Ҷамъбастӣ мусобиқаи шаҳрии футбол байни кормандони ташкилоту муассисаҳо ва ҷамоати шаҳракҳо, барои дарёфти Ҷоми Раиси шаҳри Гулистон

Санаи 09.07. 2025  дар варзишгоҳи маркази шаҳр даври ниҳоии мусобиқаи  шаҳрии футбол байни кормандони ташкилоту муассисаҳо ва ҷамоати шаҳракҳо барои дарёфти Ҷоми Раиси шаҳри Гулистон  бахшида ба  Рӯзи умумиҷаҳонии футбол, баргузор гардид. Дар  даври  ниҳоии мусобиқаи мазкур кормандони шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд, ҶДММ "Соҳил", қисми ҳарбии 45025-и КҲФ МГ назди Ҳукумати Ҷумҳурии Тоҷикистон дар вилояти Суғд ва ҶСК "Тоҷикгидроэлектромантаж"  байни ҳам рақобат намуданд.

Дар натиҷа шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд сазовори ҷойи якум, ҶДММ "Соҳил" сазовори ҷойи дуюм ва дастаҳои қисми ҳарбии 45025-и КҲФ МГ назди Ҳукумати Ҷумҳурии Тоҷикистон дар вилояти Суғд ва ҶСК "Тоҷикгидроэлектромантаж" сазовори ҷойи сеюм гардиданд.

Ғолибонро Раиси шаҳри Гулистон Илҳом Пӯлотзода табрик намуда, ба ҷоизадорон туҳфаҳои хотиравӣ, диплом, медал ва ҷом супорида шуд.

ГУЛИСТОН ДАР САФАР ХИСТЕВАРЗРО БО ҲИСОБИ БУЗУРГИ 5-0 МУВОҶЕҲИ ШИКАСТ НАМУД

Санаи 08.07.2025 Клуби футболи "Гулистон"-и шаҳри Гулистон дар доираи даври ёздаҳуми Лигаи дуюми Чемпионати Тоҷикистон оид ба футбол дар минтақаи Суғд бо КФ "Хистеварз"-и ноҳияи Бобоҷон Ғафуров дар сафар майдондорӣ намуда бо ҳисоби бузурги 0-5 пирӯзӣ ба даст овард.

Ин ғалабаи нуҳуми дастаи "Гулистон" дар мавсим мебошад ва даста дар ёздаҳ давр бо 9 пирӯзӣ, як бохт ва як мусовӣ бо 28 имтиёз мавқеи худро дар зинаи аввали ҷадвали мусобиқот устувортар намуд.

Пирӯзӣ муборак бод!

Шаҳрамонро якҷоя обуду хуррам мекунем! - баргузории шанбегии умумишаҳрӣ

Имрӯз, 05.07.2025 тибқи нақшаи кории Мақомоти иҷроияи ҳокимияти давлатии шаҳр намояндагони ҷомеаҳои меҳнатии мақомоти иҷроияи ҳокимияти давлатии шаҳр, корхонаву муассисаҳо, ташкилоту идораҳо, кормандони соҳаҳои тандурустӣ, маориф, фарҳанг ва дигар соҳаҳо дар маркази шаҳр ба шанбегӣ баромаданд.

Гулистониён тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар боби ободу зебо гардонидани маҳалли зист, хиёбонҳо, гулгашту майдонҳо, кӯчаҳо ва маҳалли зист корҳои мушаххас роҳандозӣ менамоянд.

Дар шанбегии имрӯза аҳли ҷомеаи меҳнатии шаҳр шафати роҳи асосӣ, атрофи корхонаву муассиса ва хиёбону гулгаштҳоро аз хасу хошок ва алафҳои бегона тоза намуданд.

БАРГУЗОРИИ МУЛОҚОТ БО УСУЛИ "МАҲАЛ БА МАҲАЛ" ДАР ҶДММ “ҚОЛИНҲОИ ҚАЙРОҚҚУМ” ДАР МАРКАЗИ ШАҲР

Имрӯз, 04.07.2025 тибқи нақшаи муштараки сохторҳои дахлдори мақомоти иҷроияи ҳокимияти давлатии шаҳр ва КИ ҲХДТ дар шаҳр ҷиҳати баргузории мулоқоту вохӯриҳо бо усули маҳал ба маҳал бо ҳайати кормандони ҶДММ “Қолинҳои Қайроққум” вохӯрӣ баргузор карда шуд.

Дар вохӯрии мазкур муовини Раиси шаҳр Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, мудири бахши ҷавонони КИ ҲХДТ дар шаҳр Фаридуншоҳ Абдуллоев ва директори генералии ҶДММ “Қолинҳои Қайроққум” Абдуллоев Абдулмуталлиб иштирок ва суханронӣ намуданд.