ВАТАН ҲАР ГУШААТРО САРЗАБЗ ХОҲЕМ КАРД

Таҳти ҳамин унвон санаи 15-уми марти соли 2025 бо дастуру супоришҳои Вазири корҳои дохилии Ҷумҳурии Тоҷикистон, генерал-полковники милитсия Раҳимзода Рамазон Ҳамро аз ҷониби шуъбаи Вазорати корҳои дохилии Ҷумҳурии Тоҷикистон бо роҳбарии сардори шуъда Одиназода Шодӣ Лоҳутшо ва ҳайати кормандон дар боғи фарҳангӣ-фароғатии ба номи "Темурмалик"-и шаҳри Гулистон ниҳолҳои ҳамешасабзи ороишӣ шинонида шуд.

Маврид ба зикр аст, ки маъракаи ниҳолшинони ҳамасола дар партави сиёсати бунёдкоронаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри сабзгардонии кишвари азизамон роҳандозӣ гардида, дар ин радиф корҳои ободониву бунёдкорӣ, созандагиву хуррамгардонӣ, ҳашарҳои дастаҷамъонаи ниҳолшинонӣ ва кабудизоркунӣ баргузор карда мешаванд.

ОҒОЗИ ЧОРАБИНИҲОИ НАВРӮЗӢ ДАР ШАҲР

Тибқи нақшаи чорабиниҳои мақомоти иҷроияи ҳокимияти давлатии шаҳр ҷиҳати дар сатҳи баланд таҷлил намудани Ҷашни Наврӯзи байналмилалӣ санаи 14.03.2025 дар "Боғи фарҳангӣ-фароғатии ба номи "Темурмалик" бо иштироки кормандони соҳаҳои гуногуни хоҷагии халқи шаҳр чорабинии фарҳангӣ ва бозиҳои миллӣ баргузор гардид.

Мудири бахши кор бо занон ва оилаи шаҳр Матлуба Сатторова зикр намуд, ки Иди Наврӯз, ки имрӯзҳо дар диёри биҳиштосои мо таҷлил мегардад, васлгари дирӯзу имрӯз, ҳимоятгари суннатҳои волои ниёгон, решапайванди наслҳо, бозгашт ба асли хеш ва эҳёи беҳтарин расму ойин ва анъанаҳои миллиамон мебошад.

Баргузории корҳои фаҳмондадиҳӣ доир ба Рӯзи байналмилалии ҳимояи ҳуқуқи истеъмолкунандагон

Имрӯз, 15-уми март дар ҷаҳон ҳамчун Рӯзи байналмилалии ҳимояи ҳуқуқи истеъмолкунандагон ҷашн гирифта мешавад. Ҳадаф аз он тарғиби ҳуқуқҳои истеъмолкунандагон зимни хариди молу маҳсулот баланд бардоштани маърифати ҳуқуқии шаҳрвандон мебошад.

Бо ин мақсад масъулини шуъбаи иқтисод, савдо ва мониторинги МИҲД-и шаҳр дар ҳамкорӣ бо бахши кумитаи бехатарии озуқаворӣ дар шаҳр ва маркази назорати давлатии санитарӣ ва эпидемиологии шаҳр дар бозори марказии шаҳр, хиёбонҳо ва нуқтаҳои савдо бо сокинон корҳои фаҳмондадиҳӣ гузаронида, варақаҳои иттилоотӣ тақсим намуданд.

БАРГУЗОРИИ ЯРМАРКА-ФУРӮШИ МАҲСУЛОТИ НИЁЗИ АВВАЛИЯ

Санаи 15.03.2025 дар шаҳри Гулистон ҷиҳати бо нархҳои дастрас пешниҳод намудани маҳсулоти ниёзи аввалия ба сокинон ярмарка ташкил гардид.

Ярмарка дар бозори марказии шаҳр - ҶДММ "Абдуваҳҳоб" баргузор гардид.

Дар ярмарка деҳқонон ва корхонаҳои истеҳсолии шаҳр маҳсулоти худро пешниҳод намуданд.

Сокинон дар ярмарка маҳсулоти ниёзи аввалияи худро бо нархҳои дастрас харидорӣ намуданд.