Таҷлили Рӯзи сарҳадбонон

Имрӯз, 28.05.2023 ба муносибати 29-умин солгарди таъсисёбии Қушунҳои сарҳадии Кумитаи давлатии амнияти миллии Ҷумҳурии Тоҷикистон дар Ҷамоати шаҳраки Адрасмон дар қисми ҳарбии 0216-и РҚС КДАМ Ҷумҳурии Тоҷикистон Рӯзи сарҳадбонон таҷлил карда шуд.

Раиси Ҷамоати шаҳраки Адрасмон Баротзода Сарҳад аз номи мақомоти иҷроияи ҳокимияти давлатии шаҳр сарҳадбононро ба ин муносибат муборакбод намуд.

Зикр карда шуд, ки имрӯз ҷиҳати мустаҳкам намудани базаи ҳарбӣ ва фароҳам овардани шароити мусоид барои хизмати сарҳадбонон аз ҷониби Ҳукумати кишвар тадбирҳои мушаххас андешида шуда, дар қисмҳои ҳарбӣ шароитҳои зарурӣ барои хизмат фароҳам оварда шудааст.

Баргузории мизи мудаввар доир ба пешгирии ҷудошавии оилаҳо, хушунат дар оила ва ба касбомӯзӣ ҷалб намудани занон

Санаи 26.05.2023 оид ба пешгирии бекоршавии ақди никоҳ, баланд бардоштани мавқеи зан дар ҷомеа, бартараф намудани хушунат дар оила ва ба касбомӯзӣ ҷалб намудани занону бонувон мизи мудаввар ва семинар-тренинг дар маркази таълими калонсолон баргузор гардид.

Дар семинар-тренинг намояндагон аз маркази таълими калонсолон, занҳои хонашин ва занҳои болаёқат иштирок доштанд.

Иҷрокунандаи вазифаи мудири бахши кор бо занон ва оилаи шаҳр доир ба пешгирии ҷудошавии оилаҳо, пешгирии хушунат дар оила ва ҷалби занону бонувон ба касбомӯзӣ суханронӣ намуд.

Ҳамчунин, иштирокчиён низ доир ба ин мавзуъҳои фикру ақидаҳои хешро баён намуданд.

ТОЗАВУ ОЗОДА НИГОҲ ДОШТАНИ ШАҲР МАРОМИ МОСТ!

Имрӯз 27.05.2023 дар шаҳри Гулистон ҳашари умумишаҳрӣ ҷиҳати тозаву озода намудани шаҳр баргузор гардид.

Дар ҳашари умумишаҳрӣ  кормандони Мақомоти иҷроияи ҳокимияти давлатии шаҳр, ташкилоту корхона, муассисаҳои соҳаи маориф, фарҳанг, тандурустӣ, мактаби варзишӣ ва дигар соҳаҳои хоҷагии халқи шаҳр фаъолона иштирок намуданд.

Ҳифз  намудани табиат ва тозаю озода нигоҳ доштани гирду атроф ба инсонҳо вобастагии комил дошта, қарзи ҳамешагии шаҳрвандии мо мебошад.  Бо ин мақсад ҳашарчиён гирду атрофи корхонаву муассисаҳо, мавзеъҳои истироҳатӣ, шафати роҳи асосӣ, гирду атрофи нуқтаҳои савдо ва кӯчаву хиёбонҳои шаҳрро аз ҳама гуна хасу хошок, баргҳои дарахтон ва партовҳо тоза намуданд.

Баргузории машқҳои пагоҳирӯзӣ таҳти унвони "Миллати ҷисман солим, руҳан низ муқтадир ва шикастнопазир мебошад" дар маркази шаҳри Гулистон

Имрӯз, 27 майи соли 2023 бо мақсади тарғибу ташвиқи тарзи ҳаёти солим дар майдони Парчами давлатии Ҷумҳурии Тоҷикистон дар шаҳри Гулистон бо иштироки кормандони Мақомоти иҷроияи ҳокимияти давлатии шаҳр, ташкилоту муассисаҳо, наврасону ҷавонон  ва сокинон, машқи пагоҳирӯзӣ таҳти унвони "Миллати ҷисман солим, руҳан низ муқтадир ва шикастнопазир мебошад" доир гардид.

Дар машқи пагоҳирӯзӣ кормандони мақомоти иҷроияи ҳокимияти давлатии шаҳр, корхонаву муассисаҳо, ҷавонони муассисаҳои таълимӣ ва донишҷӯёни коллеҷи тиббии шаҳр иштирок намуданд.