Дар Осоишгоҳи “Баҳористон” барномаи фарҳангии “Шоми дӯстӣ” баргузор гардид

Шоми дирӯз дар Осоишгоҳи “Баҳористон”-и вилояти Суғд барномаи фарҳангии бошукӯҳ таҳти унвони “Шоми дӯстӣ” бо иштироки аҳли фарҳанги Ҷумҳурии Тоҷикистон, Ҷумҳурии Ӯзбекистон ва Ҷумҳурии Қирғизистон доир гардид.

"Шоми дӯстӣ" дар доираи чорабиниҳои наврӯзӣ баргузор шуда, ҳадаф аз он таҳкими равобити дӯстона ва фарҳангии кишварҳои ҳамсоя мебошад. Меҳмонон аз кишварҳои дӯст ба вилояти Суғд бо мақсади иштирок дар чорабиниҳои ҷашнии наврӯзӣ ташриф овардаанд.

Раиси вилояти Суғд Раҷаббой Аҳмадзода зимни суханронии худ меҳмонони олиқадрро ба Суғди бостонӣ хайрамақдам гуфт ва ҳамаи ҳозиринро ба ифтихори фарорасии Наврӯзи хуҷастапай самимона табрику таҳният намуд. Ӯ таъкид кард, ки Наврӯз чун рамзи сулҳ, дӯстӣ ва ҳамдигарфаҳмӣ дар ҷаҳон шинохта шуда, нақши муҳиме дар тақвияти муносибати миёни халқҳо мебозад.

АЁДАТИ САРБОЗОНИ ҚИСМИ ҲАРБИИ 07746 БА МУНОСИБАТИ ҶАШНИ НАВРӮЗ

Имрӯз, 22.03.2025 иҷрокунандаи вазифаи Раиси шаҳри Гулистон Илҳом Пӯлотзода, муовини Раиси вилояти Суғд Зайнура Азимӣ, комиссари ҳарбии шаҳр Хайрулло Сатторозода ба  қисми ҳарбӣ 07746-и Маркази таълимии Вазорати мудофиаи Ҷумҳурии Тоҷикистон дар вилояти Суғд ташриф оварда сарбозону афсаронро ба муносибати Ҷашни Наврӯз муборакбод гуфтанд.

Нахуст муовини Раиси вилояти Суғд Зайнура Азимӣ паёми табрикотии раиси вилояти Суғд Раҷаббой Аҳмадзодаро ба самъи сарбозон расонид.
Сипас, иҷрокунандаи вазифаи Раиси шаҳри Гулистон Илҳом Пӯлотзода сарбозону афсаронро ба муносибати Наврӯзи оламафрӯз муборакбод гуфта, ба онҳо тансиҳатӣ, хотирҷамъӣ ва хизмати содиқона ба Ватанро таманно намуд.

ҶАШНИ БАЙНАЛМИЛАЛИИ НАВРӮЗ-2025 БО ШУКУҲ ТАҶЛИЛ КАРДА ШУД

Имрӯз, 22.03.2025 дар майдони Парчами давлатӣ дар шаҳри Гулистон чорабинии тантанавии идона ба муносибаи таҷлили пуршукӯҳи Иди баййналмилалии Наврӯз баргузор карда шуд.

Дар чорабинии идона намояндаи Ҳукумати Ҷумҳурии Тоҷикистон, роҳбари гурӯҳи корӣ бахшида ба 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, муовини Раиси вилояти Суғд Зайнура Азимӣ ва иҷрокунандаи вазифаи Раиси шаҳри Гулистон Илҳом Пӯлотзода иштирок намуданд.

НАВРӮЗ ҶАШНИ МИЛЛӢ ВА МЕРОСИ ТАЪРИХИИ ТОҶИКОН - ТАНТАНАҲОИ ҶАШНИ НАВРӮЗ ДАР ШАҲРИ ГУЛИСТОН

Имрӯз, 22.03.2025 дар шаҳри Гулистон Ҷашни Наврӯзи байналмилал бо шукуҳу шаҳомати хоса таҷлил карда шуд. Дар тантанаҳои наврӯзӣ дар шаҳр намояндаи Ҳукумати Ҷумҳурии Тоҷикистон, роҳбари гурӯҳи корӣ бахшида ба 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, муовини Раиси вилояти Суғд Зайнура Азимӣ, иҷрокунандаи вазифаи Раиси шаҳри Гулистон Илҳом Пӯлотзода ва роҳбарони мақомотҳои ҳифзи ҳуқуқ ва дигар сохторҳо иштирок доштанд. Ҳамчунин, меҳмонон аз кишварҳои Эрон, Руссия, Беллоруссия ва Ӯзбекистон ва оммаи васеи сокинони шаҳр ба тамошои тантанаҳои идонаи наврӯзи шаҳрӣ омада буданд.

Меҳмононро санъаткорони бахши фарҳанги шаҳр бо навои карнаю сурнай дар ҷашнгоҳ пешвоз гирифтанд. Хонандагони муассисаҳои таълимӣ бо қироати шеърҳо дар васфи Наврӯз меҳмононро ба ҷашнгоҳ хайрамақдам гуфтанд.