НОМАИ ШОДБОШИИ РАИСИ ШАҲРИ ГУЛИСТОН ИЛҲОМ ПӮЛОТЗОДА БА МУНОСИБАТИ РӮЗИ ВАРЗИШГАРОН

Муҳтарам варзишгарон, парчамбардорони меҳан!

Рӯзи варзишгарони Тоҷикистон дар остонаи ҷашни воқеан ҳам арзишманди миллӣ - Истиқлоли давлатӣ рост меояд, ки онро варзишгарон бо дастовардҳои арзанда ва парафшониҳои Парчами миллӣ дар сатҳи байналмилалӣ истиқбол менамоянд.

Маврид ба зикр аст, ки бо тақвияти намудҳои гуногуни варзиш ва ғамхорию дастгирии пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи варзиш ва тарбияи ҷисмонӣ дар кишвар соҳиби эътибори хоса гардида, мунтазам рушд меёбад.

Ташаббус ва комёбии дигар ин эълон гардидани 25 май ҳамчун Рӯзи футбол, ки бо пешниҳоди Раиси Маҷлиси Миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Осиёи Марказӣ ва Тоҷикистон муҳтарам Рустами Эмомалӣ ва пуштибонӣ ёфтани он аз ҷониби Созмони Милали Мутаҳид буда, ин иқдоми шоиста ҷиҳати рушди футбол, оммавияти варзиш ва дастгирии варзишгарон ба маврид ва саривақтӣ мебошад.

Воқен ҳам соҳаи тарбияи ҷисмонӣ ва варзиш яке аз самтҳои арзишмандтарин ва муҳимтарини ҷомеа барои тарбияи насли наврас ва инсоният ба ҳисоб меравад, зеро мақсади асосии тарбияи ҷисмонӣ ва варзиш танҳо иборат аз таҳкими саломатии инсон нест, балки он бо тарбияи меҳнатӣ, ақлӣ, ахлоқӣ ва эстетикӣ низ пайванди ногусастанӣ дошта, муаррифгари давлату миллат дар арсаи байналмилалӣ мебошад.

ШАҲРАМОНРО ЯКҶОЯ ТОЗАВУ ОЗОДА МЕКУНЕМ! - БАРГУЗОРИИ ШАНБЕГИИ УМУМИШАҲРӢ ДАР ШАҲРИ ГУЛИСТОН

Имрӯз, 09.08.2025 дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва вазифагузориҳои Раиси вилояти Суғд Раҷаб Аҳмадзода дар шаҳр шанбегии умумишаҳрӣ баргузор гардид.

Дар шанбегӣ кормандони соҳаҳои маориф, тандурустӣ, фарҳанг, мактаби варзишӣ ва дигар соҳаҳои хоҷагии халқи шаҳр фаъолона иштирок намуданд.

Муовини Раиси шаҳри Гулистон Муслимахон Ҷамолиён бо ҷараёни корҳои покизакорӣ шинос гардида, таъкид намуд, ки ҳифзи табиат ва тозаву озода нигоҳ доштани он, вазифаи шаҳрвандии ҳар сокини шаҳр аст ва чун шаҳри Гулистон дар кишвар ҳамчун шаҳри сайёҳиву саноатӣ шинохта мешавад ба масъалаи тозагӣ бояд аҳамияти хоса дода шуда, ҳамаи гӯшаҳои шаҳр тозаву озода карда шаванд.

ИШТИРОКИ РАИСИ ШАҲР ВА ГУРӮҲИ КОРӢ ДАР ВОХӮРӢ БО УСУЛИ "МАҲАЛ БА МАҲАЛ" ДАР МАҲАЛЛАИ РАҚАМИ 2-И МАРКАЗИ ШАҲР

Имрӯз, 8-уми августи соли 2025 тибқи нақшаи муштараки сохторҳои дахлдор шаҳри Гулистон ҷиҳати баргузории вохӯриҳо бо усули “маҳал ба маҳал” ва “деҳа ба деҳа” дар маҳаллаи №2-и маркази шаҳр бо сокинон вохӯрӣ баргузор карда шуд.

Дар вохӯрии мазкур Раиси шаҳри Гулистон Илҳом Пӯлотзода, сардори шуъбаи шаҳри Гулистони РКДАМ Ҷумҳурии Тоҷикистон дар вилояти Суғд Қаҳҳоров Комрон, сардори шуъбаи ВКД Ҷумҳурии Тоҷикистон дар шаҳри Гулистон Мирзоватан Раҳимзода, комисари ҳарбии шаҳр Фитрат Раҳмонзода, раиси КИ ҲХДТ дар шаҳри Гулистон Бахтиёр Каримов ва дигар масъулин иштирок доштанд.

БАРГУЗОРИИ ҶАЛАСАИ КОРӢ ДОИР БА ОМӮЗИШИ ПЕШ АЗ ДАЪВАТӢ ВА ОМОДА НАМУДАНИ ШАҲРВАНДОН БА ХИЗМАТИ ҲАРБӢ

Санаи 06.08.2025 дар толори хурди Мақомоти иҷроияи ҳокимияти давлатии шаҳри Гулистон ҷаласаи кории назди Раиси шаҳр доир ба иҷрои қарори Раиси шаҳри Гулистон аз 9-уми июни соли 2025, №153 «Дар бораи гузаронидани омӯзиши пеш аз даъватӣ ва омода намудани шаҳрвандони солҳои таваллудашон 1998-2007 ба хизмати ҳарбӣ дар даъвати тирамоҳии соли 2025» баргузор гардид.

Дар ҷаласаи мазкур муовини раиси шаҳр – раиси комиссияи даъват, роҳбарони мақомотҳои ҳифзи ҳуқуқи шаҳр, мудирони шуъбаву бахшҳо, роҳбарони воҳидҳои сохтории мақомоти иҷроияи ҳокимияти давлатии шаҳр, расиони ҷамоати шаҳракҳо, маҳаллаҳо, комиссари ҳарбӣ ва масъулини комиссариати ҳарбии шаҳр иштирок доштанд.