ДАСТАРХОНИ ИДОНА БАРОИ КӮДАКОНУ НАВРАСОН

Санаи 1-уми июни соли 2025 ба муносибати таҷлили Рӯзи байналмилалии ҳифзи кӯдакон дар тарабхонаи “Манижа”-и маркази шаҳр бо дастгирии соҳибкорзани маҳаллӣ барои беш аз 100 нафар кӯдакони ятим, нимятим ва аз оилаҳои камбизоат дастархони идона ороста шуд.

Муовини Раиси шаҳри Гулистон Муслимахон Ҷамолиён кӯдакону наврасонро ба муносибати таҷлили Рӯзи байналмилалии ҳифзи кӯдакон табрику таҳният гуфт.

Зикр карда шуд, ки ғамхори нисбати кӯдакони ятиму камбизоат зери таваҷҷуҳи ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

Таъкид гардид, ки Мақомоти иҷроияи ҳокимияти давлатии шаҳри Гулистон низ ҷиҳати фароҳам овардани шароити зарурӣ барои кӯдакону наврасон тамоми чораҳоро андешида истодааст.

ТАҶЛИЛИ РӮЗИ БАЙНАЛМИЛАЛИИ ҲИФЗИ КӮДАКОН

Имрӯз, 1-уми июни соли 2025 дар Муассисаи давлатии Боғи фарҳангӣ-фароғатии “Темурмалик”-и шаҳри Гулистон ба муносибати Рӯзи байналмилалии ҳифзи кӯдакон чорабинии идона баргузор гардид. Дар даромадгоҳи Муассисаи давлатии Боғи фарҳангӣ-фароғатии “Темурмалик” намоиши омода намудаи кӯдакони муассисаҳои таълимии томактабӣ ба намоиш гузошта шуд ва муовинони Раиси шаҳр Даврон Муҳаммадзода ва Муслимахон Ҷамолиён ба кӯдакону наврасон туҳфаҳои хотиравӣ тақдим намуданд.

Сипас, муовини якуми Раиси шаҳр Даврон Муҳаммадзода кӯдакону наврасонро ба муносибати Рӯзи кӯдакон таҳният гуфт. Зикр гардид, ки рўзи 1-уми июн дар ҷаҳон ҳамчун Рўзи байналмилалии ҳифзи кўдакон таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем. Ба ин муносибат ин рӯзи некро ҳамчун рӯзи баробариву бародарӣ ва ҳифзи манфиатҳои кӯдакони ҷаҳон, ба кулли сокинони шаҳри Гулистон самимона табрик мегӯям.

Маросими савгандёдкунии наваскарон дар қисми ҳарбии 45025-и Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд

Имрӯз, 29.05.2025 дар қисми ҳарбии 45025-и Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд маросими савгандёдкунии навдаъватшавандагон баргузор гардид.

Дар маросими савгандёдкунии сарбозони навдаъватшуда муовини раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Имомалӣ Иброҳимзода, муовини якуми Раиси шаҳри Гулистон Даврон Муҳаммадзода, Додиён Баҳром Одина, полковник, сардори Раёсати Кумитаи ҳолатҳои фавқулода ва мудофиаи гражданӣ дар вилояти Суғд, Шуҳрат Алиев сардори бахши раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд, командири қисми ҳарбӣ Қурбонзода Хусрав ва дигар шахсони масъули қисми ҳарбӣ, волидайни наваскарон ва ҷавонони шаҳри Гулистон, аъзои Ташкилоти ҷамъиятии ҷавонон "Созандагони Ватан"-и КИ ҲХДТ дар шаҳри Гулистон иштирок намуданд.

ҶАЛАСАИ НАВБАТИИ ШӮРОИ КОР БО ҶАВОНОНИ НАЗДИ РАИСИ ШАҲРИ ГУЛИСТОН БАРГУЗОР ГАРДИД

Санаи 28.05.2025 дар толори Кохи фарҳангии “Истиқлол”-и маркази шаҳр Шӯрои кор бо ҷавонони назди Раиси шаҳри Гулистон баргузор гардид.

Дар кори Шуро аъзои Шуро, гирандагони стипендияи президентӣ, гирандагони стипендияи Раиси шаҳр ва ҷавонони фаъоли шаҳр иштирок доштанд.

Кори Шӯро бо садо додани Суруди миллии Ҷумҳурии Тоҷикистон оғоз гардид. Раиси шаҳр Илҳом Пӯлотзода баргузории Шӯрои мазкурро дар остонаи таҷлили Рӯзи ҷавонони Тоҷикистон фоли нек дониста, ҳозиринро бо рӯзномаи Шӯро шинос намуд. Дар Шӯро ду масъала, ҳисоботи мудири бахши кор бо ҷавонон ва варзиши шаҳр дар давоми соли 2024 ва 5 моҳаи соли 2025 ва тасдиқи лоиҳаи қарор ва нақшаи чорабиниҳои Шӯро баррасӣ гардиданд.