05 Декабр 2025
Имрӯз, 5-уми декабри соли 2025 дар толори Кохи фарҳангии “Истиқлол”-и маркази шаҳри Гулистон ба ифтихори Рӯзи таъсисёбии Ҳизби Халқии Демократии Тоҷикистон чорабинии тантанавӣ баргузор гардид.
Раиси шаҳри Гулистон Илҳом Пӯлотзода зимни номаи табрикотии худ иброз намуд, ки Ҳизби Халқии Демократии Тоҷикистон кулли бахшҳои ҳаёти ҷомеаро фаро гирифта, ҷиҳати расидан ба ҳадафи олӣ – зиндагии шоистаи мардум ва пешрафти Тоҷикистон саъю талош дорад.
Ҳизби Халқии Демократии Тоҷикистон дар ҳаёти сиёсиву иҷтимоии сокинони Тоҷикистон нақши муассир дошта, дар ташаккули фарҳанги сиёсӣ ва худшиносиву худогоҳии мардум нақши сазовор мегузорад.
Рисолат ва мазмуну моҳияти барномаҳои Ҳизби Халқии Демократии Тоҷикистон рушди устувори Тоҷикистони соҳибистиқлол, ободу пешрафта ва аз лиҳози сиёсӣ ва иқтисодиву иҷтимоӣ босубот мебошад.
Фаъолияти ҳизб барои бунёди давлатӣ соҳибихтиёр, демократӣ, ҳуқуқӣ, дунявӣ, ягона ва самти иҷтимоӣ дошта, аз лиҳози иқтисодӣ тараққиёбанда ва беҳдошти сифати ҳаёти мардум равона шудааст.
Ҳизби Халқии Демократии Тоҷикистон бо мақсади таъмини ҳуқуқу озодиҳои инсон ва шаҳрванд ба хиради олии сиёсӣ, сифатҳои ҳамидаи ахлоқӣ ва маънавиёти баланди аъзои худ такя намуда, донишу маҳорати онҳоро ба амалӣ гардонидани ғояҳои сиёсӣ ва ҳадафҳои барномавии хеш сафарбар менамояд. Ҳамчунин ба таҳкими истиқлоли сиёсӣ, иқтисодӣ, иҷтимоӣ ва фарҳангии мамлакат мусоидат мекунад.
Сипас, мудири шуъбаи таблиғот ва иттилооти КИ ҲХДТ дар вилояти Суғд Мухтор Толибзода паёми табрикотии Раиси КИ ҲХДТ дар вилояти Суғдро ба самъи иштирокдорон расонид.
Раиси КИ ҲХДТ дар шаҳри Гулистон Бахтиёр Каримов низ ҳамсафону ҷонибдорони Ҳизби Халқии Демократии Тоҷикистон дар шаҳрро ба ин муносибат муборакбод намуд.
Сипас, дар вазъи тантанавӣ як қатор фаъолони ҳизб бо сипосномаи КИ ҲХДТ дар вилояти Суғд ва шаҳри Гулистон сарфароз гардонида шуданд.
Сипас, барномаи ранги фарҳангӣ манзури иштирокчиён карда шуд.
