ВОХӮРӢ ДОИР БА ШАРҲУ ТАВЗЕҲИ “СТРАТЕГИЯИ МУҚОВИМАТ БА ЭКСТРЕМИЗМ ВА ТЕРРОРИЗМ ДАР ҶУМҲУРИИ ТОҶИКИСТОН БАРОИ СОЛҲОИ 2021-2025” ВА ПЕШГИРИИ ИН ПАДИДАҲОИ НОМАТЛУБ ДАР ҶОМЕА

Санаи 28.07.2025 дар толори хурди мақомоти иҷроияи ҳокимияти давлатии шаҳр вохӯрӣ доир ба пешгирии падидаҳои номатлуб дар ҷомеа аз қабили пешгирии экстремизм ва терроризм, ҷинояткорӣ, тақлид ба фарҳанги бегона ва шарҳу тавзеҳи мафҳумҳои асосии “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” бо иштироки фаъолон баргузор карда шуд.
Дар вохӯрии мазкур муовини якуми Раиси шаҳри Гулистон Даврон Муҳаммадзода ва сардори шуъбаи шаҳри Гулситони  Раёсати Кумитаи давлатии амнияти миллии Ҷумҳурии Тоҷикистон дар вилояти Суғд Қаҳҳоров Комрон иштирок ва суханронӣ намуданд.

ҶАЛАСАИ ҶАМЪБАСТИ ФАЪОЛИЯТИ МАРКАЗИ НАЗОРАТИ ДАВЛАТИИ САНИТАРИЮ ЭПИДЕМИОЛОГИИ ШАҲРИ ГУЛИСТОН

Санаи 25.07.2025 дар толори бахши ҳифзи муҳити зисти шаҳр ҷаласаи ҷамъбасти фаъолияти Маркази назорати давлатии санитарию эпидемиологии шаҳри Гулистон дар шаш моҳи соли 2025 ва вазифаҳо барои нимсолаи дуюм баргузор гардид.

Дар кори ҷаласа муовини Раиси шаҳр Муслимахон Ҷамолиён, мудири шуъбаи эпидемиологии МНДСЭ-и вилояти Суғд Саидов М.И. иштирок доштанд.

Нахуст директори Маркази назорати давлатии санитарию эпидемиологии шаҳри Гулистон Қӯқанов Исматилло доир ба фаъолияти шашмоҳа гузориш дод. Зикр карда шуд, ки Маркази назорати давлатии санитарию эпидемиологии шаҳри Гулистон фаъолияти худро тибқи санадҳои дахлдори амалкунанда ба роҳ монда ҷиҳати пешгирии ҳолатҳои қонуншиканӣ ва шароитҳои ба онҳо мусоидаткунанда, пешгирии бемориҳои сироятӣ, гузаронидани корҳои фаҳмондадиҳӣ ва баланд бардоштани маърифати санитарии аҳолӣ корҳои мушаххасро ба анҷом расонид. Дар ин давра дар шаҳр бемориҳои махсусан хатарнок ба қайд гирифта нашудааст. Дар шашмоҳаи соли 2025 дар маҷмуъ 218 ҳолати бемориҳои сироятӣ ба қайд гирифта шуд, ки нисбат ба ҳамин давраи соли гузашта як баробар кам мебошад. Дар ин давра ҷароҳатбардорӣ аз ҳайвонот 32 ҳолат ба қайд гирифта шуд, ки нисбати ҳамин давраи соли гузашта 18 адад кам мебошад. Дар давраи ҳисоботӣ дорандаи гепатити В 3 нафар ба қайд гирифта шудааст, ки нисбати соли гузашта 3 ҳолат кам мебошад. Дар ин давра 10 ҳолати бемориҳои сили нав ба қайди диспенсерӣ гирифта шуд.

БАРГУЗОРИИ ВОХӮРӢ БО УСУЛИ "МАҲАЛ БА МАҲАЛ" БО СОКИНОНИ КӮЧАИ "РӮДАКӢ"-И МАРКАЗИ ШАҲР

Санаи 24.07.2025 тибқи нақшаи сохторҳои дахлдори Мақомоти иҷроияи ҳокимияти давлатии шаҳри Гулистон ҷиҳати баргузории вохӯриҳо бо усули “маҳал ба маҳал” ва “деҳа ба деҳа” дар кӯчаи Рӯдакии маркази шаҳр бо сокинон вохӯрӣ баргузор карда шуд.

Дар вохӯрии мазкур муовинони Раиси шаҳр Муслимахон Ҷамолиён ва Шарифҷони Саидраҳмон, директори МНДСЭ -и шаҳр Қуқанов Исматулло, мудири бахши ҷавонони КИ ҲХДТ дар шаҳри Гулистон Фаридуншоҳ Абдуллоев, мудири бахши кор бо занон ва оилаи МИҲД-и шаҳр Матлуба Сатторова, сардори шуъбаи Агентии меҳнат ва шуғли аҳолӣ дар шаҳр Бахтовар Ҷӯразода ва мутахассиси пешбари бахши дин, танзими ҷашну маросими МИҲД-и шаҳр Шаҳбоз Раҳматов иштирок ва суханронӣ намуданд.

Машварати корӣ бо роҳбарону фаъолони шаҳри Гулистон

23 июли соли 2025 дар шаҳри Гулистон машварати корӣ таҳти раёсати Раиси вилояти Суғд Раҷаб Аҳмадзода баргузор гардид.

Дар машварат роҳбари вилоят зикр намуд, ки шаҳри Гулистон яке аз зеботарин ва ободу фараҳбахши кишвар ба ҳисоб рафта, ҳамасола меҳмонони зиёд аз дохил ва хориҷи кишвар бо мақсади истироҳат, фароғат ва тамошои мавзеъҳои табииву туристии он ба ин минтақа ташриф меоранд.