Вохӯрии судманд доир ба шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон"

Санаи 14.06.2023 тибқи нақшаи кории тасдиқгардидаи мақомоти иҷроияи ҳокимияти давлатии шаҳр ва нақшаи кории филиали Иттифоқи ҷавонони Тоҷикистон дар шаҳр ҷиҳати шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон"  ва "Ваҳдат сарчашмаи сулҳу суботи кишвар" дар Ҷамоати шаҳраки Консой бо аҳли кормандон ва сокинон баргузор карда шуд.

Дар вохӯрии мазкур муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, мудири бахши бойгонӣ Абдуллоев Муродҷон ва раиси ҷамоати шаҳраки Консой Амир Муҳаббатов иштирок ва суханронӣ намуданд.

Зикр карда шуд, ки Қонуни Ҷумҳурии Тоҷикистон "Дар бораи тарбияи ватандӯстии шаҳрвандон" 24.12.2022, №1920 қабул гардида, аз 5 боб ва 21 модда иборат мебошад.

Вохӯрии судманд доир ба шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон"

Имрӯз, 13.06.2023 тибқи нақшаи кории тасдиқгардидаи мақомоти иҷроияи ҳокимияти давлатии шаҳр ва нақшаи кории филиали Иттифоқи ҷавонони Тоҷикистон дар шаҳр ҷиҳати шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон" бо аҳли кормандони беморхонаи марказии шаҳр вохӯрӣ баргузор карда шуд.

Дар вохӯрии мазкур мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, мудири бахши кор бо ҷавонон ва варзиши шаҳр Аҳлиддин Абдураҳмонов ва сардухтури беморхонаи марказӣ Иброҳимов Иброҳим иштирок ва суханронӣ намуданд.

Зикрк карда шуд, ки Қонуни Ҷумҳурии Тоҷикистон "Дар бораи тарбияи ватандӯстии шаҳрвандон" 24.12.2022, №1920 қабул гардида, аз 5 боб ва 21 модда иборат мебошад.

Шиносоӣ бо фаъолияти корхонаи муштараки «Апрелевка»

Тоҷикистон дорои захираҳои бойи табиӣ буда, бо андешидани тадбирҳои муҳим аз ҷониби Ҳукумати Ҷумҳурии Тоҷикистон ин захираҳо оқилонаву самаранок истифода мешавад. Бунёди корхонаҳои саноатӣ, ки самти фаъолияташон ба истихроҷу коркард ва истеҳсоли маҳсулоти саноатӣ нигаронида шудааст, ба рушди соҳаи саноат замина гузошт.

Баҳри дар амал татбиқ намудани ҳадафҳои созанда дар доираи ҳадафи стратегӣ эълон шудани саноатикунонии кишвар дар корхонаи «Апрелевка» тадбирҳои муҳим амалӣ мегардад. Зимни шиносоӣ бо фаъолияти корхона ба Раиси вилояти Суғд Раҷаббой Аҳмадзода маълумот дода шуд, ки барои зиёд намудани ҳаҷми истеҳсолот ва истифодаи самаранок аз иқтидорҳои истеҳсолӣ нақшаҳо тарҳрезӣ шудааст.​

Раиси вилоят фаъолияти самарабахши чунин корхонаҳои азими саноатиро​ ​ ​ дар рушди соҳа, ғанӣ гардидани буҷети маҳал ва таъмини сокинон бо кори доимӣ муҳим арзёбӣ кард. Корхонаи муштараки «Апрелевка» дуюмин корхонаи калонтарини шаҳри Гулистон ба ҳисоб рафта, дар 5 моҳи соли равон ба маблағи 81,8 млн. сомонӣ маҳсулот истеҳсол намудааст.

Гулистон: Даври шаҳрии озмуни ҷумҳуриявии “Тоҷикон”-оинаи таърихи миллат” баргузор гардид

Имрӯз, 12.06.2023 дар толори Муассисаи давлатии “Маркази таҳсилоти иловагӣ”-и шаҳр даври шаҳрии озмуни ҷумҳуриявии «Тоҷикон» - оинаи таърихи миллат» баргузор карда шуд.

Лозим ба зикр аст, ки ҷиҳати баргузории озмуни ҷумҳуриявии «Тоҷикон» - оинаи таърихи миллат» ба ифтихори 115-солагии академик Бобоҷон Ғафуров Амри Президенти Ҷумҳурии Тоҷикистон аз «7» июли соли 2022, №АП-227 ба тавсиб расида, дар ин замина қарори Раиси вилояти Суғд аз 12.09.2022, №367 ва қарори Раиси шаҳр аз 05.12.2022, №260 ба тасвиб расидааст.

Озмуни ҷумҳуриявии «Тоҷикон» – оинаи таърихи миллат» бо мақсади арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корномаҳои шоистаи ниёгони миллати тоҷик дар тули таърих, тақвияти ҳисси худогоҳӣ ва худшиносии миллӣ, ифтихори ватандорӣ, таҳкими ҳофизаи таърихӣ ва ба ин васила, шинохти нақши халқи куҳанбунёду фарҳангсолори тоҷик дар рушди тамаддуни инсоният, ки бо далелҳои раднопазир ва бо такя ба сарчашмаҳои илмию таърихӣ дар китоби мондагору пурарзиши академик Бобоҷон Ғафуров «Тоҷикон» ва дигар асарҳои таърихӣ инъикос ёфтааст, ба ифтихори 115-солагии академик Бобоҷон Ғафуров таҳти сарпарастии Президенти Ҷумҳурии Тоҷикистон дар соли 2023 доир мегардад.