Таҷлили пуршукӯҳи Рӯзи Парчами давлатии Ҷумҳурии Тоҷикистон

Санаи 23.11.2024 дар майдони Парчами давлатии Ҷумҳурии Тоҷикистон дар шаҳри Гулистон Рӯзи Парчами давлатӣ бо шукӯҳу шаҳомати хоса таҷлил гардид.

Нахуст, намояндаи Мақомоти иҷроияи ҳокимияти давлатии вилояти Суғд, сардори Раёсати минтақавии рушди иқтисод ва савдои вилоят Ҳакимҷон Ҳакимзода паёми табрикии Раиси вилояти Суғдо ба самъи иштирокичён расонид.

Раиси шаҳри Гулистон Раъно Ҳошимзода зимни суханронӣ ҳамагонро ба ин муносибат муборакбод гуфт. Ҳамчунин афзуд, ки Парчами миллӣ нахустин нишони муқаддаси ҳар миллат, рамзи ҳувият, рамзи давлатдорӣ, рамзи ягонагии халқҳои як сарзамин мебошад. Парчами миллӣ симои сиёсии ҳар кишварро дар сатҳи ҷаҳонӣ таҷассум мекунад. Ҳусни ин симо, наҷобати ин симо, мазмуну мароми ин симоро нишон медиҳад.

ПАРЧАМАТ БОДО ПАРАФШОН, ТОҶИКИСТОН!

Имрӯз, 23.11.2024 дар маркази шаҳри Гулистон роҳпаймоии идона ба муноисбати 32-юмин солгарди Рӯзи қабули Парчами давлатии Ҷумҳурии Тоҷикистон баргузор гардид.

Дар роҳпаймоии идона Раиси шаҳри Гулистон Раъно Ҳошимзода, роҳбарони сохторҳои ҳифзи ҳуқуқ, мудирони шуъбаву бахшҳои мақомоти иҷроияи ҳокимияти давлатии шаҳр, гирандагони стипендияи Президенти Ҷумҳурии Тоҷикистон, гирандагони стипендияи Раиси шаҳр, варзишгарони шаҳр, хонандагону омӯзгорони муассисаҳои таълимии маркази шаҳр, ҷамоати шаҳракҳо, донишҷӯёни муассисаи ғайридавлатии Коллеҷи тиббии шаҳри Гулистон ва ташкилоту муассисаҳо бо шиору овезаҳо ва парчамҳо дар фазои идона аз назди мақомоти иҷроияи ҳокимияти давлатии шаҳр то ба назди майдони Парчами давлатии Ҷумҳурии Тоҷикистон дар шаҳр роҳ паймуданд.

Дар роҳпаймоии идона беш аз 6000 нафар роҳпаймочиён иштирок намуданд. Ҳамчунин роҳпаймочиён парчамҳо дарозиашон 20,50 60, 70 ва паҳноияш 4 метрро бо рӯҳияи идона парафашон ба майдони Парчами давлатӣ бурданд.

Табрикоти Раиси шаҳри Гулистон Раъно Ҳошимзода ба муносибати Рӯзи Парчами давлатии Ҷумҳурии Тоҷикистон

Ҳамшаҳриёни гиромӣ!

Парчами миллӣ нахустин нишони муқаддаси ҳар миллат, рамзи ҳувият, рамзи давлатдорӣ, рамзи ягонагии халқҳои як сарзамин мебошад. Парчами миллӣ симои сиёсии ҳар кишварро дар сатҳи ҷаҳонӣ таҷассум мекунад. Ҳусни ин симо, наҷобати ин симо, мазмуну мароми ин симоро нишон медиҳад.

Сиву ду сол аст, ки дар тамоми гўшаи дунё Тоҷикистони соҳибистиқлолро оламиён аз парафшонии Парчами давлатиаш мешиносанд.

Парчам аз замонҳои қадим нишона ва рамзи муқаддаси ҳар миллату давлат будааст ва ба хотири ҳифзи он фарзандони бузурги миллат ҷонсупориҳо кардаанд.

Мулоқоти судманд доир ба эълон гардидани соли 2024 "Соли маърифати ҳуқуқӣ"

Санаи 20-уми ноябри соли ҷорӣ дар Ҷамоати шаҳраки Чоруқдаррон тибқи нақшаи кории Суди шаҳри Гулистон бо сокинони шаҳрак вохӯрӣ баргузор карда шуд.

Дар вохӯрии мазкур  Судяи суди шаҳри Гулистон Раҷабзода Сорбон, корманди суди шаҳри Гулистон Бобурзода Муҳаммад ва котиби маҷлиси суди шаҳри Гулистон Комилзода Шоҳрух иштирок ва суханронӣ намуданд.

Зикр карда шуд, ки дар Паёми навбатии худ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикитсон муҳтарам Эмомалӣ Раҳмон ба Маҷлиси Олии кишвар пешниҳод намуданд, ки ба ифтихори 30-солагии қабули Конститутсияи Ҷумҳурии Тоҷикистон соли 2024 «Соли маърифати ҳуқуқӣ» эълон карда шавад. Вобаста ба ин Фармони Президенти Ҷумҳурии Тоҷикистон аз 30-юми декабри соли 2023, №668 Дар бораи “Соли маърифати ҳуқуқӣ” эълон намудани соли 2024 ба тасвиб расид.