Ба имзо расидани як қатор қонунҳо аз ҷониби Президенти Ҷумҳурии Тоҷикистон

Дирӯз аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон якчанд қонунҳо ба имзо расонида шуданд.

Қонунҳои Ҷумҳурии Тоҷикистон “Дар бораи ҳунармандӣ”, “Дар бораи чарогоҳ”, оид ба ворид намудани тағйиру иловаҳо ба қонунҳои Ҷумҳурии Тоҷикистон “Дар бораи санҷиши фаъолияти субъектҳои хоҷагидор”, «Дар бораи иҷозатномадиҳӣ ба баъзе намудҳои фаъолият», кодексҳои ҷиноятӣ, ҳуқуқвайронкунии маъмурӣ, гумрук ва андоз аз ҷумлаи онҳо мебошанд.

Қонуни Ҷумҳурии Тоҷикистон “Дар бораи ҳунармандӣ”, ҷиҳати иҷрои Паёми Президенти Ҷумҳурии Тоҷикистон, мӯҳтарам Эмомалӣ Раҳмон аз 26 декабри соли 2018 ва “Солҳои рушди деҳот, сайёҳӣ ва ҳунарҳои мардумӣ” эълон шудани солҳои 2019-2021 таҳия ва қабул гардида, ба дастгирии давлатии соҳибкорӣ ва беҳдошти соҳаи сайёҳӣ, ба хусус рушди ҳунарҳои мардумӣ ва баланд бардоштани сатҳу сифати зиндагии мардум равона шудаанд.

МАШҒУЛИЯТҲОИ СУДМАНД

Дар толори бахши ҳифзи муҳити зисти шаҳри Гулистон тибқи барномаи “Сиёсати давлатии муқовимат бо коррупсия дар Ҷумҳурии Тоҷикистон” курси сайёри такмили ихтисос барои намояндагони маќомоти давлатии муборизабаранда ба муқобили коррупсия - намояндагони мақомоти прокуратура, Вазорати корҳои дохилӣ, кумитаи давлатии амнияти миллӣ ва Агентии назорати давлатии молиявӣ ва мубориза бо коррупсияи вилотяи Суғд дар давоми се рӯз доир гардид.

Дар машғулиятҳои курси сайёр масоили заминаҳои ҳуқуқии хизмати давлатӣ дар Ҷумҳурии Тоҷикистон, идеологияи миллӣ ҳамчун омили муҳими худшиносии миллӣ, куррупсия ҳамчун зуҳуроти иҷтимоӣ:манбаъ ва омилҳои он, одоби касбии хизматчии давлатӣ, ташаккули ҷаҳонбинии зиддикоррупсионӣ ва тарбияи ҳуқуқии шаҳрвандон, имиҷи хизматчии давлатӣ: принсипҳои методологӣ ва хусусиятҳои ташаккулёбӣ, давлати иҷтимоӣ ва моделҳои он: таҷрибаи ҷаҳонӣ ва Тоҷикистон, этика ва поквиҷдонӣ, малакаи суханварӣ дар хизмати давлатӣ, нақши хизматчии давлатӣ дар пешгирии гаравиши ҷавонон ба ҳизбу ҳаракатҳои тундрав мавриди омӯзиш қарор дода шуда, мизи мудаввар дар мавзӯи “Ҷанбаҳои асосии пешгирии ҳолатҳои коррупсионӣ дар Ҷумҳурии Тоҷикистон:ҳолат ва дурнамо” баргузор гардид.

ВАҲДАТ-САРЧАШМАИ СУЛҲУ СУБОТИ КИШВАР

Дар ҳудуди шаҳри Гулистон тибқи нақшаи Мақомоти иҷроияи ҳокимияти давлатии вилоят ва шаҳр дар мавзӯи «Ваҳдат-сарчашмаи сулҳу суботи кишвар» муташаккилона Рӯзи ягонаи хониши сиёсӣ баргузор гардид.

Дар 43 корхонаву муассиса, идораву ташкилотҳои ҳудуди шаҳр ва ҷамоати шаҳракҳо бо намояндагони соҳаҳои гуногуни хоҷагии халқ ва иштироки васеи ҷомеаҳои меҳнатӣ хониши сиёсӣ ба роҳ монда шуд. Дар баргузории хониши сиёсӣ тарғиботчиёни маҳаллӣ ва кормандони Мақомоти иҷроияи ҳокимияти давлатии шаҳр доир ба мавзӯи Рӯзи ягонаи ахбори сиёсӣ маърӯзаҳо карданд. Дар шаҳракҳо бошад хониши сиёсӣ бо иштироки тарғиботчиёни маҳаллӣ ба роҳ монда шуд. Зикр гардид, ки муҷиби сарфарозист, ки таҷрибаи сулҳи тоҷикон, ки меъмори он Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон мебошанд, аз ҷониби созмонҳои муътабари ҷаҳонӣ ҳамчун падидаи нодир ва омӯзанда эътироф гардид ва дар тӯли 22 соли сипаришуда хадафмандӣ ва устувории бештареро, чӣ дар дохили кишвар ва чӣ дар арсаи байналмилалӣ баҳри рафъи ихтилофот касб намуд.

КОРВОН ДАР ГУЛИСТОН

Тибқи нақшаи чорабинии Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба ҷашни Ваҳдати миллӣ, бо мақсади таҳкими сулҳу субот дар ҷомеа ва мубодилаи таҷриба байни мақомоти кор бо занон ва оила чорабинии сиёсиву фарҳангӣ ва маърифатӣ таҳти унвони «Корвони модарони Ваҳдатсаро» дар шаҳри Гулистон баргузор гардид. Меҳмононро Раиси шаҳри Гулистон Фирдавс Шарифзода ва сокинони шаҳри соҳили “Баҳри тоҷик” дар даромадгоҳи шаҳри Гулистон гарму ҷӯшон истиқбол намуданд.

Дар ин чорабинӣ намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, Раёсати кор бо занон ва оилаи вилояти Суғд ва бахши занон ва оилаи шаҳру ноҳияҳои вилоят иштирок доштанд. Меҳмонон аз мактаби набунёди санъат, маркази атласу адрас дар ҷамоати шаҳраки Сирдарё, осорхонаи шаҳри Гулистон ва аз вазъи буду боши сарбозони қисми ҳарбии Кумитаи ҳолатҳои фавқулода ва мудофиаи граждании 45025 дидан намуданд. Шоми ҳамон рӯз дар осоишгоҳи Баҳористон барномаи марғуби фарҳангиву фароғатӣ аз ҷониби санъаткорони бахши фарҳанги шаҳр барои меҳмонон намоиш дода шуд.