Ҷамъбасти мусобиқаи шаҳрии волейбол байни ҷавонон бахшида ба Рӯзи ҷавонони Тоҷикистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба омавигардонии варзиш ва тарзи ҳаёти солим тадбирҳои муассир андешида шуда истодааст. Дар ин замина нақшаи чорабиниҳои бахши кор бо ҷавонон ва варзиш ба тавсиб расидааст. Лозим ба ёдоварист, ки масъулини бахши кор бо ҷавонон ва варзиши шаҳр дар ҳамкорӣ бо шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудуди шаҳр ва ҷамоати шаҳракҳо ҳамарӯза мусобиқаҳои варзиширо дар сатҳи хуб роҳандозӣ намуда, баргузор намуда истодаанд.

Бо ҳамин мақсад санаи 13.05.2025, дар толори варзишии "Истиқлол"-и мусобиқаи мазкур байни ҷавонони муассисаҳои таълимӣ, коллеҷи тиббӣ ва сарбозони қисми ҳарбии 45025 баргузор шуд.

Дар ҷамъбаст ғолибон бо диплом, медал ва туҳфаҳои хотиравӣ қадрдонӣ карда шуданд.

ТАҶЛИЛИ БОШУКӮҲИ РӮЗИ ОИЛА ДАР ШАҲРИ ГУЛИСТОН

Санаи 14.05.2025 дар тарабхонаи осоишгоҳи “Баҳористон”-и шаҳри Гулистон Рӯзи оила бо иштироки оилаҳои намунавӣ бо шукӯҳ таҷлил карда шуд.

Нахуст муовини Раиси шаҳри Гулистон Муслимахон Ҷамолиён паёми табрикотии Раиси шаҳри Гулистон Илҳом Пӯзотзодаро ба самъи иштирокчиён расонид.

Зикр карда шуд, ки оила дар фарҳанги куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад. Оила асоси ҷомеа, муҳимтарин ячейкаи ҷамъияту давлат мебошад.

БАРГУЗОРИИ ОЗМУНИ СТИПЕНДИЯИ РАИСИ ШАҲРИ ГУЛИСТОН

Дар доираи моҳвораи ҷавонон баҳри дастгирии хонандагону ҷавонони болаёқат ва ҳавасманд гардонидани онҳо қарори Раиси шаҳри Гулистон доир ба баргузории озмуни Стипендияи Раиси шаҳри Гулистон барои соли хониши 2024-2025 аз 01.05.2025, №115 ба тасвиб расидааст.

Бо ин мақсад санаи 14.05.2025, дар толори муассисаи таҳсилоти миёнаи умумии №1-и маркази шаҳр озмуни Стипендияи Раиси шаҳри Гулистон барои соли хониши 2024-2025 миёни хонандагони синфҳои 8, 9 ва 10 -и муассисаҳои таълимии шаҳр баргузор гардид.

Озмунро мудири бахши кор бо ҷавонон ва варзиши шаҳр Аҳлиддин Абдураҳмонов ҳусни ифтитоҳ бахшид, баъдан муовини Раиси шаҳр Шарифҷони Саидраҳмон оид ба дастгирии ҷавонон - сиёсати давлатии ҷавонон аз ҷониби давлат ва ҳукумати кишвар суханрони намуда ба хонандагон барору комёбӣ орзу намуд. Хонандагон аз фанҳои забони давлатӣ, забони англисӣ, забони русӣ, математика ва технологияи иттилоотӣ тест супорида, аз фанҳои забони давлатӣ ва забони русӣ диктант навиштанд. Пас аз баҳогузории ҳайати ҳакамони озмун ғолибон муайян гардиданд.

ДАР ШАҲРИ ГУЛИСТОН КОРҲОИ ОБОДОНИЮ БУНЁДКОРӢ БА МУНОСИБАТИ 35-СОЛАГИИ ИСТИҚЛОЛИ ДАВЛАТӢ ТАҚВИЯТ МЕЁБАНД

Санаи 14.05.2025 муовини Раиси вилояти Суғд Зайнура Азимӣ бо ҷараёни корҳои ободонию созандагӣ дар шаҳри Гулистон, ки ба истиқболи Ҷашни 35-солагии Истиқлоли давлатии Ҷумҳурии Тоҷикистон вусъат ёфта истодаанд шинос гардид.

Бо мақсади таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар доираи ҳадафи стратегӣ эълон гардидани саноатикунонии мамлакат дар шаҳру ноҳияҳои вилоят бунёд ва ба кор андохтани иқтидорҳои нави истеҳсолӣ таваҷҷуҳи хоса зоҳир гардида, ҳамасола даҳҳо корхонаҳои хурду бузург бунёд карда мешавад.

Дар шаҳри Гулистон низ бунёди корхонаҳои саноатӣ бо маром идома дорад. Муовини Раиси вилоят Зайнура Азимӣ дар минтақаи саноатии шаҳр аз корхонаҳои навбунёди саноатии ҶДММ “Тиглат”, ҶДММ “Парандаи зарин”, ҶДММ “Истиқлоли Гулистон” ва яхдони “Товус” дидан намуданд.