Баргузории конференсияи илмӣ-амалӣ ба муносибати Рӯзи ҷавонони Тоҷикистон таҳти унвони "Нақши ҷавонон дар таҳкими Истиқлолӣ давлатӣ ва амнияти миллӣ"

Санаи 07.05.2025 дар толори Кохи фарҳангии “Истиқлол”-и маркази шаҳр дар доираи моҳвораи ҷавонон ба муносибати Рӯзи ҷавонони Тоҷикистон таҳти унвони "Нақши ҷавонон дар таҳкими Истиқлолӣ давлати ва амнияти миллӣ" конференсияи илмӣ-амалӣ бо иштироки ҷавонони муассисаҳои таълимӣ, коллеҷи тиббӣ ва дигар кохонаву муассисаҳо баргузор гардид.

Конфренсия бо садо додани Суруди миллӣ оғоз гардид. Дар кори конференсия муовини Раиси шаҳри Гулистон Шарифҷони Саидраҳмон, сардори шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд Қаҳҳоров Комрон, Аҳлиддин Абдураҳмонов мудири бахши кор бо ҷавонон ва варзиши шаҳр, Абдуллоев Фаридуншоҳ мудири бахши ҷавонони КИ ҲХДТ дар шаҳри Гулистон ва Исмоил Саидов мудири бахши адабиёт ва Камолшиносии Маркази илмии Камоли Хуҷандӣ иштирок ва суханронӣ намуданд.

Зикр гардид, ки боиси хушнудии мо ҷавонон аст, ки маҳз дар замони соҳибистиқлолии кишвар пайваста ба масоили дастгирии сиёсати давлатии ҷавонон таваҷҷуҳ зоҳир гардида, баҳри бо сифати баланди касбӣ роҳандозӣ намудани тадбирҳои пайваста ва судманду таъсирбахш, ки маҷмуи онҳо аз дастуру супоришҳо ва ҳидояту роҳнамоиҳои Пешвои муаззами миллат муҳтарам Эмомалӣ Раҳмон сарчашма мегиранд, нақш ва ҷойгои ҷавонон дар ҷомеаи муосир мустаҳкам мегардад.

НАТИҶАГИРИИ ФАЪОЛИЯТИ СОҲАИ ТАНДУРУСТӢ

Имрӯз, 07.05.2025 дар толори КИ ҲХДТ дар шаҳри Гулистон маҷлиси васеи соҳаи тандурустии шаҳр бо иштироки роҳбарон ва кормандони соҳа баргузор гардид. Дар маҷлис муовини Раиси шаҳр Муслимахон Ҷамолиён сарпарасти соҳа иштирок намуд.

Роҳбари маркази саломатии шаҳр Ҷонибек Ҳомидҷонов кори маҷлисро оғоз намуд. Сардухтури беморхонаи марказии шаҳр Иброҳим Иброҳимов доир ба фаъолияти соҳа дар се моҳи соли 2025 ҳисобот манзур намуд. Зикр карда шуд, ки дар шаҳр 33 муассисаи тиббӣ ба аҳолӣ хизмати тиббӣ мерасонанд. Аз ҷумла 7 маркази саломатӣ, 6 беморхона, 5 осоишгоҳ, 3 бунгоҳи тибббӣ, 1 маркази давлатии назорати санитарию эпидимиологӣ, 1 адад умури безараргардонӣ, маркази ташхисиву табобатии Закариёи Розӣ, маркази тиббии хусусии “Сино”, 6 маркази махсусгардонидашуда, стансияи ёрии таъҷилии тиббӣ ва муассисаи ғайридавлатии таълимии “Коллеҷҷи тиббии шаҳри Гулистон”.

АЗ ФАЪОЛИЯТИ СОҲАИ ФАРҲАНГ НАТИҶАГИРӢ КАРДА ШУД

Имрӯз, 06.05.2025 дар мактаби санъати маркази шаҳр маҷлиси машваратии соҳаи фарҳанги шаҳр бо иштироки муовини Раиси шаҳр Муслимахон Ҷамолиён сарпарасти соҳа баргузор гардид.

Дар маҷлиси машваратӣ натиҷаи фаъолияти соҳаи фарҳанг шаҳр дар давоми се моҳи соли ҷорӣ мавриди баррасӣ қарор дода шуд.

Доир ба натиҷаҳои фаъолияти семоҳаи соҳаи фарҳанг мудири бахши фарҳанги шаҳр Ҷамшед Самадов ҳисобот манзур намуд.

Зикр карда шуд, ки дар ихтиёри бахши фарҳанги шаҳр 10 китобхона, Кохи фарҳангии “Истиқлол”, 7 муассисаи клубӣ, 2 мактаби мусиқӣ, 2 мактаби санъат, 1 осорхона, ансамбли Тарона ва рақси “Навои Гулистон”, 3 боғи фарҳангӣ-фароғатӣ ва 3 гулгашт фаъолият мебарад.

ҶАМЪБАСТИ МУСОБИҚАИ ШАҲРӢ ОИД БА НАМУДИ ВОЛЕЙБОЛ БАЙНИ БОНУВОНИ ТАШКИЛОТУ МУАССИСАҲОИ ШАҲРИ ГУЛИСТОН

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир ба омавигардонии варзиш ва тарзи ҳаёти солим тадбирҳои муассир мунтазам андешида шуда истодааст. Дар ҳамин замина нақшаи чорабиниҳои МИҲД шаҳр, бо тасдиқи Раиси шаҳр ба тавсиб расидааст. Лозим ба ёдоварист, ки масъулин бахши кор бо ҷавонон ва варзиши шаҳри Гулистон дар ҳамкорӣ бо дигар корхонаву ташкилотҳои ҳудуди шаҳр ва ҷамоати шаҳракҳо ҳамарӯза мусобиқаҳои варзиширо, дар сатҳи хуб роҳандозӣ намуда истодаанд.

Бо ҳамин мақсад, санаи 05.05.2025, дар шаҳри Гулистон, бо ташаббуси бахши кор бо ҷавонон ва варзиш бахшида ба Рӯзи Ғалаба дар ҶБВ ва Рӯзи ҷавонони Тоҷикистон мусобиқаи шаҳрии волейбол байни бонувони ташкилоту муассисаҳо ва ҷамоати шаҳракҳо баргузор ва ҷамъбаст гардид, ки дар натиҷа ҷойи аввал насиби бонувони МТМУ №14, ҷойи дуюм насиби бонувони МТМУ №8 ва ҷойи сеюм насиби бонувони бахши фарҳанги шаҳр гардид, ки ғолибон бо ҷом, медал, диплом ва туҳфаҳои хотиравии бахши кор бо ҷавонон ва варзиши шаҳр қадрдонӣ гардиданд.