Баргузории семинари омӯзишӣ бахшида ба Рӯзи забони давлатӣ дар ҚМ 37-уми ХДО оид ба муҳофизати шаҳри Гулистон

Санаи 03.02.2024 дар Қисми мустақили 37-уми ХДО оид ба муҳофизати шаҳри Гулистон бахшида ба Рӯзи забони давлатӣ бо иштироки ҳайати шахсии ниҳоди мазкур семинари омӯзишӣ доир гардид.

Дар семинари мазкур мутахассиси татбиқи забон дар мақомоти иҷроияи ҳокимияти давлатии шар Фаридуншоҳ Абдуллоев доир ба риояи талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», Комиссияи амалисозии Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва «Барномаи руди забони давлатӣ барои солҳои 2020-2030» маърӯза намуд.

Зикр карда шуд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавзуи ҳифзи асолати забонро ҳамеша зери назари қатъии хеш қарор додаанд ва дар ироаи яке аз Паёмҳояшон зикр намуданд, ки:  “Мо бояд ба рушди забони шево ва шоиронаи тоҷикӣ низ эътибори аввалиндараҷа диҳем. Чунки забони давлатӣ яке аз сарватҳои муқаддас ва гаронбаҳотарини мо мебошад. Дар шароити ҷаҳонишавӣ, яъне таҳоҷуми фарҳангиву забонӣ моро зарур аст, ки баробари омӯзиши забонҳои хориҷӣ, аз ҷумла русӣ ва англисӣ барои пешрафти забони тоҷикӣ ва тавсеаи доираи истифодаи он мунтазам кӯшиш ва ғамхорӣ намоем”.

ЗАБОНИ МИЛЛАТ-ҲАСТИИ МИЛЛАТ - Баргузории конференсияи шаҳрӣ бахшида ба Рўзи забони давлатӣ

Имрўз, 03.10.2024 тибқи нақшаи кории Мақомоти иҷроияи ҳокимияти давлатии шаҳри Гулистон ва бахши кор бо ҷавонон ва варзиши шаҳр бо мақсади иҷрои нақшаи чорабиниҳои “Барномаи рушди забони давлатӣ барои солҳои 2020-2030 дар шаҳри Гулистон”, нақшаи чорабиниҳои Комиссияи амалисозии Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ва ба ифтихори Рӯзи забони давлатӣ ва ҳамчунин, эълон гардидани соли 2024 “Соли маърифати ҳуқуқӣ” Конференсияи илмӣ – назариявӣ таҳти унвони “Забони миллат-ҳастии миллат” бо иштироки кормандони соҳаҳои гуногун, донишҷӯёни коллеҷи тиббии шаҳр ва омўзгорону хонандагони муассисаҳои таълимии шаҳр доир гардид.

Конфренсия бо садо додани Суруди миллӣ оғоз гардид. Дар кори конференсия Шарифҷони Саидраҳмон муовини Раиси шаҳр, Мусо Олимҷонов  доктори илмҳои филологӣ, мудири кафедраи забони тоҷикии факултети филологияи тоҷики МДТ “Донишгоҳи давлатии Хуҷанд ба номи академик Бобоҷон Ғафуров”, Аҳлиддин Абдураҳмонов мудири бахши кор бо ҷавонон ва варзиши шаҳр, Фаридуншоҳ Абдуллоев мутахассиси татбиқи забон дар мақомоти иҷроияи ҳокимияти давлатии шаҳр ва Исмоил Саидов мудири бахши адабиёт ва камолшиносии Маркази илмии Камоли Хуҷандӣ иштирок ва суханронӣ намуданд.

ЗАБОНИ МИЛЛАТ-ҲАСТИИ МИЛЛАТ - Баргузории конференсияи шаҳрӣ бахшида ба Рўзи забони давлатӣ

Имрўз, 03.10.2024 тибқи нақшаи кории Мақомоти иҷроияи ҳокимияти давлатии шаҳри Гулистон ва бахши кор бо ҷавонон ва варзиши шаҳр бо мақсади иҷрои нақшаи чорабиниҳои “Барномаи рушди забони давлатӣ барои солҳои 2020-2030 дар шаҳри Гулистон”, нақшаи чорабиниҳои Комиссияи амалисозии Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ва ба ифтихори Рӯзи забони давлатӣ ва ҳамчунин, эълон гардидани соли 2024 “Соли маърифати ҳуқуқӣ” Конференсияи илмӣ – назариявӣ таҳти унвони “Забони миллат-ҳастии миллат” бо иштироки кормандони соҳаҳои гуногун, донишҷӯёни коллеҷи тиббии шаҳр ва омўзгорону хонандагони муассисаҳои таълимии шаҳр доир гардид.

Конфренсия бо садо додани Суруди миллӣ оғоз гардид. Дар кори конференсия Шарифҷони Саидраҳмон муовини Раиси шаҳр, Мусо Олимҷонов  доктори илмҳои филологӣ, мудири кафедраи забони тоҷикии факултети филологияи тоҷики МДТ “Донишгоҳи давлатии Хуҷанд ба номи академик Бобоҷон Ғафуров”, Аҳлиддин Абдураҳмонов мудири бахши кор бо ҷавонон ва варзиши шаҳр, Фаридуншоҳ Абдуллоев мутахассиси татбиқи забон дар мақомоти иҷроияи ҳокимияти давлатии шаҳр ва Исмоил Саидов мудири бахши адабиёт ва камолшиносии Маркази илмии Камоли Хуҷандӣ иштирок ва суханронӣ намуданд.

ХИЗМАТ БА ВАТАН-МОДАР ШАРАФ АСТ! Гусели ботантанаи наваскарон ба сафи Қувваҳои Мусаллаҳи Ҷумҳурии Тоҷикистон

Субҳи имрӯз, 01.10.2024 дар майдони Нишони давлатии Ҷумҳурии Тоҷикистон дар шаҳри Гулистон маросими ботантанаи гусели даъватшавандагони гулистонӣ ба сафи Қувваҳои Мусаллаҳи Ҷумҳурии Тоҷикистон баргузор гардид.

Чорабинӣ бо садо додани Суруди миллии Ҷумҳурии Тоҷикистон ифтитоҳ ёфт.

Раиси шаҳри Гулистон Раъно Ҳошимзода даъватшавандагонро ба ин муносибат таҳният намуд. Зикр карда шуд, ки тибқи Фармони Президенти Ҷумҳурии Тоҷикистон аз 27-уми августи соли 2024, №856 “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 Ҷумҳурии Тоҷикистон ба хизмати ҳарбӣ” Хизматчиёни ҳарбие, ки муҳлати муқарраргардидаи хизмати ҳарбиро адо намудаанд, моҳҳои октябр-ноябри соли 2024 ба эҳтиёт рухсат карда мешаванд.