Моҳи сентябр таҷдиди Неругоҳи барқи обии «Қайроқум» пурра ба итмом мерасад

Интизор меравад, ки моҳи сентябри соли 2025 таҷдид дар Неругоҳи барқи обии «Қайроқум» пурра ба итмом расад, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.

1 август Вазири энергетика ва захираҳои оби Ҷумҳурии Тоҷикистон Далер Ҷумъа дар вилояти Суғд бо корҳои таҷдид дар Неругоҳи барқи обии «Қайроққум» шинос шуд.

Масъулини соҳа ба Вазири энергетика ва захираҳои об иттилоъ доданд, ки то имрӯз 5 агрегати неругоҳ таҷдид гардида, корҳои навсозӣ тибқи нақша дар агрегати охирин идома доранд. Мутобиқи маълумоти пешниҳодшуда, интизор меравад, ки моҳи сентябри соли 2025 таҷдид дар неругоҳ пурра ба итмом расад.

МУМФАРШНАМОИИ РОҲҲОИ ДОХИЛИ МАҲАЛ

Дар шаҳри Гулистон ҷиҳати бо дастовардҳои назаррас таҷлил намудани Ҷашни 35-солагии Истиқлоли давлатии Ҷумҳурии Тоҷикистон корҳои созандагиву бунёдкорӣ, таҷдиду азнавсозӣ ва таъмири роҳҳо бо маром ҷараён доранд.

Бо дастгирии мақомоти иҷроияи ҳокимияти давлатии шаҳр ва сокинон кӯчаҳои Мирзо Турсунзода 14 ва 22 мумфарш карда шуданд, ки наздик ба 1км-ро ташкил медиҳанд.

Дар оғози корҳои мумфаршанамоӣ муовини Раиси шаҳр Шарифҷони Саидраҳмон иштирок намуда, такид дошт, ки соли ҷорӣ таъмири 52,5 километр роҳҳои автомобилгарди шаҳр ва ҷамоати шаҳракҳо ба нақша гирифта шудааст. Аз ҷумла 7,5 км таъмири асосӣ, 20,4 километр таъмири ҷорӣ ва 25,5 километр шағалпўш мебошад.

ВАРЗИШ ГАРАВИ САЛОМАТИСТ!

Субҳи имрӯз, 02.08.2025 дар шаҳри Гулистон бо иштироки хизматчиёни давлатӣ, кормандони корхонаву муассисаҳо, ҷавонону наврасон ва сокинон дар боғи фарҳангиву фароғатии "Темурмалик" бахшида ба Рӯзи варзишгарон, машқҳои пагоҳирӯзӣ таҳти унвони "Миллати ҷисман солим рӯҳан низ муқтадир ва шикастнопазир мебошад" доир гардид.

Ин тадбир дар доираи нақшаи чорабиниҳои бахши кор бо ҷавонон ва варзиши мақомоти иҷроияи ҳокимияти давлатии шаҳри Гулистон бо мақсади амалӣ гардонидани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба амалигардонии “Барномаи рушди тарбияи ҷисмонӣ ва варзиш барои солҳои 2022-2026” ба роҳ монда шуд.

БАРГУЗОРИИ МАШВАРАТИ КОРӢ ДОИР БА ОМӮЗИШИ ВАЗЪИ КОРҲОИ ИДЕОЛОГӢ ДАР ШАҲРИ ГУЛИСТОН

Санаи 31.07.2025 тибқи нақшаи омӯзиши вазъи корҳо вобаста ба пешгирии равандҳои номатлуби ҷаҳони муосир, муқовимат ба экстремизм ва терроризм, тарғибу ташвиқи суннат ва фарҳанги миллӣ, ҳифз ва гиромидошти арзишҳои даврони истиқлоли давлатӣ дар шаҳру ноҳияҳои вилоят вобаста ба дастуру супоришҳои Асосгузори сулҳу ваҳдати милӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷлиси васеи КИМ ҲХДТ аз 17-уми июли соли 2025, инчунин рафти иҷрои нақшаҳои муштараки корҳои идеологӣ аз рӯйи усули “деҳа ба деҳа” ва “маҳалла ба маҳалла” аз ҷониби гурӯҳи кории Мақомоти иҷроияи ҳокимияти давлатии вилояти Суғд, ки аз ҷониби Раиси вилояти Суғд Раҷаб Аҳмадзода аз 21.07.2025 тасдиқ гардидааст, гурӯҳи кории вилоятӣ бо роҳбарии муовини Раиси вилоят Зуфар Исмоилзода ба шаҳри Гулистон ташриф овард.

Гурӯҳи корӣ вазъи корҳоро дар самти пешгирии равандҳои номатлуби ҷаҳони муосир, муқовимат ба экстремизм ва терроризм, тарғибу ташвиқи суннат ва фарҳанги миллӣ, ҳифз ва гиромидошти арзишҳои даврони истиқлоли давлатӣ ва рафти иҷрои нақшаи муштараки сохторҳои дахлдори шаҳри Гулистон вобаста ба тақвияти корҳои идеологӣ, тарғиботиву фаҳмондадиҳӣ бо сокинони деҳаю маҳаллаҳо барои давраи аз 1-уми июл то 31-уми декабри соли 2025 дар Мақомоти иҷроияи ҳокимияти давлатии шаҳри Гулистон, бахши кор бо ҷавонон ва варзиши шаҳр, бахши дин, танзими ҷашну маросим, шуъбаи Агентии меҳнат ва шуғли аҳолӣ дар шаҳри Гулистон, Кумитаи иҷроияи Ҳизби Халқии Демократии Тоҷикистон дар шаҳри Гулистон, шуъбаи Гулистони РКДАМ Ҷумҳурии Тоҷикистон дар вилояти Суғд, комиссариати ҳарбии шаҳр ва фаъолияти ҷамоати шаҳракҳои Сирдарё, Адрасмон, Консой ва Чоруқдаррон мавриди омӯзиш қарор дод.