ҶАВОНОН – НЕРУИ СОЗАНДАИ КИШВАР

Имрӯз, 18.05.2023 тибқи нақшаи кории мақомоти иҷроияи ҳокимияти давлатии шаҳр дар Муассисаи ғайридавлатии коллеҷи тиббии шаҳр Рӯзи ягонаи ахбори сиёсӣ дар доираи моҳвораи ҷавонон таҳти унвони “Ҷавонон – неруи созандаи кишвар” баргузор гардид.

Дар вохӯрии мазкур Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Аҳлиддин Абдураҳмонов мудири бахши кор бо ҷавонон ва варзиши шаҳр ва муовини Муассисаи ғайридавлатии коллеҷи тиббии шаҳр Аслонов Комилҷон иштирок ва суханронӣ намуданд.

Таъкид карда шуд, ки дар воқеъ ҷавонон неруи созандаи кишвар маҳсуб меёбанд. Ҳукумати кишвар ҷиҳати дастгирии сиёсати давлатии ҷавонон як қатор тадбирҳои заруриро ба роҳ мондааст. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олии кишвар таъкид намуда буданд, ки: “Ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои ҳаёти давлат ва ҷомеа бисёр арзишманд ва назаррас мебошад. Мо бо ҷавонони кишвари худ ифтихор дорем, зеро онҳо дар рушди давлат ва ободии Ватан фаъолона саҳм мегузоранд, марзу буми сарзамини аҷдодиро ҳимоя мекунанд, ватандӯсту ватанпараст, бонангу номусанд ва ба халқу давлати Тоҷикистон содиқ мебошанд”.

Даври шаҳрии озмуни ҷумҳуриявии "Илм - фурӯғи маърифат" оғоз гардид

Имрӯз, 17.05.2023 дар толори муассисаи таҳсилоти миёнаи умумии №1-и маркази шаҳри Гулистон даври шаҳрии озмуни ҷумҳурияви "Илм - фурӯғи маърифат" оғоз гардид. Дар марҳилаи кушодашавии даври шаҳрии озмун Ғайрат Оқилзода муовини Раиси шаҳр, раиси комиссияи озмун иштирок ва суханронӣ намуд.

Таъкид карда шуд, ки тибқи амри Президенти Ҷумҳурии Тоҷикистон аз 2 феврали соли 2023, №АП-331 дар кишвар озмуни ҷумҳуриявии озмуни ҷумҳуриявии «Илм-фурӯғи маърифат» баргузор карда мешавад.

Бо мақсади таъмини иҷрои Амри Президенти Ҷумҳурии Тоҷикистон аз 2 феврали соли 2023, №АП-331„ қарори Раиси вилояти Суғд аз 10.03.2023, №88, қарори Раиси шаҳри Гулистон аз 10.05.2023, №109 ба тасвиб расидааст.

Боздиди Раиси вилоят аз​ Неругоҳи барқи обии «Қайроққум»​

Раиси вилояти Суғд Раҷаббой Аҳмадзода аз​ Неругоҳи барқи обии «Қайроққум» боздид намуда, бо ҷараёни корҳои таҷдиду бозсозии иншооти муҳими гидроэнергетикӣ шинос гардид.​

Лоиҳаи «Таҷдиди Неругоҳи барқи обии “Қайроққум”​ бо дастуру ҳидоятҳои Пешвои миллат муҳтарам Эмомалӣ Раҳмон аз соли 2019 инҷониб амалӣ гардида, бо татбиқи пурраи лоиҳа​ таҷдиди таҷҳизоти асосию ёрирасони неругоҳ, дастгоҳи тақсимкунандаи 110-киловолта ва таъмиру барқарорсозии иншооти гидротехникии он амалӣ​ мегардад. Иқтидори лоиҳавии ҳар як агрегати неругоҳ аз 21 мегаватт қариб то 30 ва дар маҷмӯъ тавоноии он аз 126 мегаватт то ба 176 мегаватт расонида шуда, иқтидори неругоҳ 50 мегаватт ва истеҳсоли миёнаи неруи барқ то ба 38 дар сад меафзояд.

Аёдати ҷавонони бемору ниёзманд ба муносибати Рӯзи ҷавонони Тоҷикистон

16 май Раиси вилояти Суғд Раҷаббой Аҳмадзода ба муносибати Рӯзи ҷавонони Тоҷикистон дар партави сиёсати инсондӯстонаи​ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Гулистон ҷавонони бемор ва дорои имконияти маҳдуди ҷисмониро аёдат намуда, онҳоро ба Рӯзи ҷавонони Тоҷикистон табрик гуфта,  ба онҳо кумакҳои моддӣ расонид.

Раиси вилоят нахуст дар шаҳри Гулистон маъюби гурӯҳи 2 Беҳрӯз Абдулатифзода ва Халичабегим Мирхоловаро ба аёдату ғамхорӣ фаро гирифт.

Раиси вилоят зимни аёдат таъкид кард, ки​ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҷавонон, бахусус беморону ниёзмандон таваҷҷуҳи хоса зоҳир намуда, дар ҳар сафари худ ба вилоят ятимону ниёзмандон мулоқот мекунанд ва ин қишри ҷомеа таҳти ғамхории доимии давлат аст.