Раиси шаҳр Раъно Ҳошимзода ғолиби даври ниҳоии озмуни ҷумҳуриявии "Илм-фурӯғи маърифат"-ро қадрдонӣ намуд

Санаи 01.11.2024 Раиси шаҳри Гулистон Раъно Ҳошимзода ғолиби даври ниҳоии озмуни ҷумҳуриявии "Илм - фурӯғи маърифат" Шамсия Рофиеава, хонандаи синфи 10-и муассисаи таҳсилоти миёнаи умумии №8-и шаҳраки Сирдарёро бо ҳамроҳии омӯзгор ва модараш қадрдонӣ намуд.

Лозим ба зикр аст, ки 30 октябри соли равон дар Театри давлатии академиии опера ва балети ба номи Садриддин Айнӣ маросими тантанавии ҷамъбасти озмуни ҷумҳуриявии «Илм-фурӯғи маърифат» баргузор гардид, ки дар он намояндагони Ҳукумати Ҷумҳурии Тоҷикистон, Дастгоҳи иҷроияи Президенти Ҷумҳурии Тоҷикистон, вазорату кумитаҳо, Академияи миллии илмҳо, муассисаҳои таълимӣ, иштирокчиёни озмун, волидайни хонандагони муассисаҳои таҳсилоти миёнаи умумӣ ва ВАО иштирок намуданд.

Дар оғоз раиси комиссияи озмуни ҷумҳуриявии «Илм-фурӯғи маърифат», муовини Сарвазири Ҷумҳурии Тоҷикистон Дилрабо Мансурӣ суханронӣ намуда таъкид кард, ки озмуни ҷумҳуриявии «Илм-фурӯғи маърифат» соли чорум аст таҳти сарпарастии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади боз ҳам бештар ба омӯзиши илмҳои табиатшиносӣ, дақиқ ва риёзӣ ҷалб кардани наврасону ҷавонон, олимону муҳақиқон ва устодону омӯзгорон баргузор гардида истодааст.

КОНФЕРЕНСИЯ: НАҚШИ ПЕШВОИ МИЛЛАТ ДАР ҚАБУЛ ВА АМАЛИГАРДОНИИ МУҚАРРАРОТИ КОНСТИТУТСИЯИ ҶУМҲУРИИ ТОҶИКИСТОН

Тибқи нақшаи тастиқгардида аз ҷониби мақомоти иҷроияи ҳокимияти давлатии вилояти Суғд ва нақшаи кории мақомоти иҷроияи ҳокимияти давлатии шаҳр санаи 31.10.2024 дар толори мактаби санъати маркази шаҳр конференсияи илмӣ-амалӣ таҳти унвони “Нақши Пешвои миллат дар қабул ва амалигардонии муқаррароти Конститутсияи Ҷумҳурии Тоҷикистон” бо иштироки кормандони соҳаои гуногуни хоҷагии халқи шаҳр, донишҷӯёни коллеҷи тиббӣ ва хонандагони муассисаҳои таълимии шаҳр баргузор гардид.

Дар кори конференсия муовини Раиси шаҳр Шарифҷони Саидраҳмон, устоди донишгоҳи давлатии ҳуқуқ-бизнес ва сиёсати Тоҷикистон Ғолибҷон Санавбаров, мудири шуъбаи рушди иҷтимоӣ ва робита бо ҷомеаи дастгоҳи Раиси  шаҳр Боқиев Рустамҷон, мудири бахши кор бо занон ва оилаи мақомоти иҷроияи ҳокимияти давлатии шаҳр Матлуба Сатторова ва мутахассиси татбиқи забон дар мақомоти иҷроияи ҳокимияти давлатии шаҳр Фаридуншоҳ Абдуллоев иштирок ва суханронӣ карда шуд.

БАРГУЗОРИИ СЕМИНАР-МАШВАРАТИ ВИЛОЯТИИ РАИСОНИ ШУРОИ СОБИҚАДОРОНИ ШАҲРУ НОҲИЯҲОИ ВИЛОЯТИ СУҒД

Санаи 30.10.2024 дар толори мактаби санъати маркази шаҳр семинар-машварати вилоятии раисони шурои собиқадорони шаҳру ноҳияҳои вилояти Суғд баргузор карда шуд.

Нахуст дар даромадгоҳи мактаби санъати маркази шаҳр аз ҷониби хонандагон шеър ва панду гуфтори ҳакимон доир ба панд додани пирон ба насли ҷавон қироат карда шуд.

Дар кори семинар-машварат муовини Раиси шаҳр Шарифҷони Саидраҳмон, раиси Шурои собиқадорони ҷанг ва меҳнати вилояти Суғд Турсунбой Раҳматов, раиси Шурои собиқадорони ҷанг ва меҳанати шаҳри Гулистон Каромат Қосимова ва дигар расиони шурои собиқадорони шаҳру ноҳияҳои вилояти Суғд иштирок намуданд.

БОЗДИДИ ИШТИРОКЧИЁНИ СЕМИНАР-МАШВАРАТИ РАИСОНИ ШУРОИ СОБИҚАДОРОНИ ШАҲРУ НОҲИЯҲОИ ВИЛОЯТИ СУҒД АЗ ТАШКИЛОТИ ИБТИДОИИ ШУРОИ СОБИҚАДОРОНИ ҶАНГ ВА МЕҲНАТИ ШАҲРАКИ СИРДАРЁИ ШАҲР ВА ШУРОИ СОБИҚАДОРОНИ ҶАНГ ВА МЕҲНАТИ ШАҲРИ ГУЛИСТОН

Санаи 30.10.2024 тибқи нақшаи Шурои собиқадорони ҷанг ва меҳнати вилояти Суғд ҷиҳати иштирок дар  семинар-машварати раисони Шурои собиқадорони шаҳру ноҳияҳои вилояти Суғд раисони шурои собиқадорони ҷанг ва меҳнати шаҳру ноҳияҳо ба шаҳри гулистон ташриф оварданд. Меҳмононро муовини Раиси шаҳр Шарифҷони Саидраҳмон ва раиси Шурои собиқадорони ҷанг ва меҳнати шаҳр Қосимова Каромат пешвоз гирифтанд.

Нахуст иштирокчиён аз ташкилоти ибтидоии шурои собиқадорони ҷанг ва меҳнати шаҳраки Сирдарёи шаҳр дидан намуда, доир ба коргузорӣ ва фаъолияти ташкилот баҳои арзанда доданд.

Сипас, иштирокчиён аз ҳуҷраи кории Шурои собиқадорони ҷанг ва меҳнати шаҳр дидан намуда, бо вазъи ҳуҷҷатнигорӣ ва фаъолияти Шуро дар нуҳ моҳи соли дидан намуданд.