ИҶЛОСИЯИ ПАНҶУМИ МАҶЛИСИ ВАКИЛОНИ ХАЛҚИ ШАҲР

Таҳти раёсати Раиси Маҷлиси вакилони халқи шаҳри Гулистон Илҳом Пӯлотзода иҷлосияи панҷуми Маҷлиси вакилони халқи шаҳри Гулистон, даъвати ҳафтум бо садо додани Суруди миллӣ оғоз гардид.

Иҷлосияи 5-уми Маҷлиси вакилони халқи шаҳри Гулистон, даъвати ҳафтум 8 масъаларо мавриди баррасӣ қарор дод.

Нахуст вакилон ваколатҳои вакилони Маҷлиси вакилони халқи шаҳри Гулистон ба ҷойи вакилони хориҷшуда, ки дар ҳавзаҳои интихоботии “Мирзо Турсунзода” №18 Бахтиёр Каримов ва “Навобод” №24 Ҷасурҷон Бобоев, ки санаи 22 феврали соли 2026 интихоб гардидаанд, тасдиқ намуданд. Вакилони навинтихобшуда савганд ёд карданд.

Аз рӯи масъалаи дуюм ҷиҳати Барномаи пешгирӣ ва назорати бемориҳои саратонӣ дар Ҷумҳурии Тоҷикистон барои солҳои 2025-2029”, вакил аз ҳавзаи интихоботии “Сарбанд” №6 Муслимахон Ҷамолиён баромад намуд. Вакил аз ҳавзаи интихоботии “Наврӯз” №22 Тутинисо Нишонова ба музокира баромад.

МУБОРАКБОДИИ РАИСИ ШАҲРИ ГУЛИСТОН ИЛҲОМ ПӮЛОТЗОДА БА МУНОСИБАТИ РӮЗИ МАТБУОТИ ТОҶИК

Муҳтарам намояндагони аҳли қалам!
Мақомоти иҷроияи ҳокимияти давлатии шаҳри Гулистон дар роҳи татбиқи сиёсати хирадмандонаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди матбуот ва дигар воситаҳои  ахбори омма эътибори бештар зоҳир менамояд. Дар ин замина бояд таъкид кард, ки ҳар сол санаи 11-уми март ҳамчун Рӯзи матбуоти тоҷик дар тамоми қаламрави ҷумҳурӣ, бахусус дар доираҳои фарҳангии кишвар ва аҳли қалам ботантана таҷлил мегардад. Мо хуб огоҳ ҳастем, ки ин ид ба ифтихори нашри нахустин рӯзномаи тоҷикии “Бухорои шариф” иртиботи қавӣ дорад.

ТАНТАНАИ РӮЗИ МОДАР ДАР ГУЛИСТОН

Бо ибтикори Мақомоти иҷроияи ҳокимияти давлатии шаҳри Гулистон бахшида ба Рӯзи Модар бо иштироки фаъолон ҳамоиши тантанавӣ баргузор гардид.  Қабл аз оғози ҷамъомад шаҳрдор ва ҳамроҳонаш бо собиқадорони меҳнат мулоқоти самимона намуданд. Кулли модарону хоҳарон ва собиқадорони меҳнат бо туҳфаҳо қадрдонӣ гардиданд.
Дар чорабинии идона намояндагони Ҳукумати Ҷумҳурии Тоҷикистон Иззатулло Убайдзода ва Мақомоти иҷроияи ҳокимияти давлатии вилояти Суғд Зулфиқор Тоҳиров ҳузур доштанд.
Тантанаро Раиси шаҳр Илҳом Пӯлотзода ҳусни ифтитоҳ бахшида, навбатро барои қироати шодбошии Раиси вилояти Суғд Раҷаб Аҳмадзодаро ба самъи ҳозирин расонидан ба намояндаи Мақомоти иҷроияи ҳокимияти давлатии вилояти Суғд Зулфиқор Тоҳиров дод. Ӯ зимни суханронӣ гуфт, ки МИҲД-и вилоят барои беҳтар гардонидани вазъи иҷтимоии занон тадбирҳои зарурӣ андешида, баҳри ҷалби бештари онҳо ба ҳаёти сиёсӣ ва ҷамъиятӣ корҳои судмандро амалӣ менамояд. Минбаъд низ ба фаъолияти занону духтарон ҳамчун неруи пешбарандаи ҷомеа таваҷҷуҳ намуда, барои ҳалли мушкилоти онҳо тамоми тадбирҳои заруриро хоҳад андешид.

ҚАДРДОНИИ ПОККОРОН

Дар майдони “Тоҷикистон ба пеш!” мулоқоти идонаи Илҳом Пӯлотзода бо поккорон доир гашт. Басо рамзист, ки табиатро баҳори нозанин, гулу себаргаҳои сар ба боло кардаву ба машом бӯи муаттари гулҳо мерасад, чун фоли нек дар фаъолияти кориву рӯзгорашон Раиси шаҳри Гулистон Илҳом Пӯлотзода ба кулли бонувони КДФ “Хоҷагии манзилию коммуналӣ”, ки тозагию озодагии кӯчаву хиёбон, гулгашту роҳравҳо маҳз аз фаъолияти шабонарӯзии ин занону духтарон иртибот мегирад, бо як самимияти хоса армуғони баҳорона тақдим кард.
Ҳамзамон, шаҳрдор ҷиҳати боз ҳам талош варзидани онҳо дар сабзу хуррамии шаҳри соҳили “Баҳри тоҷик” таманнои нек намуда, бо фарорасии Баҳори дилрабо ва Рӯзи модар таҳният гуфт.
Дар чорабинӣ намояндагони Ҳукумати Ҷумҳурии Тоҷикистон Иззатулло Убайдзода ва Мақомоти иҷроияи ҳокимияти давлатии вилояти Суғд, директори Маркази Тоҷикстандарт дар вилоят Зулфиқор Тоҳиров низ ширкат варзиданд.