Аёдати наврӯзии собиқадори соҳаи маориф Лидия Кулагина ва тақдими аробачаи маъюбӣ

Субҳи имрӯз, 20 март иҷрокунандаи вазифаи раиси шаҳри Гулистон Раъно Ҳошимзода ҳамроҳ бо бонувони фаъолу пешқадами шаҳрдар доираи тантанаҳои идонаи наврӯзӣ ва рӯзи зиёиёни эҷодкор ба шаҳраки Чоруқдаррони шаҳри Гулистон ташриф овард.

Дар шаҳрак роҳбари шаҳр собиқадори соҳаи маориф Лидия Кулагинаро, ки дар бистари беморист ба аёдат фаро гирифта номбурдаро ба ҷашни ҷаҳонии Наврӯз ва рӯзи зиёиёни эҷодкор таҳният гуфт. Зикр гардид, ки собиқадорону зиёиён ҳамчун хазинаи тиллоии миллат ҳамаша дар мадди назари Ҳукумати Ҷумҳурии Тоҷикистон зери роҳбарии Пешвои муаззами миллат муҳтарам Эмомалӣ Раҳмон қарор доранд.

Раъно Ҳошимзода оилаҳои ниёзманд ва шахсони дорои имкониятҳои маҳдудро ба ҷашни ҷаҳонии Наврӯз таҳният гуфт

Имрӯз, 19 март бо такя ба сиёсати хирадмандона ва инсондӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастуру супоришҳои Раиси вилояти Суғд муҳтарам Раҷаббой Аҳмадзода иҷрокунандаи вазифаи раиси шаҳри Гулистон Раъно Ҳошимзода ба манзили зисти як қатор оилаҳои ниёзманд, шахсони дорои имкониятҳои маҳдуд, пирони рӯзгордида ва сокинони шаҳр ташриф оварда, онҳоро бахшида ба ҷашни ҷаҳонии Наврӯз таҳният гуфт.

Ба оилаҳои зикргардида роҳбари шаҳр кӯмакҳои моддӣ дастрас намуда, изҳор дошт, ки онҳо ҳеҷ гоҳ набояд худро яккаву танҳо эҳсос намояд. Зеро давлату Ҳукумати мамлакат зери роҳбарии Пешвои муаззами миллат муҳтарам Эмомалӣ Раҳмон пуштибону нигаҳбони оилаҳои ниёзманд ва барҷомондагону ятимону бепарасторон мебошад.

Таҷлили бошукуҳи ҷашни Наврӯз дар шаҳраки Сирдарё

Наврӯз ҷашни эҳтиром аз ҷойгоҳи табиат ва бузургдошти сайёраи Замин аст, ки баъди карахтии сармои зимистон ба мисли инсон аз хоб бедор мешавад ва ба риёзату тафаккур шурӯъ мекунад. Наврӯзро метавон ба мисол набзи тапандаи сайёраи Замин шинохт, ки дар гирди Офтоб як даври пурраи соли нуҷумиро паси сар мекунад. Агар ба рамзи Наврӯз аз дидгоҳи даруннигарӣ (маъниҷӯӣ) назар андозем, мебинем, ки рамзи аслии он навсозӣ ва навпардозӣ аст.

Ин ҷашни пурифтихори аҷдоди ки имрӯз дар саросари дунё бо номи шевои тоҷики ба забон оварда шуда, ҳамчун дастоварди тамаддунии башар рангоранг ва бо шаҳомати арзанда таҷлил мегардад, маҳз бо талошҳои зиёди Асосгузори сулҳу Ваҳдати миллӣ Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ҷаҳонӣ гардид. Ин аст, ки имрӯзҳо дар сартосари Тоҷикистони азиз низ бо шукуҳу шаҳомати хоса мардуми диёр онро пешвоз гирифта истодаанд.

Номаи табрикии иҷрокунандаи вазифаи Раиси шаҳри Гулистон Раъно Ҳошимзода ба ифтихори Наврӯзи ҷаҳонафрӯз

Ҳамшаҳриёни гиромӣ,

Ҳамдиёрони азиз,

Соли нави миллӣ ба сарзамини соҳибистиқлоли мо бо Наврӯзи оламафрӯзи байналмилал қадами мубораку ҳаётофарини худро мегузорад. Наврӯз барои миллати мо чун иди пуршукуҳи баҳор арзиши бузург дошта, боиси ифтихору сарбаландии ҳар як фарди ватандӯсти Тоҷикистон мебошад. Дар ҳама давру замон мардуми соҳибтамаддуни тоҷик иди Наврӯзро дар баробари дигар халқҳои ориёӣ истиқбол менамуданд. Наврӯз иди бузургтарини миллӣ маҳсуб ёфта, ҳамчун дақиқтарин шинохти гардиши офтоб, баробарии шабу рӯз, дарки тағйирёбии авзои табиат, фарорасии фасли баҳору айёми шукуфоӣ ва посдории инсону табиат мақому мартабаи баланд дорад.

Тавассути Истиқлолияти давлатӣ, сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз файзу баракати хосаи иди бузургтарини аҷдодӣ ва миллӣ шукӯҳу шаҳомати тоза пайдо намуда, он ба густариши оинҳои Наврӯзи Аҷам мусоидат карда, барои такомули худшиносиву худогоҳии миллӣ ва ватандӯстиву ташаккули маънавият такони нерубахши худро эҳдо кардааст.