоруқдаррон

Санаи 15.06.2023 муовини роҳбари гурӯҳи корӣ оид ба ҷашни 35-солагии Истиқлоли давлатӣ Муҳаммадӣ  Аблусатторзода бо ҳамроҳии гурӯҳӣ корӣ аз ҳисоби кормандони мақомоти иҷроияи ҳокимияти давлатии шаҳр доир ба рафти корҳои ободониву созандагӣ ба муносибати Ҷашни 35-солагии Истиқлоли давлатӣ дар Ҷамоати шаҳраки Чоруқдаррон дидан намуданд.

Нахуст гурӯҳи корӣ аз МТТ №5-и шаҳрак дидан намуд. Дар муассис барои ба таълим фаро гирифтани 170 нафар кӯдак шароит муҳайё мебошад. Ҷиҳати насби системаи ягонаи гармидиҳӣ ба муассиса 300000 (сесад ҳазор) сомонӣ маблағ ҷудо гардидааст, ки то  ҷашни Истиқлоли давлатӣ дар соли равон мавриди баҳрабардорӣ қарор дода мешавад.

Сипас, гурӯҳи корӣ аз маркази саломатии шаҳрак дидан намуд. Итилоъ дода шуд, ки дар муассиса таъмири ҷорӣ ба маблағи 600000 (шашсад ҳазор) сомонӣ ба анҷом расонида шудааст. Аз ҳисоби саховатмандони шаҳрак саҳни муассисаи сафолакпӯш карда шудааст. Муассиса соли 1940 сохта ба истифода дода шудааст. Аз 13 утоқи корӣ иборат мебошад.

Боздид аз ҷараёни корҳои ободониву созандагӣ ба муносибати Ҷашни 35-солагии Истиқлоли давлатӣ аз шаҳраки Консой

Санаи 15.06.2023 муовини роҳбари гурӯҳи корӣ оид ба ҷашни 35-солагии Истиқлоли давлатӣ Муҳаммадӣ Абдусатторзода бо ҳамроҳии гурӯҳӣ корӣ аз ҳисоби кормандони мақомоти иҷроияи ҳокимияти давлатии шаҳр доир ба рафти корҳои ободониву созандагӣ ба муносибати Ҷашни 35-солагии Истиқлоли давлатӣ дар Ҷамоати шаҳраки Консой дидан намуданд.

Гурӯҳи корӣ нахуст аз МТМУ №3-и шаҳрак дидан намуд. Иттилоъ дода шуд, ки муассисаи таълимии мазкур соли 1932 сохта ба истифода дода шудааст. Дар муассиса 911 нафар хонанда таҳсил мекунанд. Тибқи нақша барои таъмири боми муассиса 400000 (чорсад ҳазор) сомонӣ маблағ ҷудо карда мешавад. Алҳол 35 синфхонаи муассиса аз тарафи падару модарон таъмири ҷорӣ карда шудааст. Системаи ягонаи гармидиҳии муассиса насб карда шудааст. Сарулибоси мактабӣ барои хонандагон аз ҶСК “Равшан”, ки дар ҳудуди шаҳрак фаъолият дорад таъмин карда мешавад.

Президенти Ҷумҳурии Тоҷикистон Эмомалӣ Раҳмон машварати корӣ доир намуданд

15 июн дар бинои Ҳукумати Ҷумҳурии Тоҷикистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо иштироки аъзои Ҳукумати мамлакат, роҳбарони сохторҳои Дастгоҳи иҷроияи Президенти Ҷумҳурии Тоҷикистон, ёрдамчиёни Президенти Ҷумҳурии Тоҷикистон, роҳбарони як қатор идораву кумитаҳои давлатӣ, раиси Вилояти Мухтори Кӯҳистони Бадахшон, раисони вилоятҳои Суғду Хатлон, Раиси шаҳри Душанбе ва роҳбарони шаҳру ноҳияҳои тобеи марказ машварати корӣ доир намуданд.

Дар кори машварат масъалаҳо вобаста ба рушди бахшҳои иқтисоди миллӣ, омодагии ҳамаҷониба ҷиҳати дар сатҳи баланди тадорукотӣ баргузор намудани як қатор чорабиниҳои байналмилалӣ, вусъати корҳои ободонӣ ба хотири истиқболи сазовори Ҷашни умумимиллии 35-солагии Истиқлоли давлатӣ ва дигар тадбирҳои ободонию созандагӣ мавриди баррасӣ қарор дода шуд.

ВАҲДАТ - САРЧАШМАИ СУЛҲУ СУБОТ

Имрӯз, 15.06.2023 тибқи нақшаи тасдиқгардида аз ҷониби Мақомоти иҷроичи ҳокимияти давлатии вилояти Суғд ва мақомоти иҷроичи ҳокимияти давлатии шаҳр дар толори Муассисаи лавлатии "Маркази таҳсилоти иловагӣ"-и шаҳр  ба ифтихори 26-умини солгарди Рӯзи Ваҳдати миллӣ Рӯзи ягонаи ахбори сиёсӣ таҳти унвони "Ваҳдат - сарчашмаи сулҳу субот" бо иштироки кормандони соҳаи маориф, фарҳанг, тандурустӣ, коллеҷи тиббӣ ва воҳидҳои сохторӣ баргузор карда шуд.

Дар чорабинии мазкур Шарифҷони Саидраҳмон муовини Раиси шаҳр, Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр,  Саидов Саидумрон дотсенти МДТ "Донишгоҳи давлатии Хуҷанд ба номи академик Бобовон Ғафуров" ва  Салимов Эраҷ устоди донишгоҳи мазкур иштирок ва суханронӣ намуданд.

Зикр карда шуд, ки мардуми тоҷик пас аз ҳазор соли аз байн рафтани давлати Сомониён санаи 9 сентябри соли 1991 бо эълон гардидани Эъломияи Истиқлоли Тоҷикистон боз аз нав соҳибдавлат гардиданд. Номи Тоҷикистони навин, ки фарзандони ин сарзамин бо илму фарҳанги хеш асрҳо қалби оламиёнро тасхир намуда буданд дар харитаи сиёсии ҷаҳон арзи ҳастӣ намуд.