СУХАНРОНИИ Пешвои миллат Эмомалӣ Раҳмон дар варзишгоҳи марказии шаҳри Панҷакент

14.04.2022, шаҳри Панҷакент

Ҳамватанони азиз!

Кулли сокинони вилояти Суғд, аз ҷумла шаҳри Панҷакенти бостонӣ ва ҳар яки шумо – ҳозирини арҷмандро ба ифтихори ҷашни Наврӯзи байналмилалӣ самимона табрик гуфта, ба шумо барои заҳмати созандаву ватандӯстона ва истиқболи гарму самимиатон изҳори сипос менамоям.

Мардумони ориёинажод, аз ҷумла тоҷикон ҳанӯз аз давраҳои хеле қадим ҷашни соли нави аҷдодии худ, яъне Наврӯзро бо тозаву обод кардани манзили истиқоматӣ, муҳити зист, омодагӣ ба кишти баҳорӣ ва корҳои созандагиву бунёдкорӣ истиқбол мегирифтанд.

Махсусан, дар Саразми бостонӣ, ки яке аз оғозгоҳҳои таърихи халқи куҳанбунёди тоҷик ва маркази ташаккули маданияти шаҳрсозӣ, ҳунармандӣ ва кишоварзии тоҷикон ба шумор меравад, тибқи бозёфтҳои бостоншиносон ва таҳқиқоти муаррихон анъанаҳои зикршудаи наврӯзӣ ҷойгоҳи хосса доштаанд.

Пешвои миллат Эмомалӣ Раҳмон дар шаҳри Панҷакент дар тантанаҳои идонаи ҷашни Наврӯзи байналмилалӣ иштирок карданд

14 апрел Асосгузори сулҳу ваҳдати миллӣ — Пешвои миллат, Президентии Ҷумҳурии Тоҷикистон муҳтарам Эмомалӣ Раҳмон дар тантанаҳои бошукуҳи идонаи ҷашни Наврӯзи байналмилалӣ, ки дар варзишгоҳи марказии шаҳри Панҷакент баргузор шуд, иштирок ва суханронӣ карданд.

Президенти мамлакат муҳтарам Эмомалӣ Раҳмон кулли сокинони вилояти Суғд, аз ҷумла шаҳри Панҷакенти бостониро ба ифтихори ҷашни Наврӯзи байналмилалӣ самимона табрик гуфта, барои истиқболи гарму самимӣ изҳори сипос намуданд.

Сарвари давлат муҳтарам Эмомалӣ Раҳмон оид ба таърихи Наврӯз ва анъанаҳои ин ҷашни хусравонӣ андешаронӣ карда, ба мардуми ватандӯсти вилояти Суғд ва шаҳри Панҷакент барои арҷгузорӣ ва идомаи расму оини аҷдодон -созандагию ободонӣ изҳори сипос намуданд.

Баргузории мусобиқаи варзишии футбол байни наврасанону ҷавонон дар Ҷамоати шаҳраки Адрасмони шаҳри Гулистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир андешида шудаистодааст. Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст. Лозим ба ёдоварист, ки масъулин ва мураббиёни муассисаи давлатии "Мактаби варзишӣ"-и шаҳр дар ҳамкорӣ бо шуъбаи маориф, муассисаҳои таълимӣ ва дигар корхонаву ташкилотҳои ҳудудӣ шаҳр ва ҷамоати шаҳракҳо, ҳамарӯза мусобиқаҳои варзиширо, дар сатҳи хуб роҳандозӣ намуда намуда истодаанд.

Бо ҳамин мақсад санаи 13.04.2022, дар майдони варзишии Ҷамоати шаҳраки Адрасмон мусобиқаи мазкур ташкил ва баргузор карда шуд. Масъулинӣ бахши кор бо ҷавонон ва варзиш ва "Мактаби варзиши"-и шаҳр азм доранд, ки дар давоми соли равон, дар байни ҷавонону наврасон ва сокинони шаҳр баргузории чунин мусобиқаҳоро зиёд намуда, бо ин васила тарзи ҳаёти солим ва оммавигардонии варзишро дар шаҳр таъмин намоянд.

Вусъати корҳои ободонӣ дар Ҷамоати шаҳраки Чоруқдаррон

Кормандони Хоҷагии манзилию комуналии Ҷамоати шаҳраки Чорукдаррони шаҳри Гулистон ҷиҳати ободу хуррамгардонидани шаҳрак ва тозаву озода намудани онро аз шафати роҳи Абрешим – гардиши шаҳрак шурӯъ намуда, корҳои ободонӣ, рангу бор ва сафедкунии ду шафати роҳи асосии шаҳрак ва насби шиору овезаҳоро бахшида ба Ҷашни 35-солагии Истиқлолияти давлатии Ҷумҳурии Тоҷикистон дар шафати роҳи асосӣ иваз намуда барои зебову тоза нигоҳ доштани шаҳрак фаъолият намуда истодаанд.

Корҳои ободониву хуррамгардонӣ дар шаҳрак аз ҷониби кормандони Хоҷагии манзилию комуналии шаҳрак ҳамарӯза ба роҳ монда мешавад. Аҳолии маҳаллӣ низ дар рӯзҳои ҳашари дастаҷамъи фаъолона иштирок менамоянд.